Upplýsingar skipta máli
Á tímum þar sem ofgnótt upplýsinga streymir yfir heimsbyggðina þannig að henni liggur við drukknun, þá getur verið erfitt að greina kjarnann frá hisminu. Trúverðugleiki gagna, öryggi í hýsingu þeirra og persónuverndarsjónarmið geta kallast á við vilja til upplýsingamiðlunar, gagnsæi í stjórnsýslu og virkt íbúasamráð. Tregða við að veita upplýsingar getur skapað tortryggni sem getur síðan skapað vantraust. Ný persónuverndarlög mega því ekki verða til þess að hjá opinberum aðilum skapist tregða við að veita upplýsingar af ótta við lög eða gagnaöryggi. Það skiptir því miklu máli að vanda til verka þegar það kemur að miðlun upplýsinga.
Greiður aðgangur að upplýsingum
Bæjarstjórn Akureyrarbæjar hefur samþykkt fyrstu upplýsingastefnu sveitarfélagsins. Stefnan er hnitmiðuð og henni fylgja aðgerðir sem uppfæra á árlega með það að markmiði að stefnan sé stöðug í vinnslu og markviss framfaraskref verði stigin. Markmið upplýsingastefnu Akureyrarbæjar er fyrst og fremst að tryggja gagnsæi í stjórnsýslu og að allir sem eiga hagsmuna að gæta hafi greiðan aðgang að upplýsingum um starfsemi sveitarfélagsins. Upplýsingamiðlun á að vera markviss og skýr viðmið þurfa að vera fyrir hendi um svörun erinda sem auðvelda einnig aðhald að stjórnsýslunni. Þar að auki ber Akureyrarbæ skylda til að hafa frumkvæði að miðlun upplýsinga er varða starfsemi sína, stefnu, fjárhag, þjónustu, verklag, reglur, stjórnsýslu, fundagerðir fastanefnda og fylgigögn þeirra, ákvarðanir og forsendur þeirra.
Eflum íbúasamráð
Markviss og örugg miðlun upplýsinga er grundvöllur gagnlegs íbúasamráðs, en Akureyrarbær og Samband íslenskra sveitarfélaga fengu nú í janúar fimm milljón króna styrk úr jöfnunarsjóði til að efla markvisst íbúasamráð og auka íbúalýðræði. Heimasíða Akureyrarbæjar er mikilvægasta gáttin í miðlun upplýsinga, íbúagáttinn á að verða meginfarvegur fyrir afgreiðslu erinda, Akureyrarbær nýtir samfélagsmiðla til að miðla fréttum og upplýsingum af heimasíðu í því skyni að auka dreifingu og sýnileika. Á þessu ári verður lögð sérstök áhersla á að auka upplýsingagjöf um starfsemi sveitarfélagsins til íbúa, lögð verður áhersla á að kynna íbúagáttina og auka vægi hennar, gera vef- og samfélagsmiðlastefnu, tryggja að öryggiskröfum allra heimasíðna stofnanna Akureyrarbæjar sé fullnægt og taka ákvörðun um smáforrit fyrir þjónustu og upplýsingagjöf sveitarfélagsins. Ég tel að með innleiðingu upplýsingastefnu Akureyrarbæjar séum við að stíga mikilvæg skref til að auka þjónustu við íbúa.
-Hilda Jana Gísladóttir
Bæjarfulltrúi og formaður stjórnar Akureyrarstofu
Nýjast
-
Stöðug aukning í blóð- og krabbameinsmeðferðum hjá SAk
Krabbameinsfélag Akureyrar og nágrennis afhenti formlega á dögunum almennu göngudeildinni á SAk þrjá meðferðarstóla og þrjú hliðarborð. Mikil aukning hefur orðið í blóð- og krabbameinsmeðferðum undanfarin ár og stefnir í að svo verði áfram. -
Formannaskipti í Sjálfsbjörg, félagi fatlaðara á Akureyri og nágrenni
Formannaskipti urðu í Sjálfsbjörg, félagið fatlaðra á Akureyri og nágrenni á aðalfundi nýverið. Herdís Ingvadóttir lét af formennsku eftir 24 ár. Hún getur að sögn gengið stolt frá borði eftir farsæla setu í stól formanns. Hún hafði um 6 ára skeið þar á undan setið í stjórn félagsins eða í allt í þrjá áratugi. -
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á.
Athugasemdir