Verslunar- og viðskiptasaga Akureyrar
Stjórn verkefnisins ásamt Halldóri Jóhannssyni framkvæmdastjóra KEA sem styrkir verkefnið.
Stofnað hefur verið verkefni um ritun sögu verslunar og viðskipta á Akureyri frá upphafi til okkar daga. Markmiðið er að gefa út vandaða og ítarlega bók um efnið árið 2017. Stefnt er að því að bókin verði 400 til 500 síður með ítarlegum texta um efnið og fjölbreyttu myndefni. Verkefnið felst í að rannsaka og rita rækilega sögu verslunar og viðskipta á Akureyri (og Gásum) frá miðöldum til ársloka 2015.
Lengst af voru flestar stærri verslanir í eigu Dana en með tilkomu Gránufélagsins og Kaupfélags Eyfirðinga, auk margra íslenskra kaupmanna, efldist Akureyri gríðarlega sem miðstöð verslunar og við-skipta á Norðurlandi og í framhaldi af því sem útgerðar- og iðnaðarbær.
Hingað til hefur þessi merkilega saga ekki verið rituð eða sögð í heild. Með verkefninu er markmiðið að bæta úr því enda ekki seinna vænna að gera henni verðug skil. Ennfremur ýtir á eftir að enn er lifandi fólk sem man ótal margt um vinnubrögð og aðstæður í þessari atvinnugrein frá veröld sem var. Ef ekkert er að gert til að festa þá vitneskju í letur fellur hún í gleymskunnar dá og komandi kynslóðum gefst ekki tækifæri að kynnast þessum merka þætti í sögu bæjarins og þjóðarinnar. Samningar eru þegar hafnir við dr. Jón Þ. Þór sagnfræðing og prófessor í þeirri grein um upplýsingaöflun, söfnun mynda og ritun bókarinnar.
Stefnt er að því að hann skili áföngum við ritunina til verkefnisstjórnar á þriggja mánaða fresti. Hún kemur með ábendingar við höfundinn ef þurfa þykir. Jón Þ. Þór tekur þó endanlegar ákvarðanir enda verður hann skráður höf-undur bókarinnar. Hann hefur samið mörg þekkt rit á þessu fræðasviði. Verkefnisstjórn aflar tekna til verksins og ber ábyrgð á fjárreiðum þess í nánu samstarfi við löggiltan endurskoðanda sem gengur frá öllum upp-gjörum. Leitað verður til samtaka, fyrirtækja og einstaklinga um fjárhags-legan stuðning við verkefni þetta. Þau viðbrögð munu ráða úrslitum um hvort unnt verður að koma þessu metnaðarfulla verkefni heilu í höfn, segir í tilkynningu.
Aðstendur verkefnisins hafa ráðið stjórn en hana skipa Ingólfur Sverrisson, formaður verkefnisstjórnar, Sigurður Jóhannesson fyrrum aðalfulltrúi KEA, Úlfhildur Rögnvaldsdóttir fyrrum formaður Félags verslunar- og skrifstofufólks á Akureyri og Ragnar Sverrisson formaður Kaupmannafélags Akureyrar.
Nýjast
-
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.