Tímalaus tenging á Húsavík
Á unglingastigi í grunnskóla skal nemendum gefinn kostur á að velja námsgreinar og námssvið sem svarar allt að þriðjungi námstímans.
Tilgangurinn með valfrelsi nemenda á unglingsstigi er að laga námið sem mest að þörfum einstaklingsins og gera hverjum og einum kleift að leggja eigin áherslur í námi miðað við áhugasvið og framtíðaráform í samvinnu við foreldra , kennara og námsráðgjafa. Val í námi skal miða að skipulegum undirbúningi fyrir nám í framhaldsskóla og taka mið af undirbúningi fyrir bóknám, starfsmenntun, list- og tækninám. Í Borgarhólsskóla á Húsavík er boðið upp á fjölbreytt úrval af valgreinum.
Þáttagerð varð að stuttmyndagerð
Ein af þeim valgreinum sem boðið var upp á í Borgarhólsskóla á þessu skólaári er námskeið sem í upphafi kallaðist þáttagerð. Nokkrar stelpur í 8. bekk völdu greinina en í hugmyndavinnunni í upphafi námskeiðsins var fljótlega ákveðið að gera stuttmynd.
Fyrir skemmstu var félagsheimili Félags eldri borgara á Húsavík breytt í kvikmyndasett í tengslum við námskeiðið en settið hreyfði við nostalgíu eldri Húsvíkinga en húsnæðinu var breytt í vídeóleigu.
Það var Örlygur Hnefill Örlygsson sem skipulagði og kenndi námskeiðið en hann sagði í samtali við Vikublaðið að hann sé afar ánægður með stelpurnar í námskeiðinu. Þær hafi verið bæði í senn metnaðarfullar og hugmyndaríkar. Það hafi heldur ekki spillt fyrir að fréttastofa RÚV hafi kíkt í heimsókn á tökustað og gert fréttainnslag um námskeiðið þar sem rætt var við stelpurnar.
Metnaðarfullt verkefni
Mögulega leynist framtíðar óskarsverðlaunahafi í hópi stelpnanna.
„Ég er að kenna svokallaðar valgreinar í Borgarhólsskóla sem heitir nú reyndar þáttagerð en við hugmyndavinnuna í byrjun námskeiðsins ákváðu stelpurnar að þær vildu frekar gera stuttmynd. Við tókum þetta upp í félagsheimili eldri borgara hér á Húsavík, þessa stuttmynd sem við vorum að gera í áfanganum,“ segir Örlygur. Myndin heitir Tímalaus tenging en atburðarásin flakkar um í tíma á milli ársins 2024 og 2004. Áskorun stelpnanna var því að skapa tíðaranda sem ríkti í upphafi aldarinnar, og ekki annað að sjá en að það hafi tekist með afbrigðum vel.
Örlygur segir að þegar stelpurnar hafi ákveðið að gera stuttmynd í stað þess að vinna í þáttagerð hafi hann leitað í geymslum sínum og fundið þar gamla vhs vídeósafnið sitt, jafnframt hafi hann fundið gamlan tíkallasíma sem notaður var við gerð myndarinnar.
Bjuggu til hugmynd út frá því sem til var
„Ég sagði í upphafi að það væri langbest þegar verið væri að gera stuttmynd fyrir lítinn sem engan pening að vinna hugmyndina útfrá einhverju sem væri til. Ég á þetta vídeóspólusafn og gamlan tíkalla síma og við byrjuðum eiginlega bara þar. Stelpurnar söfnuðu svo fötum sem passa við tímann og svo höfum við fundið gömul tímarit eins Myndbönd mánaðarins til að gera þetta raunverulegra. Svo fóru þær að föndra gamlar pepsi dósir en það er ákveðin stúdía fólgin í því líka að endurgera svona gamla tíma. Þetta er á mörkum þess að vera smá þjóðfræði líka,“ segir Örlygur og kveðst stoltur af nemendum sínum fyrir afraksturinn.
Skemmtileg reynsla
Viðja Karen í viðtali við RÚV ásamt Tinnu Kristínu Daníelsdóttur.
Viðja Karen Vignisdóttir er ein af ungu kvikmyndagerðarkonunum en hún segir í samtali við Vikublaðið að ferlið hafi verið mjög áhugavert og skemmtilegt. Hápunkturinn hafi klárlega verið helgin sem þau bjuggu til vídeóleiguna.
„Við vorum að gera stuttmynd um stelpu sem flytur til Húsavíkur. Hún finnur gamlan tíkallasíma og hringir í mömmu sína í fortíðinni,“ segir Viðja en þær stelpurnar sömdu handritið sjálfar undir handleiðslu kennara.
Viðja neita því ekki að það fylgir því mikið umstang að búa til svona heim sem þær þekki ekki svo vel sjálfar. Það hafi kallað á rannsóknarvinnu og ófá handtök. „Jú við tókum alla helgina í að gera og græja þetta allt. Við prentuðum m.a. út gömul pepsi lógó og límdum á kókflöskur,“ útskýrir Viðja en mikið var lagt upp úr því að fanga tíðarandann á sem nákvæmastan hátt.
Fjölmiðlavön kvikmyndagerðarkona
Þá segir Viðja að það hafi verið gaman að fá fréttastofu Rúv í heimsókn og hún hafi lent í viðtali sem sýnt var í fréttatíma sjónvarpsins á dögunum. Viðja er reyndar ekki alls óvön athygli fjölmiðlanna en hún komst í heimsfréttirnar um árið þegar Óskarsverðlaunahátíðin kom til Húsavíkur. Þá var Viðja í stúlknakórnum sem söng lagið Heimabærinn minn ásamt Molly Sandén en lagið var tilnefnt til óskarsverðlauna. „Já, það passar, ég kom fram á óskarshátíðinni, það var mjög skemmtilegur tími,“ segir Viðja hæversk og segist vel geta hugsað sér að gera meira í framtíðinni innan kvikmyndagerðar. „Já ég held það, ég er að minnsta kosti mjög mikið fyrir það að leika.“
Stelpurnar á námskeiðinu fengu að sjálfsögðu að prófa sig áfram við hin ýmsu hlutverk í ferlinu en það er að ýmsu að huga við gerð kvikmynda. „Já þetta var mjög gaman og lærdómsríkt. Ég fékk bæði að prófa að taka upp og svo að standa fyrir framan myndavélina og leika. Þetta var mjög gaman alla helgina,“ segir Viðja.
Stóðu fyrir fjáröflun
Kvikmyndagerð kostar alltaf eitthvað þó vissulega sé hægt að fara langt á hugmyndafluginu en hluti af ferlinu er undirbúningur og áætlanagerð. Eitthvað þurfti að kaupa við gerð myndarinnar en stelpurnar gengu í fyrirtæki og söfnuðu upp í kostnað, það þurfti að kaupa málningu og annað smálegt.
„Já ég vildi að þær fengju að prófa sem flesta snertifleti við kvikmyndagerðina. Þetta er búið að vera áhugavert ferli og ég hef ekki síður haft gaman af því en stelpurnar. Svo vill nú svo skemmtilega til að þetta er sami stelpna hópur og söng með Molly Sandén í Óskarsatriðinu hér um árið. Þær eru búnar að fá flotta reynslu nú þegar,“ útskýrir Örlygur og vill koma á framfæri þakklæti til Félags eldriborgara á Húsavík fyrir aðstoðina.
„Þau sýndu okkur mikinn rausnarskap að lána okkur húsið sitt undir vídeóleigu í nokkra daga. Það er ekki sjálfgefið,“ segir Örlygur að lokum.
Nýjast
-
Rannsókn á andláti- Gæsluvarðhald framlengt um viku
Gæsluvarðhald yfir manni sem er grunaður um að hafa orðið sambýliskonu sinni að bana í fjölbýlishúsi á Akureyri hefur verið framlengt um eina viku, eða til 6. maí -
Þjónusta þjóðkirkju við landsbyggðina
Eitt aðaleinkenni þjóðkirkjunnar, kirkju þjóðarinnar er hún að hún hefur þá grunnskyldu að veita kirkjulega þjónustu um allt land. Henni ber að þjóna fólki í sveit og borg, í þorpum og bæjum, þeim sem búa afskekkt og þeim sem búa þétt. Þetta er ekki einfalt hlutverk því þegar upp er staðið er það fjárhagurinn sem stýrir því hversu breið og öflug sú þjónusta er. Sóknargjöldin sem ríkið innheimtir fyrir þjóðkirkjuna hafa verið skert af hálfu ríkisins frá því í hruninu og jafnvel eitthvað fyrr. Þetta hefur gert það að verkum að erfiðara er að halda úti þjónustu safnaða og halda við kirkjubyggingum sem margar hver eru menningarleg þjóðarverðmæti. Þá hefur vígð þjónusta verið skert þar sem kirkjan hefur þurft að fara í sparnaðaraðgerðir auk þess sem fólksflutningar hafa orðið á ákveðnum svæðum. -
„Slippurinn Akureyri, Vinnslustöðin í Vestmannaeyjum og Skipasýn gera með sér hönnunarsamning“
Slippurinn Akureyri sem framleiðir vinnslubúnað undir merkjum DNG by Slippurinn hefur gert hönnunarsamning við Vinnslustöðina í Vestmannaeyjum og verkfræðistofuna Skipasýn. -
Sviðslistahópurinn Hnoðri í norðri sýnir íslenska öróperu í grunnskólum
„Það er alveg ótrúlega gaman og gefandi að fara á milli skóla og sýna, kynnast nýjum stöðum og stemningunni og andanum í mismunandi skólum,“ segir Erla Dóra Vogler, ein úr sviðslistahópnum Hoðri í Norðri. Hópurinn hefur sýnt nýja íslenska öróperu - Skoffín og skringilmenni í grunnskólum á Norðurlandi eystra. Sýningar urðu 17 talsins í 21 skóla og sáu hátt í 1.200 börn í 5. til 7. bekk þessa sýningu. -
Stórleikur í Höllinni í dag!
Í dag nánar tiltekið kl 18.30 verður blásið til leiks hja Þór og Fjölni í einvígi þessara félaga um sæti i efstu deild í handbolta keppnistímabilið 2024-2025.Þór hefur tvö vinninga en Fjölnir einn. Alls þarf þrjá vinninga til að tryggja sér sæti í efstu deild svo segja má að staða Þórsara sé afar vænleg fyrir leikinn en staðan ein og sér gerir ekkert, það þarf að klára málið. -
Ísland í 80 ár! Málþing um stöðu og þróun lýðveldis og lýðræðis á Íslandi
Hömrum, Menningarhúsinu Hofi, Akureyri, laugardag 4. maí 2024, kl. 14:00-17:00. AkureyrarAkademían stendur fyrir opnu málþingi í tilefni af því að á þessu ári eru 80 ár frá því að lýðveldi var stofnað á Íslandi þann 17. júní 1944. Málþinginu er ætlað að vera vettvangur fyrir samræður og skoðanaskipti fræðimanna og almennings um lýðveldisstofnunina, stöðu og þróun lýðveldis og lýðræðis á Íslandi. Hvernig hefur tekist til? Hvaða lærdóma má draga? -
Steiktur fiskur sem alltaf hittir í mark
„Það eru auðvitað mikil forréttindi að hafa gott aðgengi að fyrsta flokks hráefni, auk þess sem fiskur er alltaf vinsæll hérna í mötuneytinu,“ segir Theodór Haraldsson matreiðslumeistari í mötuneyti ÚA. Hann gefur lesendum heimasíðunnar uppskrift að steiktum fiski sem reglulega er á boðstólum í mötuneytinu. Áhersla á fisk „Þetta er stór vinnustaður og eðli málsins samkvæmt er smekkur fólks misjafn en þessi fiskréttur fær alltaf góða dóma hjá starfsfólkinu. Við getum sagt auppskriftin sé klassísk og hún er alls ekki flókin. Með fiskinum höfum við remúlaði og brúnaðan lauk. Okkur finnst sjálfsagt að leggja áherslu á fiskinn, enda topp hráefni á allan hátt og hollt. Þetta er sem sagt réttur sem hittir alltaf í mark,“ segir Theodór. Hægt að leika sér með þorsk „Hérna í ÚA er verið að vinna afurðir fyrir kröfuharða viðskiptavini, meðal annars helstu verslunarkeðjur Evrópu. Það er stór kostur að geta farið niður í vinnsluna og náð í brakandi ferskt hráefni, enda er hérna fiskur á boðstólum tvisvar til þrisvar sinnum í viku. Oftast verður þorskur fyrir valinu, enda er hægt að leika sér með þorskinn á svo margvíslegan hátt. Það þarf að passa sérstaklega að ofelda ekki fiskinn, þá verður hann heldur þurr. Og ef fólk er að elda fisk í ofni er gott ráð að lækka hitann og kynda ofninn svo vel skömmu áður en safaríkur fiskurinn er borðinn á borð. Ég er ekki frá því að algengustu mistökin felist einmitt í að ofelda fiskinn, reyndar getur línan í þessum efnum verið nokkuð fín,“ segir Theodór Haraldsson matreiðslumeistari. Hérna er uppskriftin góða: Fiskur í raspi fyrir fjóra til sex: 1,5 kg Þorskur 6 stk egg 500 gr rasp 500 gr hveiti 50 gr salt 50 gr hvítur pipar 2 msk sítrónupipar 1 msk paprikukrydd 1 msk karrí 1 msk laukduft Aðferð: Þorskurinn er skorinn niður í hæfilega bita. Eggin eru pískuð saman í skál ásamt kryddum. Síðan er fiskinum velt upp úr hveiti, síðan velt upp úr eggjunum og svo í lokin upp úr raspinu. Fiskurinn er svo steiktur á pönnu upp úr smá olíu og klípu af smjöri. Remúlaði 50 gr mæjónes 50 gr súrmjólk 1 stk laukur fínt saxaður 3 msk dijon sinnep 1 msk sætt sinnep 75 gr súrar gúrkur 2 msk capers saxaður Aðferð: Þessu er öllu blandað saman og smakkað til. Brúnaður laukur 2 stk laukur 1 msk steinselja þurrkuð Olía til steikingar Smá klípa smjör Aðferð: Laukurinn er sneiddur niður og steiktur á pönnu þangað til hann verður fallega brúnn á litinn. Þá er smá smjöri bætt við á pönnuna og laukurinn látinn malla í nokkrar mínútur til viðbótar. Fiskurinn borinn fram ásamt remúlaðinu, soðnum kartöflum, brúnuðum lauk og sítrónusneið. Gangi ykkur vel og verði ykkur að góðu ! Þessa fínu hugmynd að kvöldmatnum var fyrst að finna á www.samherji.is -
Fjórir norðanmenn unnu brons á Íslandsmótinu í bridge.
Akureyringarnir, Frímann Stefánsson, Pétur Guðjónsson og Reynir Helgason gerðu góða ferð suður til Reykjavíkur un helgina með Mývetningnum Birni Þorláks þar sem verkefnið var að etja kappi við sterkustu lið landsins í úrslitum Íslandsmótsins í sveitakeppni. Sveitin keppti undir merki Kjöríss. -
Nýta jarðvarma til framleiðslu á ofurfæðu úr smáþörungum
Mýsköpun er framsækið nýsköpunarfyrirtæki
Athugasemdir