Lokaorðið - Gamla góða Ísland
Heiðrún E. Jónsdóttir átti Lokaorðið s.l. fimmtudag.
Fyrir síðari heimsstyrjöld var Ísland eitt fátækasta ríki Evrópu. Fólk bjó við allt aðrar aðstæður og kjör en við þekkjum í dag. Í dag er Ísland meðal ríkustu þjóða heims. Í alþjóðlegum samanburði þegar hagsæld og almenn lífsgæði þjóða eru borin saman er Ísland iðulega í efstu sætum, ásamt hinum Norrænu ríkjunum. Þetta eru samfélög sem þekkt eru fyrir mikil lífsgæði, jafnrétti, hagsæld og öflugt velferðarkerfi.
Árangur eldri kynslóða
Við erum ekki bara heppin. Árangur okkar byggist á þrotlausri vinnu okkar og eldri kynslóða. Við höfum verðmætar náttúruauðlindir, góða innviði, öflugt velferðarkerfi og vel menntaða þjóð. Atvinnulífið hefur þróast og er ekki jafn einhæft og viðkvæmt og áður, verðmætasköpun er mikil.
Auðvitað er ekki allt fullkomið
Það er alltaf eitthvað sem betur má fara. En í samanburði við flest ríki þá eru verkefni okkar ekki óyfirstíganleg. Við höfum öll tól og tæki til að takast á við þau. Og við höfum seigluna sem hefur haldið lífi í okkar í gegnum aldirnar.
Það skiptir máli hvernig við tölum um samfélag okkar
Sérstaklega skiptir það máli gagnvart unga fólkinu okkar. Ef stöðugt er talað eins og hér sé allt verra en annars staðar og að framtíðin sé dökk, þá er eðlilegt að það hafi áhrif á þau.
Sjálfsvirðing og stolt en gleymum ekki auðmýkt
Við og fyrri kynslóðir höfum staðið okkur býsna vel, án þess þó að halda því fram að Ísland sé best í heimi. Við getum bent á það sem betur má fara en um leið borið virðingu fyrir því sem hefur verið vel gert. Það er sá heiðarleiki og sú sjálfsvirðing sem við þurfum að rækta.
Það er skylda okkar að standa vörð um þann árangur og bæta hann enn frekar
Árangur okkar kom ekki af engu. Á sumum tímum þurfti jafnvel blóð, svita og tár. Í það minnsta vinnusemi, seiglu, útsjónarsemi og framsýni. Höfum trú á og byggjum á því góða samfélagi sem fyrri kynslóðir skildu eftir. Það er skylda okkar að skila því til næstu kynslóðar, enn betur en við tókum við því.
Kveðja, Heiðrún.
Nýjast
-
Lokaorðið - Gamla góða Ísland
Fyrir síðari heimsstyrjöld var Ísland eitt fátækasta ríki Evrópu. Fólk bjó við allt aðrar aðstæður og kjör en við þekkjum í dag. Í dag er Ísland meðal ríkustu þjóða heims. Í alþjóðlegum samanburði þegar hagsæld og almenn lífsgæði þjóða eru borin saman er Ísland iðulega í efstu sætum, ásamt hinum Norrænu ríkjunum. Þetta eru samfélög sem þekkt eru fyrir mikil lífsgæði, jafnrétti, hagsæld og öflugt velferðarkerfi. -
Fallið frá áformum um fjölbýlishús við Hvannavelli 10
Fyrirtækið Vesturkantur ehf. hefur óskað eftir breytingu á deiliskipulagi Hvannavalla 10-12 og 14 sem snýr að lóð Hvannavalla 10. Þar var fyrirhugað að byggja fjölbýlishús. Á lóðinni er nú hús sem áður fyrr hýsi starfsemi Hjálpræðishersins. -
Janus-heilsueflingin byrjar af krafti í Þingeyjarsveit
Um 40–45 manns hafa skráð sig til þátttöku og aðsóknin hefur verið svo góð að tví- og þrískipta hefur þurft æfingahópunum. Gunnhildur Hinriksdóttir, verkefnastjóri æskulýðs-, tómstunda- og menningarmála hjá Þingeyjarsveit og umsjónaraðili Janus-verkefnisins fyrir hönd sveitarfélagsins, segir þátttökuna hafa farið fram úr væntingum. -
Mildum höggið
Við í Framsókn styðjum markmiðið um hallalaus fjárlög, en það má ekki vera sama hvað það kostar. Fjárlögin þurfa að byggjast á raunhæfum forsendum og meta þarf hvað leiðin að hallalausum ríkisrekstri þýðir fyrir fjölskyldur í landinu. -
Við þráum öruggt heimili - Bréf frá Rafa
Vefnum barst fyrir skömmu skilaboð frá konu sem býr í Rafa á Gaza, Doaà Youssef, hún er gift þriggja barna móðir. Skrif hennar eru hér fyrir neðan. Til allra á Íslandi sem heyra rödd okkar – vinsamlegast hlustið á okkur. Við erum fimm manna fjölskylda – móðir, faðir og þrjú börn. Við búum í litlu tjaldi sem er allt of þröngt fyrir okkur, en þrátt fyrir það reynum við að gera það að skjóli sem geti verndað börnin okkar og veitt þeim örlitla tilfinningu fyrir öryggi. -
Styrktarbingó fyrir almannaheillafélagið Vonarbrú
Styrktarbingó fyrir almannaheillafélagið Vonarbrú verður haldið æa morgun sunnudaginn 4. október kl. 14 í Safnaðarheimili Akureyrarkirkju. -
Kórinn Í fínu formi fagnar 40 árum með tónleikum í Glerárkirkju
„Það er svo skemmtilegt og gefandi að taka þátt, það hafa allir virkilega gaman af því að mæta á æfingar og fá mikið út úr því,“ segir Jónína Hjaltadóttir formaður kórsins Í fínu formi sem starfar á Akureyri og er fyrir 60 ára og eldri. „Það geta ekki allir verið í hlaupa-eða gönguhópum og finnst tilvalið að hittast í þessum góða félagsskap. Sumir búa einir og þátttakan gefur þeim færi á að njóta félagsskapar með öðrum í notalegu umhverfi.“ -
„Óbreytt staða er óboðleg“
-Leikfélag Húsavíkur kallar eftir skýrri framtíð Samkomuhússins -
Óska eftir lóð fyrir skipalón og tengda starfsemi
Fyrirtækið FS22 ehf hefur sótt atvinnulóð eða svæði fyrir skipalón og tengda starfsemi. Sótt er um eins og fram kemur í umsókn félagsins hentuga atvinnulóð eða svæði í nágrenni við hafnaraðstöðu eða viðeigandi iðnaðarsvæði á Akureyri, með það markmið að setja upp og reka skipalón ásamt tengdri starfsemi.
