Vika barnsins að hefjast
Vika barnsins hefst á Akureyri á morgun, miðvikudag og er markmiðið að vekja athygli á málefnum barna með fjölbreyttum hætti. Tilefnið er 30 ára afmæli Barnasáttmála Sameinuðu þjóðanna þann 20. nóvember, en sá dagur er árlega tileinkaður réttindum barna.
Þetta árið ætlar Akureyrarbær að stíga skrefinu lengra og halda upp á viku barnsins sem nær hámarki á afmælisdeginum. Ástæðan er einkum sú að Akureyrarbær vinnur markvisst að því, fyrst sveitarfélaga á Íslandi, að ljúka innleiðingu á verkefninu Barnvænt sveitarfélag sem byggir á Barnasáttmálanum, segir í tilkynningu frá Akureyrarbæ.
Frítt í sund alla vikuna
Í viku barnsins verða ýmsir viðburðir á dagskrá, víðs vegar um bæinn, sem snúa að réttindum eða málefnum barna. Öllum börnum verður boðið frítt í sund alla vikuna, ungmennaráð stendur fyrir spennandi „pop-up" viðburðum, þar á meðal pottaspjalli í sundlaug Akureyrar og bæjarfulltrúar bjóða upp á viðtalstíma barna innan veggja skólanna.
Þann 20. nóvember munu fulltrúar úr ungmennaráði funda með Ásthildi Sturludóttur bæjarstjóra og afhenda henni athugasemdir barna Akureyrar sem safnað verður innan grunnskóla bæjarins. Listasafnið, Amtsbókasafnið og Félagsmiðstöðvar Akureyrar bjóða einnig upp á ýmislegt skemmtilegt fyrir börn og ungmenni, svo eitthvað sé nefnt.
Ekki bara sýnileg, líka með rödd
Við undirbúning eru fjórar grundvallarforsendur Barnasáttmálans hafðar að leiðarljósi og varpa þær ágætu ljósi á markmið Akureyrarbæjar í tengslum við viku barnsins: Við höfum það í huga að mismuna ekki börnum sveitarfélagsins, við gerum það sem barninu er fyrir bestu, við leitumst við að hámarka lífsgæði og þroska allra barna og við munum að í barnvænu sveitarfélagi eru börn ekki bara sýnileg, það heyrist líka í þeim og við hvetjum þau til þátttöku.
Hér er hægt að skoða dagskrá vikunnar.
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir