Úrslitin ráðast í kvöld
Vikudagur sló á þráðinn til Gunnars Guðmundssonar, fyrirliða Bjarnarins, og Sigurðar Sveins Sigurðssonar, leikmanns SA og leikreyndasta mann úrslitakeppninnar, til þess að fara yfir málin og spá í spilin fyrir kvöldið.
„Leikurinn leggst rosalega vel í mig og það verður gaman að takast á við þetta,” segir Gunnar Guðmundsson fyrirliði Bjarnarins. „Það eru allir í liðinu fullkomlega tilbúnir í þetta og við ætlum okkur alla leið. Við erum ekkert smeykir við að fara norður og ef við fáum fulla höll á móti okkur að þá eykur það bara á hungrið,” segir Gunnar. Björninn hefur komið skemmtilega á óvart í úrslitakeppninni og hefur sýnt og sannað að það er enginn tilviljun að þeir séu komnir þetta langt. „Við erum búnir að vera mjög sterkir en kannski helst að reynsluleysið hafi mest verið að há okkur. Við verðum að passa það að halda okkar tempói út leikinn í kvöld og ekki leyfa SA að draga okkur á sinn hraða. Við verðum að halda hraðanum uppi og með okkar hraða eiga þeir ekki sjens í okkur. Svo er númer eitt, tvö og þrjú að við höldum okkur inn á ísnum og látum ekki reka okkur útaf,” segir Gunnar.
Sigurður Sveinn Sigurðsson leikmaður SA er einn leikreyndasti íshokkí maður landsins, ef ekki sá leikreyndasti, og hefur leikið ófáar úrslitakeppninnar í gegnum tíðina. Hann segir að Björninn hafi komið sér á óvart með góðri spilamennsku í úrslitakeppninni og hann hafi ekki átt von á því að til fimmta leikjarins kæmi. „Þeir eiga hrós skilið fyrir sinn árangur og þeir hafa komið öllum á óvart. Þeir komu fyrst á óvart með að komast í úrslitakeppnina og svo hafa þeir komist lengra í úrslitakeppninni en flestir áttu von á.” Eins og áður sagði hefur Sigurður leikið ófáar úrslitakeppnirnar og hann segir keppnina í ár vera eina af þeim eftirminnilegri hingað til. „Þetta er klárlega ein af skemmtilegustu úrslitakeppnunum og jafnast alveg á við 2001 keppnina.” Hann segir ekkert annað koma til greina en að klára mótið með sigri á heimavelli í kvöld og reiknar með góðri mætingu í Skautahöllina. „Það verður allt brjálað í Höllinni í kvöld og við ætlum okkur að klára þetta á heimavelli fyrir framan okkar áhorfendur og reynslan kemur til með að vega þungt í kvöld.” Mikið hefur verið tala um í fjölmiðlum undanfarið að SA sé með „gamalt” lið og að þeir séu ekki í jafn góðu líkamlegu formi og hið unga lið Bjarnarins og þreyta gæti orðið Akureyringum að falli. Sigurður blæs á þá umræðu. „Ég er orðinn svolítið þreyttur á þeirrri umræðu og við erum klárlega ekki í síðra formi en þessir guttar. Við sýndum það alveg í leiknum á mánudaginn að við erum alveg í sama leikformi og þeir og við höfum auk þess reynsluna til viðbótar.”
Björninn mun fá sinn stuðning í kvöld þrátt fyrir að leika á útivelli, en stuðningsmenn liðsins muni fylgja þeim norður í flugvél, rútu og einkabílum og munu hvetja sína menn áfram í kvöld. Það má því búast við hörkustemmningu í Skautahöllinni í kvöld. Leikurinn verður sýndur í beinni útsendingu á sjónvarpsstöðinni N4 og hefst hún kl:18:30. N4 næst á rás 15 eða 29 á Digital Ísland. Þá verður leikurinn einnig sýndur beint á Netinu á http://www.n4.is/ og á heimasíðu íshokkísambands Íslands http://www.ihi.is/.Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.