Vikudagur kemur út í dag
Vikudagur kemur út í dag, fimmtudaginn 5. desember. Í blaði vikunnar er að vanda farið um víðan völl, áhugaverðar fréttir, mannlíf, íþróttir og menning.
Meðal efnis í blaðinu:
-Sólskógar eru þessa dagana að láta reisa gróðurhús í Kjarnaskógi sem er 2.000 fermetrar að stærð. Áætlað er að byggingin verði tilbúinn í desember en að húsið verði tekið í notkun í apríl á næsta ári.
-KEA afhenti styrki úr Menningar- og viðurkenningarsjóði félagsins, sunnudaginn 1. desember og fór styrkúthlutunin fram í Menningarhúsinu Hofi. Þetta var í 86. skipti sem KEA veitir styrki úr sjóðnum. Auglýst var eftir styrkjum í október síðastliðnum og bárust 154 umsóknir. Úthlutað var tæpum 15 milljónum króna til 52 aðila.
-Erlingur Arason gaf út geisladisk í byrjun nóvember en um er að ræða 14 laga disk sem nefnist Dalurinn og vísar til Öxnadals þar sem Erlingur er fæddur.
-Í Húsi vikunnar fjallar Arnór Bliki Hallmundsson um Hlíðargötu 7.
-Hrafnhildur Baldursdóttir, Habbý, tók áskorun frá móður sinni í síðasta blaði og hefur umsjón með matarhorninu þessa vikuna. Habbý bíður lesendum upp á afar girnilegar kökuuppskriftir.
-Ferðamálafélag Eyjafjarðarsveitar stendur fyrir opnum dyrum í sveitinni á laugardaginn kemur þann 7. desember. Þar munu fjölmörg fyrirtæki bjóða upp á gjafabréf til sölu í jólapakkana og vera með skemmtilegar uppákomur. María Pálsdóttir, eigandi og rekandi Hælisins í Kristnesi, er ein af þeim sem ætlar að opna dyrnar upp á gátt á laugardaginn.
-Akureyrarbær stóð fyrir íbúafundi í Brekkuskóla á dögunum undir yfirskriftinni „hvert fara peningarnir okkar?“ Til að bregðast við því og upplýsa þá sem ekki komust hafa verið tekin saman skrifleg svör bæjarfulltrúa meirihlutans við þeim spurningum sem ekki tókst að svara, auk nokkurra annarra sem voru mikið ræddar á fundinum. Vikudagur birtir hluta af spurningum bæjarbúa og svörum bæjarfulltrúa.
-Ragnheiður Björk Þórsdóttir, textíllistamaður, kennari og sérfræðingur við Textílmiðstöð Íslands, hefur sent frá sér bókina „Listin að vefa“, sem er fyrsta heildarritið sem út kemur hér á landi um vefnað á Íslandi, frá landnámi til okkar daga. Bókin hefur verið um níu ár í smíðum.
-Brynhildur Þórarinsdóttir heldur um Áskorendapennan.
Þetta og meira til í Vikudegi í dag. Hægt er að gerast áskrifandi með því að smella hér. Áskriftarsíminn er 460-0750 og 860 6751. Einnig er hægt senda póst á askrift@vikudagur.is.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir