Verkakona eða húsmóðir Konur í iðnaði á Akureyri
Háskólasvæðið á Sólborg. Mynd: Hörður Geirsson.
Andrea Hjálmsdóttir heldur fyrirlestur á félagsvísindatorgi í Háskólanum á Akureyri í dag, miðvikudag kl. 12.00, í stofu 102 en yfirskriftin er: Verkakona eða húsmóðir Konur í iðnaði á Akureyri. Íslenskar konur hafa löngum verið afar virkar á vinnumarkaði þótt þær hafi jafnframt vinnu utan heimilis þurft að sjá um flest störf innan þess að auki. Framlegð kvenna á vinnumarkaði virðist oftar en ekki illsjáanleg. Við uppbyggingu og viðhald iðnaðar á Akureyri verður vinnuframlag kvenna þó seint ofmetið, fremur en vinnuframlag kvenna almennt fram eftir tuttugustu öldinni. Í rannsókn Andreu Hjálmsdóttur á kjörum kvenna í dag bentir margt til þess að lítið hafi breyst þegar að vinnuálagi kvenna kemur bæði utan heimilis sem innan.
Rannsókn Andreu byggir á viðtölum við sex konur. Heimilisaðstæður þeirra voru á margan hátt ólíkar; giftar með börn, einhleypar með börn eða einhleypar og barnlausar, en frásagnir þeirra slá sameiginlegan tón. Tón sem bergmálar í aðstæðum kvenna, á vinnumarkaði og heimili, í samtímanum.Rannsóknargögnin gáfu ótvírætt til kynna að seinni vakt kvenna á Verksmiðjunum (en konur með fjölskyldu unnu gjarnan á kvöldvöktum) endurspegli seinni vakt kvenna enn í dag. Ennfremur kom fram, í máli kvennanna, að í samræmi við væntingar og orðræðu um miðja síðustu öld tengdist sjálfsmynd verksmiðjukvennanna fremur heimilinu en vinnunni. Í rannsókninni varpa konur í fortíð á margan hátt spegli á konur í nútíð.
Andrea Hjálmsdóttir er lektor í félagsfræði við Háskólann á Akureyri. Hún lauk MA prófi í félagsfræði, með áherslu á kynjafræði, frá University of British Columbia haustið 2009. Hún hefur einkum unnið að rannsóknum á viðhorfum og lífstíl unglinga auk þess að vinna nú að rannsókn á reynslu kvenna sem unnu á Verkmiðjunum á Akureyri eftir miðja síðustu öld.
Nýjast
-
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45.