Vigdís Finnbogadóttir heiðursgestur á útskrift HA
Háskólinn á Akureyri.
Frú Vigdís Finnbogadóttir verður heiðursgestur á brautskráningu Háskólans á Akureyri á laugardaginn 13. júní. Í tilkynningu frá HA segir að skólinn fagni því að Vigdís sæki Háskólann á Akureyri heim á þessu afmælisári 100 ára kosningaréttar kvenna. Athöfnin fer fram í húsakynnum skólans og er það í annað sinn sem það er gert.
Háskólinn á Akureyri mun útskrifa 322 nemendur á laugardaginn og verður brautskráningin í fyrsta sinn í sögu skólans í beinni útsendingu á sjónvarpsstöðinni N4 og hefst kl. 11:00. Með þessu gefst tækifæri fyrir alla að horfa á ávarp frú Vigdísar ásamt annarri dagskrá brautskráningar í beinni sjónvarpsútsendingu eða á vef N4.
Brautskráningin er söguleg þar sem konur munu gegna hlutverki sviðsforsetanna þriggja en slíkt hefur ekki gerst áður. Þetta eru þær Árún K. Sigurðardóttir fyrir heilbrigðisvísindasvið, Sigrún Stefánsdóttir fyrir hug- og félagsvísindasvið og Rannveig Björnsdóttir staðgengill Ögmundar Knútssonar fyrir viðskipta- og raunvísindasvið. Þetta er fyrsta brautskráning í rektorstíð Eyjólfs Guðmundssonar.
Þann 19. júní mun háskólasamfélagið á Akureyri minnast þess að 100 ár eru liðin frá því að konur á Íslandi fengu kosningarétt. Á Akureyri verður skipulögð dagskrá í tilefni dagsins þar sem dr. Sigrún Stefánsdóttir, staðgengill rektors og forseti hug- og félagsvísindasviðs, mun flytja ávarp. Allir starfsmenn Háskólans á Akureyri fá frí í tilefni dagsins og eru sérstaklega hvattir til að taka þátt í hátíðarhöldunum sem hefjast kl. 13 í Lystagarðinum.
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.