Vikublaðið kemur út í dag
Vikublaðið kemur út í dag, fimmtudaginn 9. Júlí. Hægt er gerast áskrifandi með einföldum hætti með því að smella hér. Blaðið er einnig fáanlegt í völdum verslunum.
Meðal efnis í blaðinu:
-Gestur Davíðsson, varðstjóri í fangelsinu á Akureyri, segir í samtali við Vikublaðið að þungt hljóð sé í starfsfólki eftir að dómsmálaráðuneytið greindi frá því að fangelsinu á Akureyri verði lokað um mánaðarmótin. Gestur segir atvinnuleysi blasa við fangavörðunum og engin þeirra hyggjast þiggja boð um starf fyrir sunnan.
-Eins og áður hefur komið fram hefur 80 starfsmönnum PCC á Bakka verið sagt upp og slökkt verður á báðum ofnum kísilverksmiðjunnar um mánaðarmót. Stefnt er á að hefja framleiðslu á ný þegar betur árar á markaði. Í ágúst verður hafist handa við ýmsar endurbætur á verksmiðjunni.
-Tónlistarmaðurinn Summi Hvanndal gaf nýlega út sína fyrstu sólóplötu sem ber nafnið Ljósastaurar lífsins og er hún nú aðgengileg á helstu streymisveitum. Platan var styrkt af Hljóðritasjóði. Summi er einn af Hvanndalsbræðrum sem hafa heillað land og þjóð með spilamennsku undanfarin ár en sveitin hefur gefið út fjölmargar plötur. Vikublaðið forvitnaðist um sólóverkefni Summa og rabbaði við hann um tónlist.
-Í Hús vikunnar hjá Arnóri Blika Hallmundssyni er komið að öðrum hluta um Sundlaug Akureyrar.
-Fyrsta ferming vorsins 2020 í Húsavíkurkirkju fór fram laugardaginn 20. júní. Alls sex ungmenni fermdust þennan dag en einnig verða tvær fermingar í lok ágústmánaðar.
-Jón Birgir Tómasson matreiðslumaður á Múlabergi á Akureyri sér um Matarhornið þessa vikuna.
-Eigendur Kjarnafæðis og Norðlenska hafa komist að samkomulagi um helstu skilmála samruna félaganna sem legið hefur í loftinu frá 2018. Gunnlaugur Eiðsson, framkvæmdastjóri Kjarnafæðis, segir í samtali við Vikublaðið að með samrunanum eigi að styrkja hverja vinnslustöð fyrir sig.
-Blaðamaður Vikublaðsins heimsótti starfsfólk hjá PCC á Bakka sem sér fram á atvinnumissi og óvissu.
-Gönguskíðafólk á Húsavík hefur um nokkurra ára skeið stundað íþrótt sína af miklum móð við Gyðuhnjúk á Reykjaheiði en svæðið hefur að mestu verið byggt upp af áhugafólki.
Þetta og meira til í Vikublaðinu.
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir