Útsvarstekjur um 80 milljónum meiri en áætlanir gerðu ráð fyrir
Að meðaltali hækkuðu útsvarstekjur sveitarfélaganna um 10%, en hækkunin á Akureyri er undir því, nemur tæpum 8%. Sveiflan er upp á við en aðeins hægari á Akureyri en mörgum öðrum sveitarfélögum.
„Þetta er mjög jákvætt. Það er alltaf gaman að sjá meiri tekjur en ráð var fyrir gert,“ segir Guðmundur Baldvin Guðmundsson formaður bæjarráðs Akureyrar. Útsvarstekjur sveitarfélaganna hafa hækkað umtalsvert á fyrri helmingi ársins, um 10% að meðaltali miðað við sama tímabili í fyrra. Útsvartekjur bæjarins námu á fyrri helmingi liðins árs tæplega 4,3 milljörðum króna, á fyrstu 6 mánuðum þessa árs voru þær í kringum 4,6 milljarðar.
Guðmundur Baldvin segir að gert hafi verið ráð fyrir í áætlunum bæjarins að útsvarstekjur myndu hækka um tæplega 6% á milli ára, en raunin orðið sú að hækkunin er tæplega 8%. Það þýðir að tekjurnar eru um 80 milljónum króna meira er ráð var fyrir gert.
„Við eigum eftir að sjá hver þróunin verður á síðari hluta ársins, útsvarstekjur eru sveiflukenndar og ómögulegt að segja fyrir um það nú hvort þetta haldi sér á þessum nótum þegar árið verður gert upp,“ segir hann.
Sveiflan upp á við
Að meðaltali hækkuðu útsvarstekjur sveitarfélaganna um 10%, en hækkunin á Akureyri er undir því, nemur tæpum 8%. „Það eru alltaf vonbrigði að sjá að við erum undir landsmeðaltali, en þannig hefur það verið um langt skeið, við erum ævinlega aðeins undir landsmeðaltalinu,“ segir Guðmundur Baldvin. „Sveiflan er upp á við en aðeins hægari hjá okkur en mörgum öðrum sveitarfélögum. Það gildir raunar í báðar áttir, þegar tekjurnar lækka fáum við ekki eins harkalegan skell og víða má sjá annars staðar.“
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir