Tveggja daga sjómannadagshátíð
Í dag, laugardag verður glæsileg fjölskyldudagskrá að Hömrum sem hefst klukkan 13með fótboltamóti og klukkan 14 mun leikkonan Jana María Guðmundsdóttir setjahátíðina og slá á létta strengi. Mikki refur og Lilli klifurmús mæta á svæðið, Súkkulaðikarlarnir kæta börnin, Gulliver geislabaugur stjórnar brekkusöng og fleira skemmtilegt fyrir börnin. Sjómenn munu takast á í reiptogi, koddaslag, átkeppni, bumbubolta og fleira sem gleður augað. Flogið verður yfir svæðið og dreift karamellum.
Í dag verður einnig bryggjustemning í Sandgerðisbót og við Pollinn, þar sem kynntar verða skútur, Bryggudorgskeppni að
Torfunefsbryggju og klukkan 16 verður sigling með Húna II til heiðurs Á stefánssyni skipstjóra.
Á morgun, sunnudag, sjálfan sjómannadaginn verður hefðbundinn hátíðardagskrá við Pollinn og í og við Menningarhúsið Hof
sem hefst klukkan 14 með ræðuhöldum og veittar verða viðurkenningar.
Róðrakeppni hefst klukkan 15 og er mikil stemming fyrir þeirri keppni og hafa æfingar staðið yfir í hrollköldu íslensku vorveðri. Fulltrúar frá Þór og KA munu takast á undir styrkri stjórn og dómgæslu Torfa Ólafssonar kraftakarls með meiru. Einnig verður á svæðinu tæki þar sem áhugasamir geta mælt hversu handsterkir þeir eru og ætti enginn að láta þetta tækifæri fram hjá sér fara!
Eigendur smábátar munu sigla saman á Pollinn, kynning verður á siglingum Siglingaklúbbsins Nökkva, Köfunarskóla Norðurlands, boðið verður upp á siglingu um Pollinn með Húna II og heppnir gestir hátíðarinnar munu fara með hraðbáti að sjóflugvél Armgríms Jóhannssonar flugkappa og fara í flugferð.
Í Menningarhúsinu Hofi verður sjóarastemning með harmonikkutónlist, neðansjávarljósmyndum Erlendar Guðmundssonar og Gísla A. Guðmundssonar og fl.
Þetta er aðeins brotabrot af því sem boðið verður upp á um helgina en nánari upplýsingar um dagskrána er að finna á www.akureyri.is
Nýjast
-
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi.
