Uppsagnir varúðarráðstöfun vegna fyrirsjáanlegs verkefnaskorts
Sigurður segir að mikið sé að gera á verkstæðinu, enda hafi innflutningur dregist verulega saman. Þar eru smíðaðar innréttingar og fer um helmingur þess sem þar er smíðað út um allt land en annað er selt innan Eyjafjarðarsvæðisins. SS-Byggir er með tvö verkefni, við Giljaskóla og Verkmenntaskólann á Akureyri og lýkur báðum næsta haust. Þá er fyrirtækið að byggja fjölbýlishús með 25 íbúðum við Undirhlíð. Annað hús sömu stærðar á þeim reit er í biðstöðu. Þegar verkefnum við skólana tvo lýkur segir Sigurður að lítið sé framundan og ljóst að ekki sé hægt að skapa atvinnu fyrir alla starfsmenn fyrirtækisins komi ekki til ný verkefni. „Það er mikil deyfð yfir öllu, ætli það endi ekki með að allir verði svæfðir," segir hann.
Bendir Sigurður á að fyrirtækið hafi leitað eftir því frá síðasta hausti að hefja framkvæmdir á Sjallareitnum, þar hafi fjárfestar verið tilbúnir að ráðast í hótelbyggingu, „en það virðist lítill áhugi á að hleypa slíkri framkvæmd af stað," segir hann. Þá nefnir hann að fyrirtækið hafi viðrað hugmyndir um að byggja yfir Glerá, brú og veitingastað og fjárfestar tilbúnir að koma að verkefninu. „Það versta er að fá ekki svör, það er alvarlegast, menn verða að svara af eða á, hvort leyfi fáist en það er einhver tregða í gangi. En við reynum auðvitað að skapa okkur verkefni og halda sem flestum í vinnu, það þýðir ekki annað," segir Sigurður.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.