Vegleg bókagjöf til minningar um Ásgeir H Ingólfsson
Mynd frá leikskólanum Lundarseli-Pálmholti. Mynd akureyri.is
Leikskólanum Lundarseli-Pálmholti hefur borist einstaklega vegleg bókagjöf frá Hrefnu Hjálmarsdóttur leikskólakennara til minningar um son hennar Ásgeir H Ingólfsson.
Ásgeir lést í byrjun árs 2025 aðeins 48 ára að aldri. Hann var ljóðskáld og blaðamaður, fæddur og uppalinn á Akureyri, og átti góða daga á Lundarseli í æsku sinni. Gjöfin er gjafakort frá Pennanum-Eymundssyni sem ætlað er til kaupa á völdum barnabókum fyrir leikskólann.
Ásgeir var í hópi fyrstu barnanna í Lundarseli
Með gjöfinni fylgdi fallegt bréf þar sem Hrefna rifjar upp fyrstu ár Lundarsels og þann tíma sem sonur hennar gekk þar í leikskóla. Í bréfinu segir hún meðal annars frá því að það hafi verið síðsumars 1979 þegar Lundarsel tók til starfa og að opnun leikskólans hafi verið mikið fagnaðarefni fyrir ungar fjölskyldur í hverfinu. Ásgeir, sem þá á þriðja ári, var í hópi fyrstu barnanna sem hófu leikskólagöngu sína í Lundarseli.
„Ásgeir var afskaplega ánægður í leikskólanum og fór þangað ævinlega glaður í bragði,“ skrifar Hrefna í bréfi sínu. Hún rifjar einnig upp kynni við starfsfólkið sem starfaði við leikskólann á þessum fyrstu árum og nefnir meðal annars Erlu Böðvarsdóttur fóstru, Ragnheiði Ólafsdóttur fóstru, Svölu Tómasdóttur, Auði Magnúsdóttur og Selmu Jónsdóttur. Ásgeir var aðeins tvö ár í leikskólanum vegna reglna sem þá voru í gildi en Hrefna segir að hann hafi saknað leikskólans mikið þegar hann hætti þar.
Áhugi á sögum og bókum fylgdi honum alla tíð
„Hann hafði alltaf mikinn áhuga á sögum og ævintýrum og seinna meir lærði hann bókmenntafræði og skapandi skrif,“ segir í bréfinu. Á fullorðinsárum starfaði Ásgeir meðal annars við kennslu og sem menningarblaðamaður. Hann lést úr krabbameini í janúar árið 2025.
Hrefna segir að þegar hún hafi nýlega átt erindi í Lundarsel þá hafi minningar um þessi góðu ár í lífi Ásgeirs vaknað á ný.
Um þessar mundir standa aðstandendur hans og vinir að útgáfu ljóðabókar með ljóðum sem hann skildi eftir í handriti. Bókin kemur út í tilefni þess að Ásgeir hefði orðið fimmtugur í dag, 20. ágúst 2026.
Í minningu Ásgeirs og þeirra góðu ára sem hann átti í Lundarseli ákvað Hrefna að færa leikskólanum veglegt gjafakort til að kaupa nýjar barnabækur fyrir leikskólabörnin.
Gjöfin snertir hjörtu allra í leikskólanum og minnir á mikilvægi bóka, sagna og lestrar í lífi barna. Það er fallegt að sjá hvernig kærleikur Hrefnu til barns og góðar minningar frá leikskólaárunum geta orðið til þess að gleðja komandi kynslóðir barna.
Sem þakklætisvott sendu börn og starfsfólk Lundarsels-Pálmholts Hrefnu þakkarbréf skreytt fallegri teikningu eftir þriggja ára barn.
Í bréfinu stendur:
„Kæra Hrefna.
Við í leikskólanum viljum færa þér okkar innilegustu þakkir fyrir dásamlega gjöf til leikskólans okkar.
Það snerti okkur öll djúpt að finna þann hlýhug sem þú sýnir leikskólanum þar sem Ásgeir sonur þinn var sem barn.
Að heiðra minningu hans á þennan hátt á 50 ára fæðingardegi hans er einstaklega fallegt.
Með virðingu og kærleika,
Starfsfólk og börn í leikskólanum Lundarseli-Pálmholti.“
Hrefnu er þakkað innilega fyrir þessa rausnarlegu gjöf og þann hlýhug sem hún sýnir leikskólanum og leikskólastarfi.
Nýju bækurnar munu án efa veita leikskólabörnunum gleði, fróðleik og ævintýri um ókomin ár, í anda þess bókaáhuga sem Ásgeir bar með sér.
Það er vefur Akureyrarbæjar sem fyrst segir frá.
