Opinn fundur um vestnorrænt samstarf á Amtsbókasafninu Uppfært!
Jón Gnarr, formaður Íslandsdeildar Vestnorræna ráðsins, mun segja frá starfi ráðsins og þeim málum sem nú eru efst á baugi í samstarfi Íslands, Færeyja og Grænlands.
Norræna félagið á Norðurlandi býður almenningi á opinn kynningarfund um starfsemi Vestnorræna ráðsins í dag miðvikudag 2. september kl. 17:00 á Amtsbókasafninu á Akureyri.
Jón Gnarr, formaður Íslandsdeildar Vestnorræna ráðsins, mun segja frá starfi ráðsins og þeim málum sem nú eru efst á baugi í samstarfi Íslands, Færeyja og Grænlands. Að loknu erindi verða umræður og tækifæri fyrir gesti til að leggja fram spurningar.
Auk Jóns Gnarr verða allir þingmenn Íslandsdeildarinnar á staðnum; þau Ingibjörg Davíðsdóttir, Jens Garðar Helgason, Ása Berglind Hjálmarsdóttir, Sigurjón Þórðarson og Jón Gunnarsson. Ritari Íslandsdeildar, Hildur Edwald og framkvæmdastjóri Vestnorræna ráðsins, Lárus Valgarðsson munu einnig mæta.
Vestnorræna ráðið er samstarfsvettvangur þjóðþinga og ríkisstjórna Íslands, Færeyja og Grænlands um sameiginleg málefni vestnorrænu landanna.
Allir eru velkomnir og aðgangur er ókeypis.
Nýjast
-
Opinn fundur um vestnorrænt samstarf á Amtsbókasafninu Uppfært!
Norræna félagið á Norðurlandi býður almenningi á opinn kynningarfund um starfsemi Vestnorræna ráðsins í dag miðvikudag 2. september kl. 17:00 á Amtsbókasafninu á Akureyri. -
Stjórnmálin verða að svara þeim sem minnst hafa
Það er kominn tími til að stjórnmálamenn hætti að tala um eldri borgara sem einsleitan hóp. Eldri borgarar eru fjölmennur og fjölbreyttur hópur. Sumir hafa góðar tekjur og búa við ágæt kjör. Aðrir þurfa að snúa hverri krónu við og hafa verulegar áhyggjur af því hvernig þeir ná endum saman. -
Bæjarráð Fjallabyggðar skorar á stjórnvöld að tryggja fasta viðveru þyrlu LHG á Akureyri
Bæjarráð Fjallabyggðar samþykkti samhljóða á fundi ráðsins þann 27 ágúst s.l. að skora á ríkisstjórn og Alþingi að koma upp fastri starfsstöð fyrir þyrlu Landhelgisgæslu Íslands á Akureyri. -
Ein nótt segir ekki alltaf alla söguna um kæfisvefn barna
Niðurstöður nýrrar rannsóknar, sem unnin var með þátttöku starfsfólks Sjúkrahússins á Akureyri (SAk), benda til þess að kæfisvefn hjá börnum geti mælst talsvert mismunandi frá einni nóttu til annarrar. Niðurstöðurnar vekja athygli á því að mæling yfir eina nótt gefur ekki alltaf nægilega góða mynd af alvarleika kæfisvefns hjá einstaka barni. -
Endurvekja viðtalstíma bæjarfulltrúa
Fyrsti viðtalstími bæjarfulltrúa á Akureyri verður á Amtsbókasafninu á Akureyri 22. september 2026. Í málefnasamningi meirihluta bæjarstjórnar Akureyrar kemur fram það markmið að endurvekja viðtalstíma bæjarfulltrúa og efla samráð við íbúa og fyrirtæki. Lagt er til í minnisblað um fyrirkomulag viðtalstíma bæjarfulltrúa að þeir verði haldnir fjórða þriðjudag hvers mánaðar frá klukkan 16:00 til 17:30 og a.m.k tveir bæjarfulltrúar verði til viðtals hverju sinni, einn frá meirihluta og einn frá minnihluta. -
Hildur Arna Magnúsdóttir hefur verið ráðin framkvæmdastjóri Eims og tekur til starfa 1. október næstkomandi
Hildur hefur yfir tíu ára reynslu af stjórnun, stefnumótun, nýsköpun, verkefnastjórnun og stjórnun verkefnasafna, einkum innan orku- og innviðageirans. Hún hefur á ferli sínum leitt fjölbreytt þróunar- og umbótaverkefni, stýrt teymum og unnið að því að þróa hugmyndir og koma þeim í framkvæmd. -
Endurbætur á stjórnsýsluhúsinu hefjast á næsta ári
Sveitarstjórn Norðurþings samþykkti samhljóða á fundi sínum á fimmtudag að stefnt verði að því að endurbætur á stjórnsýsluhúsinu að Ketilsbraut 7–9 hefjist árið 2027. -
Landvinnsla komin á fulla ferð eftir sumarleyfi
Vinnsla hófst á ný hjá Útgerðarfélagi Akureyringa í síðustu viku eftir sumarleyfi og þar með er landvinnsla Samherja komin aftur á fullt skrið. -
Skemmdarverk í skjóli nætur
Hún var ekki skemmtileg aðkoman fyrir starfsmenn GHjálmarssonar þegar þeir mættu til vinnu sinnar í Móahverfi í morgun.
