Ingólfur Jóhannsson er Akureyringur vikunnar á facebooksíðu Akureyrarbæjar
Ingólfur Jóhannsson
Ingólfur Jóhannsson framkvæmdastjóri Skógræktarfélags Eyfirðinga vakti á dögunum athygli á slæmri umgengni í skóginum eftir skemmtanahald. „Vanalega er umgengni um skóginn til fyrirmyndar og við hjá Skógræktarfélaginu reynum að ganga á undan með góðu fordæmi. Ingólfur er Akureyringur vikunnar á facebooksíðu Akureyrarbæjar þar sem hann kemur inn á umgengni og fleiri þætti í starfsemi SE:
Hér má lesa viðtalið við Ingólf
Ingólfur segir Kjarnaskóg hafa tekið miklum breytingum á þeim tíma sem hann hefur unnið í skóginum. „Hann hefur náttúrulega stækkað mikið enda að verða 80 ára. Við munum halda upp á afmælið á næsta ári. Stærsta breytingin er samt aðstaðan sem við höfum byggt upp, bæði hvað varðar snjótroðslu, gönguleiðir og leiksvæði, auk svæða þar sem fólk getur fengið að vera í friði. Í dag er lögð meiri áhersla á umhirðu og við höfum aldrei grisjað meira af skógi en undanfarin ár.“
Ingólfur segir bæjarbúa duglega að heimsækja Kjarnaskóg. „Þetta er skógurinn okkar en ekki svona ferðamannastaður, þótt við séum með flottasta tjaldsvæðið á landinu hér við hliðina á okkur, sem skátarnir reka. Við vorum lengi með minnimáttarkennd gagnvart Noregi og Finnlandi, enda með minni tré en þau, en í dag fáum við reglulega spurningar um það hvernig við getum haldið úti svona paradís. Bæjarbúum er ekki sama um skóginn sinn og í því eru mikil verðmæti. Við lítum á þetta eins og lóðina okkar og við viljum að skógurinn sé vel hirtur og fínn.“
Ingólfur vakti á dögunum athygli á slæmri umgengni í skóginum eftir skemmtanahald. „Vanalega er umgengni um skóginn til fyrirmyndar og við hjá Skógræktarfélaginu reynum að ganga á undan með góðu fordæmi. Við tínum rusl hvern einasta dag ársins og pössum að allt sé í lagi þegar fólk mætir í skóginn á morgnana. Þessi atburður sem þarna átti sér stað tengdist partýhaldi ungs fólks, eins og gengur og gerist þegar fólk er að fóta sig í lífinu. Slíkt hefur alltaf verið, líka þegar ég var á þessum aldri, og við horfum á þetta þannig. Ástæðan fyrir því að ég byrsti mig annað slagið er að þetta hefur áhrif inn í samfélagið okkar. Ég vil ekki bjóða starfsfólkinu mínu upp á þetta. Ef maður segir ekkert gerist ekkert. Þessir krakkar eru engir glæpamenn, bara ungir krakkar, börnin okkar, sem eru að feta sig inn í lífið. Auðvitað má ræða um unglingadrykkju en við spornum ekki mikið við henni hérna. En umræðan er holl. Kannski finnst einhverjum þessi viðbrögð mín of hörð en vonandi verður þetta til þess að foreldrar og skólinn ræði þetta.“
En er Kjarnaskógur ekki draumavinnustaður fyrir garðyrkjumann? „Þetta er náttúrulega frábær náttúruperla en það verðmætasta held ég að sé lognið. Hér er alltaf logn og ég er því á bolnum yfir allt árið. Þegar það er ekki hundi út sigandi er hægt að koma hingað. Mér finnst mikill heiður að vinna hér en eins og á öllum vinnustöðum er oft brjálað að gera og í mörg horn að líta.
Það þarf náttúrulega að reka batteríið.
En ég kvarta ekki.“
Nýjast
-
Ingólfur Jóhannsson er Akureyringur vikunnar á facebooksíðu Akureyrarbæjar
Ingólfur Jóhannsson framkvæmdastjóri Skógræktarfélags Eyfirðinga vakti á dögunum athygli á slæmri umgengni í skóginum eftir skemmtanahald. „Vanalega er umgengni um skóginn til fyrirmyndar og við hjá Skógræktarfélaginu reynum að ganga á undan með góðu fordæmi. Ingólfur er Akureyringur vikunnar á facebooksíðu Akureyrarbæjar þar sem hann kemur inn á umgengni og fleiri þætti í starfsemi SE: Hér má lesa viðtalið við Ingólf -
Að verja fé til endurhæfingar er fjárfesting
,,Kannski eigum við það líka sameiginlegt að bera ákveðinn beyg í brjósti, jafnvel ótta yfir því hvert verður framhaldslíf þeirra bygginga sem hér standa allt í kringum okkur. Byggingar þessar tilheyra Kristnesspítala og síðustu áratugi hefur hér verið rekin öflug endurhæfingar- og öldrunarlækningadeild á vegum SAk, sú eina sinnar tegundar á landsbyggðinni. Því miður hafa þessar byggingar reynst það illa farnar af langvinnum rakaskemmdum og tilheyrandi myglu að ekki er talið heilsusamlegt að nýta þær lengur undir þessa þjónustu." Þetta sagði Sólveig Pétursdóttir þjónustustjóri og yfirlæknir Endurhæfingar- og öldrunarlækningaþjónustu SAk í ávarpi sem hún flutti á samkomunni Björgum Kristnesi -
Fyrsta skóflustunga tekin að nýjum stúdentagörðum við Háskólann á Akureyri
Alls rísa 124 búsetueiningar í þremur byggingum -
Húsið við Hvannavelli 10 til sölu
Húsnæði við Hvannavelli 10, áður bækistöð Hjálpræðishersins á Akureyri hefur verið auglýst til sölu. Uppsett verð er 135 milljónir króna. -
Opinn fundur um vestnorrænt samstarf á Amtsbókasafninu Uppfært!
Norræna félagið á Norðurlandi býður almenningi á opinn kynningarfund um starfsemi Vestnorræna ráðsins í dag miðvikudag 2. september kl. 17:00 á Amtsbókasafninu á Akureyri. -
Stjórnmálin verða að svara þeim sem minnst hafa
Það er kominn tími til að stjórnmálamenn hætti að tala um eldri borgara sem einsleitan hóp. Eldri borgarar eru fjölmennur og fjölbreyttur hópur. Sumir hafa góðar tekjur og búa við ágæt kjör. Aðrir þurfa að snúa hverri krónu við og hafa verulegar áhyggjur af því hvernig þeir ná endum saman. -
Bæjarráð Fjallabyggðar skorar á stjórnvöld að tryggja fasta viðveru þyrlu LHG á Akureyri
Bæjarráð Fjallabyggðar samþykkti samhljóða á fundi ráðsins þann 27 ágúst s.l. að skora á ríkisstjórn og Alþingi að koma upp fastri starfsstöð fyrir þyrlu Landhelgisgæslu Íslands á Akureyri. -
Ein nótt segir ekki alltaf alla söguna um kæfisvefn barna
Niðurstöður nýrrar rannsóknar, sem unnin var með þátttöku starfsfólks Sjúkrahússins á Akureyri (SAk), benda til þess að kæfisvefn hjá börnum geti mælst talsvert mismunandi frá einni nóttu til annarrar. Niðurstöðurnar vekja athygli á því að mæling yfir eina nótt gefur ekki alltaf nægilega góða mynd af alvarleika kæfisvefns hjá einstaka barni. -
Endurvekja viðtalstíma bæjarfulltrúa
Fyrsti viðtalstími bæjarfulltrúa á Akureyri verður á Amtsbókasafninu á Akureyri 22. september 2026. Í málefnasamningi meirihluta bæjarstjórnar Akureyrar kemur fram það markmið að endurvekja viðtalstíma bæjarfulltrúa og efla samráð við íbúa og fyrirtæki. Lagt er til í minnisblað um fyrirkomulag viðtalstíma bæjarfulltrúa að þeir verði haldnir fjórða þriðjudag hvers mánaðar frá klukkan 16:00 til 17:30 og a.m.k tveir bæjarfulltrúar verði til viðtals hverju sinni, einn frá meirihluta og einn frá minnihluta.
