Aðkallandi að hjúkrunarheimilið í Þursaholti rísi sem fyrst
Svæðið við Þursaholt þar sem innan tíðar verður hafist handa við að reisa nýtt 140 rýma hjúkrunarheimili. Heilsuvernd Hjúkrunarheimili mun sjá um rekstur þess
„Það liggur fyrir að við höfum glímt við ákveðinn húsnæðisvanda á Hlíð um langt skeið og hefur hann haft áhrif á okkar starfsemi. Það kom upp mygla í húsnæðinu og við þurftum að loka rýmum og því fylgdu mikil óþægindi fyrir okkar skjólstæðinga,“ segir Teitur Guðmundsson forstjóri Heilsuverndar og samstæðu.
Heilsuvernd Hjúkrunarheimili hefur sinnt þjónustu í Hlíð og Lögmannshlíð frá árinu 2021. Nýlega var gengið frá samningi við Sjúkratryggingar Íslands um rekstur nýs hjúkrunarheimilis í Þursaholti.
„Við höfum verið í góðu samstarfi við Framkvæmdasýslu Ríkisins um endurbætur húsnæðis á Hlíð og eru þær í gangi núna. Það liggur þó fyrir að ekki verður farið alla leið í viðgerðum og því aðkallandi að húsnæði í Þursaholti rísi sem fyrst og þjónusta komist af stað” segir Teitur.
Reitir fasteignafélag mun reisa nýja hjúkrunarheimilið við Þursaholt
Spennt fyrir samstarfinu
Fram undan er að hitta á forsvarsmenn hjá Framkvæmdasýslunni og Reitum fasteignafélagi sem valið var til að reisa hjúkrunarheimili í Þursaholti en fyrir liggur að ljúka við hönnun og skipulag í húsnæðinu. „Við erum spennt fyrir þessu samstarfi og okkur hlakkar til að leggja okkar af mörkum svo byggingin verði hin glæsilegasta, notagildi verði gott og aðbúnaðar eins og best verður á kosið þannig að það nýtist starfseminni vel auk þess að hlúa vel að íbúum okkar,“ segir hann.
Teitur Guðmundsson forstjóri Heilsuverndar og samstæðu
Verða líklega með um 300 rými
Í væntanlegu hjúkrunarheimili við Þursaholt verða 140 pláss. Fyrir rekur Heilsuvernd 179 pláss í Hlíð og Lögmannshlíð. Teitur segir að á þessari stundu liggi ekki fyrir hvernig heildarfjöldi rýma verður en gera megi ráð fyrir að hann verði nálægt 300 rýmum. Því til viðbótar er starfrækt öflug dagþjónusta og endurhæfing fyrir aldraða á vefum félagsins á Akureyri. Til viðbótar er Heilsuvernd einnig með 100 biðrými í Urðarhvarfi 16 í Kópavogi og 48 biðhjúkrunarrými á Vífilsstöðum auk þess að starfrækja heilsugæslustöð í Urðarhvarfi 14.
Unnið að nýju húsnæði fyrir heilbrigðisþjónustu í Móahverfi
Teitur nefnir að ýmislegt sé fram undan hjá félaginu norðan heiða. Nýverið fékk Heilsuvernd úthlutað lóð í nýju Móahverfi og segir hann að þar sé ætlunin að rísi húsnæði fyrir frekari heilbrigðisþjónustu fyrir aldraða, tímabundnar dvalir, endurhæfing og önnur starfsemi félagsins. Þar er einnig horft til þess að byggja þjónustuíbúðir fyrir aldraða sem mikil þörf er á og tvinnast vel saman við aðra þjónustu félagsins.
„Þessa dagana er unnið að teikningum, skipulagi og heildarumfangi þessarar starfsemi í samstarfi við Akureyrarbæ. „Það verður skemmtilegt að sjá þeta verkefni verða að veruleika,“ segir Teitur. „Við erum líka spennt fyrir verkefni sem við vinnu að og kallast Heilsuvernd Heima og snýr að því að eldri borgara geti búið sem lengst heima og eru slík verkefni á döfinni bæði á Akureyri og á Höfuðborgarsvæðinu“ segir Teitur.
