Vikublaðið kemur út í dag
Vikublaðið kemur út í dag og í blaði vikunnar eru áhugarverðir fréttir í bland við viðtöl, mannlíf, menningu og íþróttir.
Meðal efnis í blaðinu:
*Fyrirhugaðar háhýsabyggingar á Oddeyrinni á Akureyri hafa vakið mikið umtal í bænum og verið gagnrýndar. Sömu sögu er að segja af fyrirhuguðum byggingum við Tónatröð. Bæjarbúar hafa undanfarið kallað eftir áliti bæjarfulltrúa á byggingunum bæði á Oddeyri og Tónatröð og fékk Vikublaðið oddvitana í bæjarstjórn Akureyrar til að gefa sitt álit. Spurt var: Hver er þín afstaða varðandi framkomnar hugmyndir um háhýsabyggð á Oddeyrinni og í Tónatröð?
*Meðlimir norðlensku þungarokkshljómsveitarinnar Skálmaldar tilkynntu í lok árs 2019 að þeir hygðust taka sér allt árið 2020 í langþráða pásu og sjá svo til með framhaldið. Snæbjörn Ragnarsson, bassaleikari og textasmiður, ræðir um tónistina frá brúðkaupi sínu sem varð smærra í sniðum en áætlað var og innreið sinni inn á hlaðvarpsmarkaðinn. Missið ekki af næsta blaði.
*Birna Pétursdóttir ásamt Vilhjálmi B. Bragason og Árna Beinteini Árnasyni standa að gamanleiknum Fullorðin sem Leikfélag Akureyrar sýnir um þessar mundir í Menningarhúsinu Hofi. Sýningin hefur slegið í gegn og fengið fína dóma. Vikublaðið ræddi við Birnu um sýninguna og hana sjálfa.
*Byggðarráð Norðurþing samþykkti á dögunum að skrifa undir fyrirhugað samstarf við Landsvirkjun, Íslandsstofu og atvinnuvegaráðuneytið um grænann iðngarð á Bakka. Kristján Þór Magnússon sveitarstjóri segir í skriflegu svari til blaðsins að stefnt sé á undirritun samnings á morgun föstudag. Hann fagnar því að verkefnið sé að komast á laggirnar og segir að um gríðarlegt hagsmunamál sé að ræða fyrir sveitarfélagið en ekki síður fyrir landið allt.
*Hollvinir Punktsins handverksmiðstöðvar á Akureyri eru ósáttir við þá ákvörðun Akureyrarbæjar að flytja starfsemina frá Rósenborg og upp í Víðilund þann 1. apríl. Segja Hollvinirnir að með þeirri ákvörðun sé nánast verið að loka starfseminni sem hefur verið í Rósenborg frá árinu 2007. Barbara Hjartardóttir hjá Hollvinum Punktsins segir ákvörðunina þvert á loforð bæjaryfirvalda.
*Halldóra K. Hauksdóttir tók áskorun frá Ingibjörgu Isaksen og tekur við keflinu í matarhorninu. Halldóra er fædd og uppalin í sveit á Svalbarðsströnd í Eyjafirði og starfar lögmaður á nýju velferðarsviði Akureyrarbæjar. Hún kemur með nokkrar spennandi uppskriftir.
*Inga Dagný Eydal skrifar bakþanka og Hrafnhildur Karlsdóttir heldur um Áskorandapennann.
Smelltu hér til að gerast áskrifandi.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir