Tvær nýjar gönguleiðir með bekkjum vígðar á Akureyri
Vígsla almenningsbekkjanna fer fram við göngustíginn sunnan við fjölbýlishúsið Víðilund 20, miðvikudaginn 8. september nk. kl. 14.00. Bekkirnir hafa verið gefnir af fyrirtækjum bæjarins, fyrir tilstilli Norðurlandsdeildar Félags íslenskra sjúkraþjálfara og Félags eldri borgara, Akureyri.
Félag Íslenskra Sjúkraþjálfara (FÍSÞ) verður 70 ára á árinu 2010. Í tilefni þess hafa sjúkraþjálfarar farið af stað með samfélagsverkefni, sem hvatningu til aukinnar hreyfingar, til hagsbóta fyrir almenning. Eitt þeirra er verkefnið „Að brúka bekki", framkvæmt í samvinnu við Félög eldri borgara.
Fjölmargar rannsóknir hafa sýnt fram á mikilvægi þess að eldra fólk stundi hæfilega hreyfingu sér til heilsubótar. Niðurstöður þessara rannsókna sýna að með því að stunda reglubundna hreyfingu helst eldra fólk hressara og heilbrigðara lengur, er lengur sjálfbjarga og getur dvalið lengur heima. Það er því allt til þess vinnandi að hvetja eldra fólk til að hreyfa sig reglulega, m.a. með því að ganga úti reglulega.
Tvær nýjar, íslenskar rannsóknir, báðar framkvæmdar af meistaranemum í heilbrigðisvísindum við HA, hafa leitt í ljós að eitt það helsta sem hindrar eldra fólk til göngu sér til heilsubótar, er skortur á bekkjum 1,2. Hálka er önnur títtnefnd hindrun.
Því hafa verið kortlagðar, í samvinnu við Félag eldri borgara á Akureyri, tvær gönguleiðir, sem henta þeim sem lakir eru til gangs. Tryggt er að ekki eru meira en 250 m á milli bekkja, sem er forsenda þess að fjölmargir treysti sér til að ganga úti. Ráðgert er að fjölga síðan leiðum, þannig að í bænum verði þegar upp verður staðið, fjórar gönguleiðir af þessu tagi í mismunandi hverfum. Fyrstu gönguleiðirnar eru út frá Víðilundi og Lindasíðu, en síðar koma leiðir út frá Hlíð og frá norðurenda Mýrarvegar.
Nýjast
-
SAk tryggt fé til kaupa á heilaörvunartæki
Heilbrigðisráðherra hefur tryggt fjármagn sem gerir Sjúkrahúsinu á Akureyri (SAk) kleift að innleiða heilaörvunarmeðferð einstaklinga með meðferðarþrátt þunglyndi. Áætlað er að á upptökusvæði SAk séu um 240 einstaklingar sem gætu nýtt sér slíka meðferð árlega. Rannsóknir sýna að meðferðin skilar miklum árangri, eða um 60-70% í hópi einstaklinga sem þjást af meðferðarþráu þunglyndi en hafa lítið gagn af hefðbundinni meðferð, s.s. lyfjum og hugrænni atferlismeðferð. -
Framsýn og FSH skrifa undir nýjan kjarasamning
Stjórnendur Framsýnar og Framhaldsskólans á Húsavík hafa undanfarið átt í viðræðum um nýjan stofnanasamning fyrir starfsmenn skólans sem starfa eftir kjarasamningi félagsins. Viðræðurnar gengu mjög vel og kláruðust þær í gærmorgun með undirskrift aðila. -
Akureyri Open í frisbígolfi fór fram um helgina
Um helgina fór fram Gull- og Silfurmótið Akureyri Open í boði Sportver. Mótið var haldið af Frisbígolffélagi Akureyrar og fór fram á frisbígolfvellinum við tjaldstæðið á Hömrum. Keppnin stóð yfir í þrjá daga og tóku 83 keppendur þátt víðsvegar að af landinu. Þrátt fyrir að veðrið hafi ekki verið upp á sitt besta létu keppendur það ekki trufla sig og stemningin var frábær alla helgina. -
Hvers vegna öll þessi leynd? - Breytingar á skipulagi forvarnar- og frístundamála
Það var dularfull stemning í aðdraganda þess að ræða átti trúnaðarmál bæði í fræðslu- og lýðheilsuráði og í bæjarráði þann 22. maí sl. Ekki lá fyrir hvað ætti að ræða og engin gögn voru lögð fram fyrir fundinn. Á fundi bæjarráðs var svo tilkynnt að „ákvörðun hefði verið tekin“ um að leggja niður núverandi skipulag forvarna- og frístundamála hjá Akureyrarbæ. Átti að tilkynna starfsfólki breytingarnar síðar sama dag. -
Tveimur ferskum verkum í Pastel ritröð fagnað í Sigurhæðum
Á fimmtudag 12. júní klukkan fimm verður tveimur splunkunýjum verkum eftir tvo frábæra og ólíka listamenn í Pastel ritröð fagnað í Sigurhæðum á Akureyri. -
Hundakvöld á Listasafninu á Akureyri
Fimmtudaginn 12. júní mun Listasafnið á Akureyri bjóða hunda og eigendur þeirra velkomna á sérstakt hundakvöld. Opið verður frá kl. 19 til 22 og ókeypis inn fyrir eigendur í fylgd hunda -
Íbúum fjölgar á Norðurlandi eystra
Samkvæmt tölum úr Þjóðskrá fjölgaði fólki á Norðurlandi eystra frá 1 des. sl. til 1 júni s.l um 157 manns eða um 0,5%. Þetta er sama fjölgun og var á landsvísu á sama tima. -
atNorth ræður tvo nýja stjórnendur
Gagnavers- og ofurtölvufyrirtækið atNorth hefur ráðið Bjarka Björnsson sem forstöðumann fjármögnunar og fjárstýringar og Axel Valdemar Gunnlaugson í starf forstöðumanns upplýsingatækni. -
Litaboltavöllur á tjaldsvæðinu
Skipulagsráð Akureyrar hefur tekið jákvætt í erindi frá Skúla Lórenz Tryggvasyni sem óskaði eftir svæði til að setja upp litaboltavöll (e. paintball).
