Vísindaskóli unga fólksins fær góðar viðtökur
Háskólinn á Akureyri býður börnum á aldrinum 11-13 ára í fyrsta sinn upp á vikulanga skólavist í júní, þar sem unga fólkið fær að kynnast ýmsum greinum sem kenndar eru við skólann. Í tilkynningu frá HA segir að viðbrögðin við skólanum hafi farið fram úr björtustu vonum. Alls eru 85 börn skráð í skólann og hefur verið lokað fyrir skráningar. Þeir sem ekki komust að geta bókað sig að ári en ætlunin er að gera þetta að árlegum viðburði.
Afar ánægjulegt er að segja frá því að jöfn aðsókn kynja er að skólanum en skráðir eru 45 drengir og 40 stúlkur. Flest ungmennin koma frá Akureyri og nágrenni en einnig eru dæmi um að nemendur komi lengra að. Fjölmörg fyrirtæki og félög hafa lagt verkefninu lið með ýmsu móti. Þessi stuðningur er ómetanlegur að sögn Sigrúnar Stefánsdóttur, framkvæmdastjóra Vísindaskólans og án hans hefði verkefnið ekki orðið að veruleika.
Hugmyndin að skólanum kemur erlendis frá en fjölmargir háskólar í Evrópu bjóða börnum upp á nám í svipuðu formi og Háskólinn á Akureyri gerir nú í fyrsta sinn. Við uppbyggingu námsins er lögð áhersla á að kynna nemendunum sem flestar námsbrautir háskólans, á lifandi og áhugaverðan hátt. Með þessu vill skólinn opna augu nemenda fyrir því fjölbreytta námi sem er í boði á háskólastigi í heimabyggð, auk þess að tengja skólann betur við nærsamfélagið, segir í tilkynningu. Skólinn verður settur mánudaginn 22. júní og lýkur 26. júní.
Nýjast
-
Samherji og Ice Fresh Seafood áberandi á Seafood Expo Global. „Allur fiskiheimurinn hittist á sama punktinum.“
Alþjóðlega sjávarútvegssýningin Seafood Expo Global í Barcelona á Spáni stendur yfir dagana 6.- 8. maí. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. -
Vegleg gjöf Oddfellowstúkanna styrkir líknarþjónustu SAk
Þann 30. apríl sl. komu fulltrúar allra fimm Oddfellowstúkanna á Akureyri saman og færðu Sjúkrahúsinu á Akureyri rausnarlega gjöf til stuðnings við líknarþjónustu sjúkrahússins. Heildarfjárhæð peningagjafarinnar nam 1.245.000 krónum og er hún ætluð til að bæta aðstöðu í nýju aðstandendaherbergi á lyflækningadeildinni. -
Líflínan
Í þessari viku legg ég fram þingsályktunartillögu sem snýr að því að tryggja áframhaldandi starfsemi Janusar endurhæfingar eða tryggja sambærilega geðendurhæfingu fyrir ungmenni með fjölþættan vanda. -
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar.