Vaxtartækifæri í markaðssókn og gervigreind
Frá Húsavík
Á Norðurlandi eystra sjá fyrirtæki sérstök vaxtartækifæri í markaðssókn og gervigreind og virðast tilbúin að nýta þau. Á sama tíma halda nýsköpun og fjárfestingargeta sér nokkuð vel í samanburði við höfuðborgarsvæðið.
Þetta kemur fram í fyrirtækjakönnun landshlutanna sem unnin er í samstarfi Byggðastofnunar og landshlutasamtakanna. SSNE hefur gefið út fjórða tölublað Púlsins þar sem dregnar eru saman niðurstöður úr fyrirtækjakönnun landshlutanna. Þar er varpað ljósi á stöðu og væntingar fyrirtækja á Norðurlandi eystra, meðal annars hvað varðar rekstur, ráðningar og framtíðarhorfur.
Fram kom að helstu veikleikar í fjórðungnum liggja í grunninnviðum, einkum vegakerfi og rammaáætlun, og virðist MAST jafnframt vera fyrirtækjum fjötur um fót. Þrátt fyrir að dregið hafi úr ráðningaráformum þá er töluverður fjöldi fyrirtækja í þörf fyrir menntað vinnuafl.
Minni líkur á ráðningum
Spurt var hvort fyrirtækin hygðust ráða starfsfólk á árinu 2025. Líkur á ráðningum voru 35% minni hjá fyrirtækjum á Norðurlandi eystra en á höfuðborgarsvæðinu.
Þegar fjárfestingaráform voru skoðuð kom í ljós að Norðurland eystra var meðal þeirra landshluta þar sem fyrirtæki voru hvorki líklegri né ólíklegri til að ráðast í fjárfestingar en fyrirtæki á höfuðborgarsvæðinu. Á sama tíma höfðu fjárfestingaráform fyrirtækja á höfuðborgarsvæðinu gefið eftir um 27% frá árinu 2022 en miklu minna á Norðurlandi eystra þannig að sveiflan er minni þar en á höfuðborgarsvæðinu í fjárfestingum.
Þó óvissa í efnahagsumhverfinu hafi áhrif á ákvarðanir hjá sumum fyrirtækjum eru mörg sem hyggjast halda áfram að þróa rekstur sinn og kanna möguleika til vaxtar. Þá endurspeglast í niðurstöðunum mikilvægi þess að efla færni, menntun og aðstæður atvinnulífs á svæðinu til að styðja við áframhaldandi uppbyggingu.
Nýjast
-
Velheppnað framtak Þórsara.
Þórsarar stóðu fyrir söfnun á dögunum til styrktar góðum félaga Gesti Arasyni en hann greindist með bráða hvítblæði í mai s.l. Söfnunin fór þannig fram að framleiddar voru sérstakar treyjur sem hægt var að kaupa. Óhætt er að segja að vel hafi verið tekið í þetta magnaða framtak því tæplega 800 treyjur seldust á innan við 48 klst. -
Vaxtartækifæri í markaðssókn og gervigreind
Á Norðurlandi eystra sjá fyrirtæki sérstök vaxtartækifæri í markaðssókn og gervigreind og virðast tilbúin að nýta þau. Á sama tíma halda nýsköpun og fjárfestingargeta sér nokkuð vel í samanburði við höfuðborgarsvæðið. -
Góð þátttaka í göngu um Kristnesskóg
„Gangan var frábær, þetta var notaleg stund og ég er glaður yfir áhuganum,“ segir Ingi Jóhannsson framkvæmdastjóri Skógræktarfélags Eyfirðinga sem efndi til skógargöngu um Kristnesskóg. Þátttakendur voru á bilinu 70 til 80 talsins. -
Nýtt apótek opnar í Sunnuhlíð
Bæjarstjórn Akureyrar gerir ekki athugasemd við að lyfsöluleyfi fyrir nýja lyfjabúð að Sunnuhlíð 12, sama húsnæði og HSN er í, verði veitt. -
Stjórn SSNE skorar á stjórnvöld að tryggja framtíð millilandaflugs á Norðurlandi
Ný stjórn SSNE kom saman til síns fyrsta fundar í gær, þar var m.a. samþykkt eftirfarandi ályktun um uppbyggingu millilandaflugs um Akureyrarflugvöll. -
Eimskip gerist bakhjarl Driftar EA
Eimskip og Drift EA hafa gert með sér samstarfssamkomulag sem miðar að því að efla frumkvöðlastarf, nýsköpun og uppbyggingu nýrra fyrirtækja á Norðurlandi. Með samkomulaginu verður Eimskip bakhjarl Driftar EA og tekur þannig virkan þátt í að styrkja stuðningsumhverfi sprota- og vaxtarfyrirtækja á svæðinu. -
K 16 bauð lægst i byggingu stúdentagarða
Fimm tilboð bárust í byggingu nýrra stúdentagarða við Norðurslóð og átti fyrirtækið K16 ehf lægsta boð. -
Götulokanir eða lokanir á akreinum á meðan á fótboltamótum stendur
N1 mót KA verður haldið í fertugasta sinn á Akureyri dagana 1.-4. júlí. Á sama tíma fer Pollamótið fram á íþróttasvæði Þórs. -
N1 mótið haldið í fertugasta sinn
N1 mótið verður haldið í fertugasta sinn á Akureyri dagana 1.–4. júlí. Áætlað er að um 1.700–1.800 keppendur frá um 40 knattspyrnufélögum taki þátt í mótinu í ár og að leiknir verði hátt í eitt þúsund leikir á fjórum dögum.
