Fallið frá áformum um fjölbýlishús við Hvannavelli 10
Fyrirtækið Vesturkantur ehf. hefur óskað eftir breytingu á deiliskipulagi Hvannavalla 10-12 og 14 sem snýr að lóð Hvannavalla 10. Þar var fyrirhugað að byggja fjölbýlishús. Á lóðinni er nú hús sem áður fyrr hýsi starfsemi Hjálpræðishersins.
Breyting nú felur í sér að fallið verður frá niðurrifi hússins og að það haldi sér í óbreyttri mynd ásamt því að bílastæði til útleigu verði útfærð á baklóð hússins.
Skipulagsráð frestaði afgreiðslu málsins á fundi í liðinni viku en það verður tekið fyrir á ný síðar. Jafnframt var skipulagsfulltrúa falið að ræða við umsækjenda.
Hvannavellir 10 húsið var byggt árið 1960
Vilja sjá aukna íbúðabyggingu
„Við vildum við eiga samtal við nýjan lóðarhafa og fá betri innsýn í framtíðaráform hans fyrir lóðina. Í gildandi skipulagi er gert ráð fyrir íbúðauppbyggingu á svæðinu og það er jafnframt vilji skipulagsráðs að sjá aukna íbúðauppbyggingu á Oddeyri á komandi árum,“ segir Sunna Hlín Jóhannesdóttir formaður skipulagsráðs. Hún bætti við að ekkert hefði þó verið ákveðið enn með afgreiðslu málsins.
Lóðin er í nú skipulögð fyrir íbúðarhúsnæði á 4 hæðum og leyfi til niðurrifs á núverandi húsi. Skipulagsbreytingin miðar að því að breyta lóðinni aftur í verslunar- og þjónustulóð eins og gildandi aðalskipulag segir til um og að núverandi hús standi áfram og á því verði gerðar endurbætur og breytingar.
Nýjast
-
Lokaorðið - Gamla góða Ísland
Fyrir síðari heimsstyrjöld var Ísland eitt fátækasta ríki Evrópu. Fólk bjó við allt aðrar aðstæður og kjör en við þekkjum í dag. Í dag er Ísland meðal ríkustu þjóða heims. Í alþjóðlegum samanburði þegar hagsæld og almenn lífsgæði þjóða eru borin saman er Ísland iðulega í efstu sætum, ásamt hinum Norrænu ríkjunum. Þetta eru samfélög sem þekkt eru fyrir mikil lífsgæði, jafnrétti, hagsæld og öflugt velferðarkerfi. -
Fallið frá áformum um fjölbýlishús við Hvannavelli 10
Fyrirtækið Vesturkantur ehf. hefur óskað eftir breytingu á deiliskipulagi Hvannavalla 10-12 og 14 sem snýr að lóð Hvannavalla 10. Þar var fyrirhugað að byggja fjölbýlishús. Á lóðinni er nú hús sem áður fyrr hýsi starfsemi Hjálpræðishersins. -
Janus-heilsueflingin byrjar af krafti í Þingeyjarsveit
Um 40–45 manns hafa skráð sig til þátttöku og aðsóknin hefur verið svo góð að tví- og þrískipta hefur þurft æfingahópunum. Gunnhildur Hinriksdóttir, verkefnastjóri æskulýðs-, tómstunda- og menningarmála hjá Þingeyjarsveit og umsjónaraðili Janus-verkefnisins fyrir hönd sveitarfélagsins, segir þátttökuna hafa farið fram úr væntingum. -
Mildum höggið
Við í Framsókn styðjum markmiðið um hallalaus fjárlög, en það má ekki vera sama hvað það kostar. Fjárlögin þurfa að byggjast á raunhæfum forsendum og meta þarf hvað leiðin að hallalausum ríkisrekstri þýðir fyrir fjölskyldur í landinu. -
Við þráum öruggt heimili - Bréf frá Rafa
Vefnum barst fyrir skömmu skilaboð frá konu sem býr í Rafa á Gaza, Doaà Youssef, hún er gift þriggja barna móðir. Skrif hennar eru hér fyrir neðan. Til allra á Íslandi sem heyra rödd okkar – vinsamlegast hlustið á okkur. Við erum fimm manna fjölskylda – móðir, faðir og þrjú börn. Við búum í litlu tjaldi sem er allt of þröngt fyrir okkur, en þrátt fyrir það reynum við að gera það að skjóli sem geti verndað börnin okkar og veitt þeim örlitla tilfinningu fyrir öryggi. -
Styrktarbingó fyrir almannaheillafélagið Vonarbrú
Styrktarbingó fyrir almannaheillafélagið Vonarbrú verður haldið æa morgun sunnudaginn 4. október kl. 14 í Safnaðarheimili Akureyrarkirkju. -
Kórinn Í fínu formi fagnar 40 árum með tónleikum í Glerárkirkju
„Það er svo skemmtilegt og gefandi að taka þátt, það hafa allir virkilega gaman af því að mæta á æfingar og fá mikið út úr því,“ segir Jónína Hjaltadóttir formaður kórsins Í fínu formi sem starfar á Akureyri og er fyrir 60 ára og eldri. „Það geta ekki allir verið í hlaupa-eða gönguhópum og finnst tilvalið að hittast í þessum góða félagsskap. Sumir búa einir og þátttakan gefur þeim færi á að njóta félagsskapar með öðrum í notalegu umhverfi.“ -
„Óbreytt staða er óboðleg“
-Leikfélag Húsavíkur kallar eftir skýrri framtíð Samkomuhússins -
Óska eftir lóð fyrir skipalón og tengda starfsemi
Fyrirtækið FS22 ehf hefur sótt atvinnulóð eða svæði fyrir skipalón og tengda starfsemi. Sótt er um eins og fram kemur í umsókn félagsins hentuga atvinnulóð eða svæði í nágrenni við hafnaraðstöðu eða viðeigandi iðnaðarsvæði á Akureyri, með það markmið að setja upp og reka skipalón ásamt tengdri starfsemi.
