Vísindaskóli fyrir ungt fólk
Sigrún Stefánsdóttir.
Háskólinn á Akureyri stefnir að því í júní á næsta ári að hleypa af stokkunum svokölluðum Vísindaskóla fyrir börn á aldrinum 11 til 13 ára. Markmiðið með skólanum er bæði að auka framboð á uppbyggilegum tilboðum fyrir börn þegar að formlegu skólastarfi lýkur á vorin og einnig að kynna háskólann fyrir ungu fólki á svæðinu. Kennsla í skólanum mun vera í höndum kennara HA sem og nemenda á lokastigi náms.
Þemu tengd námsframboði
Hugmyndina að stofnun Vísindaskólans á Sigrún Stefánsdóttir forseti hug- og félagsvísindasviðs HA. Þegar Sigrún tók við starfinu haustið 2013 þótti henni miður hversu lítið fór fram á háskólasvæðinu yfir sumartímann. Þá rifjaðist upp fyrir henni háskóli unga fólksins á vegum HÍ sem að barnabörn hennar höfðu sótt sumarið áður. Í kjölfarið fór Sigrún að kanna möguleikann á því að koma upp samskonar skóla hér fyrir norðan. Í ljós kom að fjölmargir háskólar í Evrópu bjóða upp á samskonar nám fyrir ungt fólk en þeir líta á það sem ákveðna samfélagsþjónustu að bjóða börnum inn í skólann og kynna þá fyrir háskólanámi.
Hópur starfsmanna HA hefur undanfarið unnið að þróun Vísindaskólans og ákveðið var að byggja hann upp á öðruvísi hátt en hjá HÍ. Í stað þess að láta nemendur skrá sig í ákveðin fög sem hafa fjöldatakmarkanir munu allir nemendur skólans leggja stund á fimm þemu sem tengjast námsframboði HA. Þar verður nemendum boðið upp á að fræðast um náttúruna með útikennslu þar sem tekin verða sýni og þau skoðuð með víðsjá. Þeir munu læra um fjölmiðlaheiminn og einn dagur verður helgaður hreyfingu og heilsu. Einnig munu nemendurnir fá innsýn inn í sjávarútvegsfræði, bókmenntir og kynjafræði.
Fyrsti styrkurinn kominn í hús
KEA veitti fyrsta styrkinn fyrir verkefnið 27. nóvember síðastliðinn en Sigrún segist hafa fengið mjög jákvæð viðbrögð frá ýmsum aðilum og að fólk átti sig á mikilvægi skólans. Með þessu fái krakkarnir tækifæri til þess að kynnast starfsemi háskólans í sinni eigin heimabyggð og þannig þurfi þeir ekki að fara til Reykjavíkur til þess að fræðast um háskólastarfið.
-IBG
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.