Nýjast
-
Ný verslun Parka opnuð á Akureyri
Parki Interiors opnaði í dag nýja afar rúmgóða og glæsilega verslun við Sjafnargötu 1b á Akureyri. Parki er eitt stærsta fyrirtæki sinnar tegundar á Íslandi og hefur á undanförnum árum byggt upp öflugt vöruúrval og sérþekkingu á sviði innréttinga og hönnunar. -
Vegleg bókagjöf til minningar um Ásgeir H Ingólfsson
Leikskólanum Lundarseli-Pálmholti hefur borist einstaklega vegleg bókagjöf frá Hrefnu Hjálmarsdóttur leikskólakennara til minningar um son hennar Ásgeir H Ingólfsson. -
Orkan hefur safnað 83 tonnum af garðúrgangi
Síðastliðin fimm ár hefur Orkan boðið viðskiptavinum sínum upp á að losa garðúrgang sér að kostnaðarlausu á völdum Orkustöðvum í sérstökum móttöku gámum og hafa gámarnir notið mikilla vinsælda. Í upphafi voru gámar á fjórum staðsetningum á suðvesturhorninu en í fyrra bættist Orkustöðin á Mýrarvegi á Akureyri við. Frá árinu 2021 hefur 83,1 tonn af garðúrgangi safnast í móttökugámunum á fimm Orkustöðvum. -
Jón Þór Kristjánsson ráðinn verkefnastjóri upplýsingamiðlunar hjá Samherja
Jón Þór Kristjánsson hefur verið ráðinn verkefnastjóri upplýsingamiðlunar hjá Samherja. -
Kvíði frá sjónarhorni barna.
Kvíðinn passar upp á sjálfan sig: Eðluheilinn Kvíði er eðlilegt ástand sem flestir upplifa reglulega. Í grunninn er eini tilgangur kvíðans að passa upp á öryggi okkar. Það má segja að kjarni kvíðans sé óttaviðbragðið sem er rótgróið í taugakerfinu og birtist í líkama okkar, hegðun og hugsunum. Það svæði í heilanum sem stjórnar óttaviðbragðinu er stundum kallað eðluheilinn vegna þess að talið er að þessi hluti hefur haldist meira og minna óbreyttur síðan við vorum eðlur í þróunarsögunni. Það fer engin flókin hugsun eins og rökhugsun fram í eðluheilanum og þess vegna lærir hann á mjög einfaldan hátt hvað sé hættulegt og hvað ekki og að bregðast við með því að flýja, frjósa eða berjast. Lærdóminn byggir þessi hluti heilans að mestu á minningum sem tengdar eru skynjunum okkar og ósjálfráðum líkamlegum viðbrögðum t.d auknum hjartslætti, köldum svita, magaverk og skjálfta í líkamanum. Eðluheilinn rýnir í viðbrögð okkar við því sem gerist í kringum okkur og hvað virkar til þess að minnka óttann innra með okkur. -
Starfsemi Heilbrigðiseftirlits Norðurlands eystra verði óskert til áramóta
Stjórn SSNE leggur áherslu á mikilvægi þess að starfsemi Heilbrigðiseftirlits Norðurlands eystra verði óskert til loka þessa árs, 2026 og að hagsmunir starfsfólks verði tryggðir. Einnig að skýrt liggi fyrir hvaða verkefni verða áfram á ábyrgð sveitarfélaga. Fyrirhugað er að leggja HNE í núverandi mynd um komandi áramót eða frá og með1. janúar 2027. -
Beint frá býlidagurinn haldinn í Syðra Holti í Svarfaðardal
Það verður líf og fjör í Syðra Holti í Svarfaðardal á sunnudaginn, 23. Ágúst en frá kl. 13 til 16 taka ábúendur á móti gestum í tilefni af Beint frá býli deginum sem haldin verður hátíðlegum um land allt. Eitt býli í hverjum landsfjórðungi opnar dyr sínar fyrir gestum og gangandi og kynnir framleiðslu sína. -
Fullfermi í fyrsta túr sem skipstjóri
Togari Samherja, Harðbakur EA 3, landaði í gærkvöld fullfermi sem fer til vinnslu í landvinnslum félagsins á Akureyri og Dalvík. Skipstjóri var Lýður Valgeir Jóhannesson og var þetta hans fyrsta veiðiferð sem skipstjóri. Lýður útskrifaðist frá Stýrimannaskólanum í Reykjavík árið 2010 og hefur flest árin eftir nám starfað hjá Samherja, þar af undanfarin fimm ár sem fyrsti stýrimaður á Harðbak. -
Hvað þýðir Já fyrir bændur?
Í kosningunum 29. ágúst nk. munu landsmenn taka afstöðu til þess hvort hefja skuli aðildarferli að ESB. Eðlilegast væri að meta þá ákvörðun fyrst og fremst út frá þjóðhagslegum þáttum; hvort hag Íslands væri betur borgið innan ESB eða utan þess.
