Útlit fyrir að velta Norðurskeljar í Hrísey tífaldist á milli ára
Svo til öll framleiðsla Norðurskeljar, um 98%, er seld til útlanda, einkum Belgíu og norðurhluta Frakklands. „Við erum með góðan viðskiptavin þar og höfum vart undan að framleiða til að anna eftirspurn á þessum svæðum," segir Víðir. Aðilar í Bretlandi, Þýskalandi og víðar í Frakklandi hafa óskað eftir að kaupa bláskel frá fyrirtækinu, „en við önnum því miður ekki meiru, höfum ekki undan að framleiða upp í samninga," segir Víðir.
Um þessar mundir starfa 8-9 manns hjá Norðurskel og segir Víðir að ætlunin sé nú innan skamms að fjölga starfsfólki um helming. Þá stendur einnig til að auka við tækjakost, en Norðurskel er með einu vinnsluna í þessari atvinnugrein hér á landi. „Við gætum selt mun meira en við gerum, við eigum vöruna til, en það strandar á mannskap og auknum tækjakosti. Við höfum hug á að bæta þar úr á næstu vikum," segir Víðir. Áhugi er fyrir því að fá tæki sem til þarf smíðuð hér á landi og er smiðja í Hafnarfirði í startholunum. Víðir segir mun hagkvæmara að hafa þann háttinn á en að flytja tæki frá útlöndum, t.d. Nýja-Sjálandi þar sem vinnsla á krækling á sér langa hefð. „Það er dýrt og eins mjög erfitt og tímafrekt að fá varahluti, þannig að við erum að horfa til iðnaðarmanna hér heima, enda eru þeir fyllilega samkeppnisfærir á þessu sviði," segir Víðir.
Norðurskel verður 10 ára í byrjun maí og segir Víðir að lífið hafi ekki alltaf verið dans á rósum. Það hafi kostað blóð, svita og tár að byggja það upp frá grunni og mörg mistökin gerð. „En nú sjáum við fram á árangur og það er ánægjulegt," bætir hann við. Aðalfundur félagsins var haldinn nú nýverið, en síðastliðið ár var fyrirtækinu erfitt, þörungaeitrun kom upp á liðnu sumri og datt framleiðsla niður í þrjá mánuði sem sett strik í reikninginn. Á næstunni stendur til að setja niður um 40 til 50 tonn í Eskifirði, m.a. til að bregðast við ef eitrun kemur upp á ný í Eyjafirði. „Það er gott að dreifa þessu um landið, það er mjög bagalegt að þurfa að stoppa vinnsluna til lengri tíma ef eitthvað óvænt kemur upp, eins og þessi eitrun í fyrra," segir Víðir.
Stærsti eigandi fyrirtækisins er Tækifæri ehf og segir Víðir að þó uppbygging hafi tekið langan tíma hafi forsvarsmenn sjóðsins haft óbilandi trú á að betur myndi ára í greininni, líkt og nú er komið á daginn. „Við erum afar ánægðir að nú í næstu viku náum við þeim áfanga að velta okkar verður orðin meiri en hún var allt árið í fyrra," segir Víðir.
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
