Jón Þór Kristjánsson ráðinn verkefnastjóri upplýsingamiðlunar hjá Samherja
Jón Þór Kristjánsson Mynd: Sindri Swan
Jón Þór Kristjánsson hefur verið ráðinn verkefnastjóri upplýsingamiðlunar hjá Samherja.
Jón Þór er með BA í stjórnmálafræði frá Háskóla Íslands og með meistaragráðu í opinberri stefnumótun frá Edinborgarháskóla. Hann hefur aflað sér reynslu sem fréttamaður hjá Viðskiptablaðinu, N4 og RÚV. Síðustu árinu hefur hann starfað hjá Akureyrarbæ, fyrst sem verkefnastjóri upplýsingamiðlunar en síðan sem forstöðumaður þjónustu og þróunar.
Mörg verkefni í farvatninu
„Hjá Samherja starfar samheldin áhöfn, sem hefur átt stóran þátt í að þróa með markvissum hætti þetta framsækna og tæknivædda fyrirtæki. Félagið er vel búið, hvort sem við erum að tala um glæsilegan skipaflota, tæknivæddar landvinnslur, landeldi eða öfluga sölu- og dreifingu afurða og greinilega valinn maður í hverju rúmi.
Ég er fullur tilhlökkunar að taka þátt í starfseminni enda mörg spennandi verkefni í undirbúningi innan félagsins sem kalla á markvissa miðlun og samskipti,“ segir Jón Þór Kristjánsson, verkefnastjóri upplýsingamiðlunar Samherja.
Mikil áhersla á upplýsingamiðlun
Karl Eskil Pálsson hefur undanfarin ár sinnt upplýsingamiðlun Samherja. Hann lætur af störfum um mánaðamótin vegna aldurs.
„Það skiptir okkur miklu máli að standa vel að upplýsingamiðlun og varpa þannig ljósi á fjölbreytta starfsemi fyrirtækisins. Undanfarin ár hefur náðst góður árangur á þessu sviði og tekist að byggja upp fleiri leiðir til að miðla upplýsingum til landsmanna og eiga í samskiptum við þau samfélög þar sem við störfum. Karl Eskil hefur gegnt lykilhlutverki og leitt vinnu við að styrkja upplýsingamiðlun Samherja. Ég vil þakka honum fyrir gott samstarf og mikilvægt framlag, um leið og ég býð Jón Þór velkominn til starfa,“ segir Baldvin Þorsteinsson, forstjóri Samherja.
Nýjast
-
Jón Þór Kristjánsson ráðinn verkefnastjóri upplýsingamiðlunar hjá Samherja
Jón Þór Kristjánsson hefur verið ráðinn verkefnastjóri upplýsingamiðlunar hjá Samherja. -
Kvíði frá sjónarhorni barna.
Kvíðinn passar upp á sjálfan sig: Eðluheilinn Kvíði er eðlilegt ástand sem flestir upplifa reglulega. Í grunninn er eini tilgangur kvíðans að passa upp á öryggi okkar. Það má segja að kjarni kvíðans sé óttaviðbragðið sem er rótgróið í taugakerfinu og birtist í líkama okkar, hegðun og hugsunum. Það svæði í heilanum sem stjórnar óttaviðbragðinu er stundum kallað eðluheilinn vegna þess að talið er að þessi hluti hefur haldist meira og minna óbreyttur síðan við vorum eðlur í þróunarsögunni. Það fer engin flókin hugsun eins og rökhugsun fram í eðluheilanum og þess vegna lærir hann á mjög einfaldan hátt hvað sé hættulegt og hvað ekki og að bregðast við með því að flýja, frjósa eða berjast. Lærdóminn byggir þessi hluti heilans að mestu á minningum sem tengdar eru skynjunum okkar og ósjálfráðum líkamlegum viðbrögðum t.d auknum hjartslætti, köldum svita, magaverk og skjálfta í líkamanum. Eðluheilinn rýnir í viðbrögð okkar við því sem gerist í kringum okkur og hvað virkar til þess að minnka óttann innra með okkur. -
Starfsemi Heilbrigðiseftirlits Norðurlands eystra verði óskert til áramóta
Stjórn SSNE leggur áherslu á mikilvægi þess að starfsemi Heilbrigðiseftirlits Norðurlands eystra verði óskert til loka þessa árs, 2026 og að hagsmunir starfsfólks verði tryggðir. Einnig að skýrt liggi fyrir hvaða verkefni verða áfram á ábyrgð sveitarfélaga. Fyrirhugað er að leggja HNE í núverandi mynd um komandi áramót eða frá og með1. janúar 2027. -
Beint frá býlidagurinn haldinn í Syðra Holti í Svarfaðardal
Það verður líf og fjör í Syðra Holti í Svarfaðardal á sunnudaginn, 23. Ágúst en frá kl. 13 til 16 taka ábúendur á móti gestum í tilefni af Beint frá býli deginum sem haldin verður hátíðlegum um land allt. Eitt býli í hverjum landsfjórðungi opnar dyr sínar fyrir gestum og gangandi og kynnir framleiðslu sína. -
Fullfermi í fyrsta túr sem skipstjóri
Togari Samherja, Harðbakur EA 3, landaði í gærkvöld fullfermi sem fer til vinnslu í landvinnslum félagsins á Akureyri og Dalvík. Skipstjóri var Lýður Valgeir Jóhannesson og var þetta hans fyrsta veiðiferð sem skipstjóri. Lýður útskrifaðist frá Stýrimannaskólanum í Reykjavík árið 2010 og hefur flest árin eftir nám starfað hjá Samherja, þar af undanfarin fimm ár sem fyrsti stýrimaður á Harðbak. -
Hvað þýðir Já fyrir bændur?
Í kosningunum 29. ágúst nk. munu landsmenn taka afstöðu til þess hvort hefja skuli aðildarferli að ESB. Eðlilegast væri að meta þá ákvörðun fyrst og fremst út frá þjóðhagslegum þáttum; hvort hag Íslands væri betur borgið innan ESB eða utan þess. -
Góð aðsókn að framhaldsskólum á Akureyri
Aðsókn að framhaldsskólum á Akureyri, Menntaskólanum á Akureyri og Verkmenntaskólanum á Akureyri er mjög góð. Nýtt skólaár hófst nú fyrr í vikunni. -
Ný framtíðarsýn fyrir Hofsbót
Akureyrarbær hefur kynnt nýja tillögu að breytingu á deiliskipulagi við Hofsbót 1-3. Tillagan er liður í áframhaldandi þróun miðbæjarins og markar mikilvægt skref í þeirri framtíðarsýn að efla mannlíf, þjónustu og aðdráttarafl miðbæjarins. Frá þessu segir á vef Akureyrarbæjar. -
Festi bætist við hóp öflugra bakhjarla Driftar EA
Festi hefur gerst bakhjarl Driftar EA og bæst í hóp öflugra fyrirtækja sem styðja við uppbyggingu nýsköpunar og frumkvöðlastarfs á Norðurlandi. Ásta S. Fjeldsted, forstjóri Festi og Sesselja Ingibjörg Barðdal Reynisdóttir, framkvæmdastýra Driftar EA, undirrituðu samstarfssamning þess efnis á dögunum.
