Valur áfram eftir sigur í framlengingu
Fyrri hálfleikur leiksins var í járnum og var munurinn aldrei meiri en tvö mörk, þar sem varnarleikurinn var í fyrirrúmi hjá báðum liðum. Norðanmenn höfðu eins marks forystu í hálfleik, 15:14.
Valur byrjaði seinni hálfleikinn betur og skoraði fyrstu tvö mörkin. Akureyri misnotaði tvö víti í seinni hálfleik sem er dýrt í jöfnum leik sem þessum og Valsmenn náðu þriggja marka forystu í fyrsta skiptið í leiknum þegar 15 mínútur voru til leiksloka. Norðanmenn gáfust ekki upp og minnkuðu muninn í eitt mark, 26:25, þegar mínúta var eftir af leiknum. Akureyri vann svo boltann og náði síðustu sókninni í venjulegum leiktíma. Þegar tíminn virtist vera að renna Akureyringum úr greipum fékk Jónatan Þór Magnússon boltann óvaldaður á línunni og jafnaði metin í 26:26 og því þurfti að framlengja.
Í framlengingunni voru það Valsmenn sem reyndust sterkari með fullt hús áhorfenda á bak við sig og skoruðu fjögur mörk gegn engu norðanmanna og tryggðu sér fjögurra marka sigur, 30:26.
Hlynur Morthens í marki Vals reyndist norðanmönnum erfiður sem oft áður og varði 15 skot, oft á tíðum á afar mikilvægum augnablikum. Elvar Friðriksson var markahæstur Valsmanna í kvöld með 8 mörk og þeir Fannar Friðgeirsson og Arnór Þór Gunnarsson komu næstir með 7 mörk hvor.
Í liði Akureyrar var það Oddur Gretarsson sem var markahæstur með 9 mörk, þar af 5 úr vítum en Oddur átti mjög góðan leik í kvöld. Heimir Örn Árnason skoraði 6 mörk og Guðmundur Hólmar Helgason kom honum næstur með 3 mörk. Hafþór Einarsson átti góða innkomu í mark Akureyrar og varði 17 skot, þar af 3 víti, en Hörður Flóki Ólafsson varði 2 skot.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.