Tindastóll vann Norðurlandsslaginn
Leik Þórs og Tindastóls í Iceland Expressdeild karla í körfubolta sem fram fór í Íþróttahöllinni á Akureyri lauk nú rétt í þessu með sigri gestanna frá Sauðárkróki 82-77. Fráköstin í leiknum voru aðal munurinn á liðunum en Tindastólsmenn tóku mun fleiri sóknarfráköst en heimamenn sem svo skiluðu þeim nokkrum ódýrum en dýrmætum stigum þegar uppi var staðið.
Liðin skiptust á að hafa forystu í fyrri hálfleik en að honum loknum var staðan jöfn 39-39. Aldrei munaði meira en fimm stigunum í hálfleiknum og allt stefndi í hörku- spennandi leik sem varð svo raunin.Þriðji leikhluti var mjög kaflaskiptur, Tindastólsmenn skoruðu sex stig í röð og komust í 58-52 en þá tóku Þórsarar virkilega góðan sprett, skoruðu 11 síðstu stig leikhlutans og breyttu stöðunni í 63-58.
Fjórði leikhluti hófst eins og sá þriðji endaði, Þórsarar voru í miklum ham og juku forystu sína í 11 stig í stöðunni 72-61. Fáa hefði sennilega grunað að þeir gætu kastað frá sér sigri í leiknum á þessum tímapunkti því ekki voru nema um fimm mínútur til leikloka í þessari stöðu.
Við tók hins vegar skelfilegur lokakafli hjá Þór, gestirnir hreinlega röðuðu niður stigum án þess þó að vera að hitta sérlega vel, það munaði hins vegar mikið um að þeir tóku öll fráköst og fengu þess vegna jafnvel tvær til þrjár tilraunir til að skora í nánast hverri sókn. Þórsarar aftur á móti reyndu nánast eingöngu erfið þriggja stiga skot og afar lítið gekk hjá þeim gegn sterkri vörn gestanna.
Þegar ein mínúta var til leiksloka var staðan orðin jöfn 77-77 og gestirnir héldu í sókn. Þeir reyndu tvo skot án árangurs en alltaf náðu þeir frákastinu og svo fór að þeir skoruðu þriggja stiga körfu þegar ekki nema um 30 sek voru til leiksloka.
Þórsarar héldu í sókn en gekk illa að búa til góða skotstöðu fyrir þriggjastiga skot. Svo fór að Baldur Ingi Jónasson, sem annars hafði hitt vel úr þriggjastiga skotum sínum í leiknum, reyndi skot sem geigaði þegar um 10 sek voru til leiksloka. Tindastólsmenn voru skyndsamir á lokasekúndunum og kláruðu leikinn með því að skora úr tveimur vítaskotum í lokin. Lokatölur 82-77 fyrir Sauðkræklinga.
Þórsarar voru sjálfum sér vestir í þessum leik og köstuðu frá sér sigri með óskynsamlegum leik í lokin. Ekki skyldi þó taka það af gestunum að þeir spiluðu mjög sterka vörn í lokin og voru mun grimmari í fráköstunum allan leikinn. Tölurnar ljúga ekki, gestirnir tóku 48 fráköst í leiknum en heimamenn 29.
Gremjulegt tap hjá Þórsurum og annað tap þeirra í röð þessa helgina. Þeir sitja eftir leikinn í 7. Sæti með 6 stig. Tindastóll er hins vegar í þriðja sæti með 12 stig.
Stigahæstir hjá Þór voru Cedric Isom með 33 stig, Guðmundur Jónsson 15 og Baldur Ingi Jónasson 15.
Áhorfendur voru um 300 talsins og létu vel í sér heyra.
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.