Vill styrkja getu þyrlusveitar Landhelgisgæslunnar.
Njáll Trausti Friðbertsson þingmaður Sjálfstæðsiflokksins Mynd Vbl
Njáll Trausti Friðbertsson, þingmaður Sjálfstæðisflokksins, segir stuðning við tillögu um fasta starfsstöð björgunarþyrlu Landhelgisgæslu Íslands á Akureyri fara vaxandi. Hann greinir frá þessu í færslu á Facebook-síðu sinni,
,,Í gær 3. október 2026 var tillaga mín til þingsályktunar um fasta starfsstöð þyrlu Landhelgisgæslu Íslands á Akureyri útbýtt sem þingskjali á Alþingi. Tillagan er nú lögð fram í fimmta sinn og málið hefur þróast og styrkst með hverju árinu sem líður. Fleiri þingmenn hafa bæst í hóp þeirra sem styðja málið og skilningur á mikilvægi þess hefur aukist í samfélaginu.
Tillagan felur í sér að dómsmálaráðherra verði falið að beita sér fyrir því, í samstarfi við hagaðila á Akureyri, að nauðsynleg aðstaða verði byggð upp á Akureyrarflugvelli og björgunarþyrla staðsett þar til frambúðar.
Því miður virðist hafa orðið mistök við uppsetningu þingskjalsins, kippum því í lag í vikunni. Flutningsmenn tillögunnar eru mun fleiri en þeir fjórir sem þar eru nefndir. Eftirfarandi þingmenn hafa einnig lýst yfir vilja til að vera meðflutningsmenn málsins en nöfn þeirra koma ekki fram á þingskjalinu:
Guðrún Hafsteinsdóttir, Þórarinn Ingi Pétursson, Þorgrímur Sigmundsson, Ingibjörg Isaksen, Ingvar Þóroddsson, Eiríkur Björn Björgvinsson, Sigurjón Þórðarson, Stefán Vagn Stefánsson og Ingibjörg Davíðsdóttir.
Þannig að fjöldi þingmanna á málinu ásamt mér eru tólf talsins.
Þessi víðtæki stuðningur þingmanna úr ólíkum stjórnmálaflokkum sýnir að hér er ekki um staðbundið hagsmunamál að ræða. Föst starfsstöð á Akureyri myndi stytta viðbragðstíma á Norður- og Austurlandi, yfir hálendinu og á hafsvæðinu norðan og austan Íslands. Hún myndi efla sjúkraflug, leit og björgun, almannavarnir og þjóðaröryggi.
Fjármögnun verkefnisins gæti fallið undir markmið Íslands um að verja 1,5% af landsframleiðslu til öryggistengdra innviða og viðnámsþróttar.
Starfsstöðin myndi styrkja samstarf Íslands við vina- og bandalagsþjóðir innan NATO, meðal annars við æfingar og sameiginleg viðbrögð á Norður-Atlantshafi og norðurslóðum.
Þetta snýst um jafnræði landsmanna, öryggi sjófarenda og skynsamlega áhættudreifingu.
Nú þarf Alþingi að fylgja þessum vaxandi stuðningi eftir og tryggja að föst starfsstöð björgunarþyrlu á Akureyri verði að veruleika."
Þingsályktunina má lesa með þvi að smella á slóðin hér fyrir neðan.
Nýjast
-
Vill styrkja getu þyrlusveitar Landhelgisgæslunnar.
