Vilja stytta sumarlokanir á leikskólum
Leikskólakrakkar á Hlíðarbóli. Mynd/Þröstur Ernir.
Sjálfstæðisflokkurinn á Akureyri vill stytta sumarlokanir á leikskólum niður í tvær vikur en flestir leikskólar bæjarins loka í fjórar vikur á sumrin. Með þessu móti væri hægt að koma í veg fyrir að sama fólkið fari í frí á sama tíma yfir sumarmánuðina og foreldrar fái meiri tíma börnunum sínum í sumarfríum. Eva Hrund Einarsdóttir, bæjarfulltrúi Sjálfstæðisflokksins, tók málið upp á bæjarstjórnarfundi í síðustu viku ásamt Margréti Kristínu Helgadóttur bæjarfulltrúa Bjartrar framtíðar.
Eva Hrund sagði núverandi fyrirkomulag koma illa við marga foreldra og vinnustaði. Nefndi hún sérstaklega Sjúkrahúsið á Akureyri, þar komi iðulega upp vandamál á sumrin vegna sumarlokana leikskóla og á mörgum vinnustöðum sé farið að bera á pirringi hjá öðru starfsfólki.
Eins og Vikudagur fjallaði um í sumar lokuðu níu af ellefu leikskólum Akureyrarbæjar á sama tíma, frá 14. júlí til 11. ágúst og voru allir leikskólar bæjarins lokaðir á sama tíma í tvær vikur, frá 14. júlí til 1. ágúst. Áætlað er að kostnaðurinn við styttingu sumarlokana niður í tvær vikur sé á bilinu 12-14 milljónir. Eiríkur Björn Björgvinsson, bæjarstjóri á Akureyri, sagði að skoða þyrfti málið í stærra samhengi og nefndi börn hjá dagforeldrum og yngstu börn í grunnskóla því til stuðnings.
-þev
Nýjast
-
Líflínan
Í þessari viku legg ég fram þingsályktunartillögu sem snýr að því að tryggja áframhaldandi starfsemi Janusar endurhæfingar eða tryggja sambærilega geðendurhæfingu fyrir ungmenni með fjölþættan vanda. -
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur.