Um 370 milljóna króna niðurskurður til framhaldsskólanna boðaður
Stjórn Félags framhaldsskólakennara hefur sent frá sér ályktun um fjárlagafrumvarp 2012 og niðurskurð á fjárveitingum til framhaldsskóla. Þar kemur fram að ef fjárlagafrumvarpið verður samþykkt óbreytt munu framhaldsskólarnir búa við áframhaldandi fjársvelti sem leggst þungt ofan á mikinn niðurskurð undanfarinna ára. Í fjárlagafrumvarpi fyrir árið 2012 er boðaður tæplega 370 milljóna kr. niðurskurður til framhaldsskólanna eða um 2% að meðaltali á hvern skóla.
Ennfremur segir í ályktuninni: Þessi niðurskurður samsvarar fjárframlagi til að kosta framhaldsskólanám um 500 nemenda á næsta ári. Í skýrslum OECD um menntamál kemur fram að árleg útgjöld vegna hvers nemanda í íslenskum framhaldsskólum lækkuðu að raunvirði milli áranna 2006 og 2007 og voru þegar á þeim árum lág í alþjóðlegum samanburði. Árið 2008 voru árleg útgjöld hér á landi á hvern framhaldsskólanemanda í fullu námi að raunvirði 12% undir meðaltalinu í löndum OECD.
Framhaldsskólinn stóð verulega höllum fæti í fjárveitingum áður en kreppan skall á haustið 2008 og síðan þá hefur mikill niðurskurður fjármuna til framhaldsskólastarfs aukið á vandann. Hálfur annar milljarður hefur verið tekinn út úr rekstri framhaldsskóla með beinum niðurskurði fjárframlaga og önnur eins upphæð sem ætluð var til framkvæmdar nýrra framhaldsskólalaga hefur aldrei komist til skólanna. Grunnþjónusta við nemendur hefur verið skorin niður sem birtist í minni stuðningi við nemendur, minna námsframboði og fjölmennari námshópum. Stór hluti kennara finnur fyrir streitu og álagi í starfi vegna aðgerða í skólunum sem tengjast kreppunni og starfskjörum hrakar.
Í fjárlagafrumvarpinu er gert ráð fyrir fjárveitingum til ýmissa ágætra verkefna sem tengjast ákvörðunum stjórnvalda fyrr á þessu ári um að opna framhaldsskólana fyrir fleiri nemendum og efla skólastigið. Þegar tillögurnar eru skoðaðar kemur í ljós að fjármunir vegna þessara nýju verkefna renna að mjög takmörkuðu leyti til skólastarfs í hinu opinbera framhaldsskólakerfi. Engu að síður er ætlast til að skólarnir taki við fleiri nemendum.
Nýjast
-
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1. -
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí.