Njáll Trausti Friðbertsson, þingmaður Sjálfstæðisflokksins, segir stuðning við tillögu um fasta starfsstöð björgunarþyrlu Landhelgisgæslu Íslands á Akureyri fara vaxandi. Hann greinir frá þessu í færslu á Facebook-síðu sinni, Í gær 3. október 2026 var tillaga mín til þingsályktunar um fasta starfsstöð þyrlu Landhelgisgæslu Íslands á Akureyri útbýtt sem þingskjali á Alþingi. Tillagan er nú lögð fram í fimmta sinn og málið hefur þróast og styrkst með hverju árinu sem líður. Fleiri þingmenn hafa bæst í hóp þeirra sem styðja málið og skilningur á mikilvægi þess hefur aukist í samfélaginu. -
Lokaorðið - Gamla góða Ísland
Fyrir síðari heimsstyrjöld var Ísland eitt fátækasta ríki Evrópu. Fólk bjó við allt aðrar aðstæður og kjör en við þekkjum í dag. Í dag er Ísland meðal ríkustu þjóða heims. Í alþjóðlegum samanburði þegar hagsæld og almenn lífsgæði þjóða eru borin saman er Ísland iðulega í efstu sætum, ásamt hinum Norrænu ríkjunum. Þetta eru samfélög sem þekkt eru fyrir mikil lífsgæði, jafnrétti, hagsæld og öflugt velferðarkerfi. -
Fallið frá áformum um fjölbýlishús við Hvannavelli 10
Fyrirtækið Vesturkantur ehf. hefur óskað eftir breytingu á deiliskipulagi Hvannavalla 10-12 og 14 sem snýr að lóð Hvannavalla 10. Þar var fyrirhugað að byggja fjölbýlishús. Á lóðinni er nú hús sem áður fyrr hýsi starfsemi Hjálpræðishersins. -
Janus-heilsueflingin byrjar af krafti í Þingeyjarsveit
Um 40–45 manns hafa skráð sig til þátttöku og aðsóknin hefur verið svo góð að tví- og þrískipta hefur þurft æfingahópunum. Gunnhildur Hinriksdóttir, verkefnastjóri æskulýðs-, tómstunda- og menningarmála hjá Þingeyjarsveit og umsjónaraðili Janus-verkefnisins fyrir hönd sveitarfélagsins, segir þátttökuna hafa farið fram úr væntingum. -
Mildum höggið
Við í Framsókn styðjum markmiðið um hallalaus fjárlög, en það má ekki vera sama hvað það kostar. Fjárlögin þurfa að byggjast á raunhæfum forsendum og meta þarf hvað leiðin að hallalausum ríkisrekstri þýðir fyrir fjölskyldur í landinu. -
Við þráum öruggt heimili - Bréf frá Rafa
Vefnum barst fyrir skömmu skilaboð frá konu sem býr í Rafa á Gaza, Doaà Youssef, hún er gift þriggja barna móðir. Skrif hennar eru hér fyrir neðan. Til allra á Íslandi sem heyra rödd okkar – vinsamlegast hlustið á okkur. Við erum fimm manna fjölskylda – móðir, faðir og þrjú börn. Við búum í litlu tjaldi sem er allt of þröngt fyrir okkur, en þrátt fyrir það reynum við að gera það að skjóli sem geti verndað börnin okkar og veitt þeim örlitla tilfinningu fyrir öryggi. -
Styrktarbingó fyrir almannaheillafélagið Vonarbrú
Styrktarbingó fyrir almannaheillafélagið Vonarbrú verður haldið æa morgun sunnudaginn 4. október kl. 14 í Safnaðarheimili Akureyrarkirkju. -
Kórinn Í fínu formi fagnar 40 árum með tónleikum í Glerárkirkju
„Það er svo skemmtilegt og gefandi að taka þátt, það hafa allir virkilega gaman af því að mæta á æfingar og fá mikið út úr því,“ segir Jónína Hjaltadóttir formaður kórsins Í fínu formi sem starfar á Akureyri og er fyrir 60 ára og eldri. „Það geta ekki allir verið í hlaupa-eða gönguhópum og finnst tilvalið að hittast í þessum góða félagsskap. Sumir búa einir og þátttakan gefur þeim færi á að njóta félagsskapar með öðrum í notalegu umhverfi.“ -
„Óbreytt staða er óboðleg“
-Leikfélag Húsavíkur kallar eftir skýrri framtíð Samkomuhússins