Nýjast
-
Skipulag sem má ekki borga sig!
Skipulögð brotastarfsemi hefur á undanförnum árum orðið umfangsmeiri og aðferðir brotahópa þróaðri og fjölbreyttari. Það kallar á öflug og samstillt viðbrögð þvert á ýmsa aðila m.a. stjórnvalda, löggæslu og atvinnulífsins. Mikilvægt er að löggjöf, rannsóknarheimildir og viðbúnaður þeirra sem fara með rannsókn og saksókn brota sæti framþróun í takt við breyttan veruleika -
Aðkallandi að hjúkrunarheimilið í Þursaholti rísi sem fyrst
„Það liggur fyrir að við höfum glímt við ákveðinn húsnæðisvanda á Hlíð um langt skeið og hefur hann haft áhrif á okkar starfsemi. Það kom upp mygla í húsnæðinu og við þurftum að loka rýmum og því fylgdu mikil óþægindi fyrir okkar skjólstæðinga,“ segir Teitur Guðmundsson forstjóri Heilsuverndar og samstæðu. -
Alfreð Gíslason hlýtur heiðursviðurkenningu Útflutningsverðlauna forseta Íslands 2026
Akureyringurinn Alfreð Gíslason fyrrum leikmaður og þjálfari KA hlaut í gær heiðursviðurkenningu Útflutningsverðlauna forseta Íslands 2026 fyrir einstakan árangur á alþjóðavettvangi og fyrir að hafa verið brautryðjandi íslenskra handknattleiksþjálfara erlendis. -
Starfsmenn Slippsins vinna að viðhaldi á Jökulsárbrúnni
Undanfarna daga hefur Slippurinn iðnaðarþjónusta unnið að viðhaldi á Jökulsárbrúnni. -
Aðskilnaðarstefna ríkis og landsbyggðar – fáum við öll brauðtertusneið?
Niðurstöður þjóðaratkvæðagreiðslu um ESB ættu að vera stjórnvöldum umhugsunarefni, ekki bara vegna málsins sjálfs heldur vegna þess hversu skýr skil urðu milli höfuðborgar og landsbyggðarinnar. -
Ingólfur Jóhannsson er Akureyringur vikunnar á facebooksíðu Akureyrarbæjar
Ingólfur Jóhannsson framkvæmdastjóri Skógræktarfélags Eyfirðinga vakti á dögunum athygli á slæmri umgengni í skóginum eftir skemmtanahald. „Vanalega er umgengni um skóginn til fyrirmyndar og við hjá Skógræktarfélaginu reynum að ganga á undan með góðu fordæmi. Ingólfur er Akureyringur vikunnar á facebooksíðu Akureyrarbæjar þar sem hann kemur inn á umgengni og fleiri þætti í starfsemi SE: Hér má lesa viðtalið við Ingólf -
Að verja fé til endurhæfingar er fjárfesting
,,Kannski eigum við það líka sameiginlegt að bera ákveðinn beyg í brjósti, jafnvel ótta yfir því hvert verður framhaldslíf þeirra bygginga sem hér standa allt í kringum okkur. Byggingar þessar tilheyra Kristnesspítala og síðustu áratugi hefur hér verið rekin öflug endurhæfingar- og öldrunarlækningadeild á vegum SAk, sú eina sinnar tegundar á landsbyggðinni. Því miður hafa þessar byggingar reynst það illa farnar af langvinnum rakaskemmdum og tilheyrandi myglu að ekki er talið heilsusamlegt að nýta þær lengur undir þessa þjónustu." Þetta sagði Sólveig Pétursdóttir þjónustustjóri og yfirlæknir Endurhæfingar- og öldrunarlækningaþjónustu SAk í ávarpi sem hún flutti á samkomunni Björgum Kristnesi -
Fyrsta skóflustunga tekin að nýjum stúdentagörðum við Háskólann á Akureyri
Alls rísa 124 búsetueiningar í þremur byggingum -
Húsið við Hvannavelli 10 til sölu
Húsnæði við Hvannavelli 10, áður bækistöð Hjálpræðishersins á Akureyri hefur verið auglýst til sölu. Uppsett verð er 135 milljónir króna.
