Fyrsta skóflustunga tekin að nýjum stúdentagörðum við Háskólann á Akureyri
Fyrsta skóflustunga að nýjum stúdentagörðum við Háskólann á Akureyri var tekin í dag, að Norðurslóð 3, 5 og 7. Garðarnir rísa á háskólasvæðinu og munu hýsa samtals 62 íbúðir. Myndir unak.is
Alls rísa 124 búsetueiningar í þremur byggingum
Berglind Ósk Guðmundsdóttir bæjarstjóri Akureyrarbæjar hefur orðið. „Í dag fögnum við öll mikilvægu framfaraskrefi fyrir Akureyri og Háskólann á Akureyri. Með nýjum stúdentagörðum sem hér munu rísa skapast betri skilyrði fyrir námsfólk til að búa og mennta sig. Sem bæjarstjóri, fyrrum stúdent við Háskólann á Akureyri og íbúi á stúdentagörðunum er það alveg skýrt í mínum huga að þetta er sannarlega fjárfesting í framtíðinni og áframhaldandi þróun Akureyrar sem háskólabæjar.“
Skóflustunguna tóku Berglind Ósk, Áslaug Ásgeirsdóttir, rektor Háskólans á Akureyri, Aðalbjörn Jóhannsson, formaður Stúdentafélags Háskólans á Akureyri (SHA), og Böðvar Ingi Guðjónsson, nýnemi í Sálfræðideild.
„Nýir stúdentagarðar skapa fleiri stúdentum aðgang að hagstæðu húsnæði og eru um leið mikilvægt skref í áframhaldandi uppbyggingu og eflingu námssamfélagsins á Akureyri,“ sagði Áslaug eftir að hafa mundað skófluna.
Framboð minni íbúða stóraukið
Félagsstofnun stúdenta á Akureyri (FÉSTA) stendur að framkvæmdinni og í dag á stofnunin 164 búsetueiningar, þar af 74 þriggja herbergja íbúðir. Í nýju byggingunum þremur munu verða 40 tveggja herbergja íbúðir, 20 stúdíóíbúðir og 64 einstaklingsherbergi með sérbaðherbergi. Alls er um 124 nýjar búsetueiningar að ræða og framboð smærri búsetueininga mun rúmlega tvöfaldast. Nýju stúdentagarðarnir munu því auka verulega möguleika stúdenta á að fá húsnæði sem hentar þörfum þeirra.
Jóhannes Baldur Guðmundsson, framkvæmdastjóri FÉSTA, sagði aðeins frá uppbyggingu áður en skóflustungan fór fram
FÉSTA samdi við K16 ehf. um byggingu stúdentagarðanna í kjölfar hugmyndasamkeppni um hönnun þeirra. Alls bárust ellefu tillögur í keppnina og hlaut tillaga Nordic Office of Architecture fyrstu verðlaun.
Stúdentagarðarnir verða í þremur byggingum sem munu bera nöfnin Sólvellir, Þingvellir og Akurvellir. Með framkvæmdinni verður stigið stórt skref í að mæta eftirspurn eftir hentugu og hagkvæmu húsnæði fyrir stúdenta við Háskólann á Akureyri.
Nýjast
-
Að verja fé til endurhæfingar er fjárfesting,
,,Kannski eigum við það líka sameiginlegt að bera ákveðinn beyg í brjósti, jafnvel ótta yfir því hvert verður framhaldslíf þeirra bygginga sem hér standa allt í kringum okkur. Byggingar þessar tilheyra Kristnesspítala og síðustu áratugi hefur hér verið rekin öflug endurhæfingar- og öldrunarlækningadeild á vegum SAk, sú eina sinnar tegundar á landsbyggðinni. Því miður hafa þessar byggingar reynst það illa farnar af langvinnum rakaskemmdum og tilheyrandi myglu að ekki er talið heilsusamlegt að nýta þær lengur undir þessa þjónustu." Þetta sagði Sólveig Pétursdóttir þjónustustjóri og yfirlæknir Endurhæfingar- og öldrunarlækningaþjónustu SAk í ávarpi sem hún flutti á samkomunni Björgum Kristnesi -
Fyrsta skóflustunga tekin að nýjum stúdentagörðum við Háskólann á Akureyri
Alls rísa 124 búsetueiningar í þremur byggingum -
Húsið við Hvannavelli 10 til sölu
Húsnæði við Hvannavelli 10, áður bækistöð Hjálpræðishersins á Akureyri hefur verið auglýst til sölu. Uppsett verð er 135 milljónir króna. -
Opinn fundur um vestnorrænt samstarf á Amtsbókasafninu Uppfært!
Norræna félagið á Norðurlandi býður almenningi á opinn kynningarfund um starfsemi Vestnorræna ráðsins í dag miðvikudag 2. september kl. 17:00 á Amtsbókasafninu á Akureyri. -
Stjórnmálin verða að svara þeim sem minnst hafa
Það er kominn tími til að stjórnmálamenn hætti að tala um eldri borgara sem einsleitan hóp. Eldri borgarar eru fjölmennur og fjölbreyttur hópur. Sumir hafa góðar tekjur og búa við ágæt kjör. Aðrir þurfa að snúa hverri krónu við og hafa verulegar áhyggjur af því hvernig þeir ná endum saman. -
Bæjarráð Fjallabyggðar skorar á stjórnvöld að tryggja fasta viðveru þyrlu LHG á Akureyri
Bæjarráð Fjallabyggðar samþykkti samhljóða á fundi ráðsins þann 27 ágúst s.l. að skora á ríkisstjórn og Alþingi að koma upp fastri starfsstöð fyrir þyrlu Landhelgisgæslu Íslands á Akureyri. -
Ein nótt segir ekki alltaf alla söguna um kæfisvefn barna
Niðurstöður nýrrar rannsóknar, sem unnin var með þátttöku starfsfólks Sjúkrahússins á Akureyri (SAk), benda til þess að kæfisvefn hjá börnum geti mælst talsvert mismunandi frá einni nóttu til annarrar. Niðurstöðurnar vekja athygli á því að mæling yfir eina nótt gefur ekki alltaf nægilega góða mynd af alvarleika kæfisvefns hjá einstaka barni. -
Endurvekja viðtalstíma bæjarfulltrúa
Fyrsti viðtalstími bæjarfulltrúa á Akureyri verður á Amtsbókasafninu á Akureyri 22. september 2026. Í málefnasamningi meirihluta bæjarstjórnar Akureyrar kemur fram það markmið að endurvekja viðtalstíma bæjarfulltrúa og efla samráð við íbúa og fyrirtæki. Lagt er til í minnisblað um fyrirkomulag viðtalstíma bæjarfulltrúa að þeir verði haldnir fjórða þriðjudag hvers mánaðar frá klukkan 16:00 til 17:30 og a.m.k tveir bæjarfulltrúar verði til viðtals hverju sinni, einn frá meirihluta og einn frá minnihluta. -
Hildur Arna Magnúsdóttir hefur verið ráðin framkvæmdastjóri Eims og tekur til starfa 1. október næstkomandi
Hildur hefur yfir tíu ára reynslu af stjórnun, stefnumótun, nýsköpun, verkefnastjórnun og stjórnun verkefnasafna, einkum innan orku- og innviðageirans. Hún hefur á ferli sínum leitt fjölbreytt þróunar- og umbótaverkefni, stýrt teymum og unnið að því að þróa hugmyndir og koma þeim í framkvæmd.
