Til skoðunar að bjóða upp á nám í VMA í sambandi við olíuiðnað
Verkmenntaskólinn á Akureyri. Mynd: Hörður Geirsson.
Verkmenntaskólanum á Akureyri hefur verið boðið að vera með í verkefni sem tækniskóli í Stavanger í Noregi heldur utan um. Verkefnið snýst um að undirbúa nám í sambandi við olíuleit í framhaldsskólum á Íslandi (VMA), Færeyjum og Grænlandi. Sigríður Huld Jónsdóttir skólameistari VMA segir verkefnið á algjöru frumstigi, búið sé að halda einn símafund og stefnt að því að hittast í Noregi í apríl. Á þeim fundi yrði gengið frá styrkumsókn til að verkefnið nái fram að ganga. Þetta eru fyrstu skref í því að móta nám innan þessa geira í löndunum þremur. Í sambandi við fjármögnun þá er fyrsta skerf að komast á fundinn í apríl og er verið að leita styrkja í þá ferð sem líklega tveir starfsmenn frá skólanum fara í. Ef af náminu verður þá mun það verða í samvinnu við menntamálaráðuneytið eins og annað nám á framhaldsskólastigi en einnig í samvinnu við fyrirtæki og atvinnulíf á svæðinu.
Sigríður segir að sé horft enn lengra til framtíðar þá þurfi að vera til staðar öflug endurmenntun fyrir starfsfólk í olíuvinnslu og skólinn mun þá líklega taka þátt í þeirri endurmenntun í samvinnu við þau fyrirtæki sem vinna að olíuleit og vinnslu. Við erum að renna blint í sjóinn því þekking á þessu sviði er takmörkuð á Íslandi. Miðað við fréttir af olíuleit á Drekasvæðinu þá gætum við vaknað upp við það að hafa ekki starfsfólk sem gæti unnið innan þessa geira. Við getum ekki svarað á þessu stigi hvernig þetta nám liti út né hvenær við gætum mögulega farið að kenna það. Við höfum þekkingu í sambandi við málmiðngreinar og vél- og tækninám og sjáum við þetta nám tengjast inn á þau svið. Sérþekkingu á öryggismálum er tengjast olíuleit höfum við litla hérlendis en í náminu í Stavanger er mikil áhersla á öryggismál enda ekkert grín ef olía fer að leka á fiskimiðum okkar, segir Sigríður.
Hún ítrekar að málið sé algjöru frumstigi. En okkur rennur blóðið til skyldunnar að bregðast við því ef olíuvinnsla fer af stað við Ísland þá reikna ég með því að við viljum sjálf getað unnið störfin sem fylgja þessu tækifæri. Ég held að við gerum okkur ekki grein fyrir því hvað það myndi þýða fyrir okkur ef það verður unnin olía við Ísland og þetta er nær okkur í tíma en við gerum okkur grein fyrir. Þá verðum við að hafa menntað og hæft fólk til að koma að vinnslunni.
Sigríður segir fyrsta skrefið að móta nám á framhaldsskólastigi en nemendur í 10. bekk eru að huga að umsóknum í framhaldsskóla á þessum tímapunkti. Hún beinir því til þeirra og foreldra þeirra að huga vel af því hvar hægt sé að mennta sig innan tæknigreina hvort sem það er hér á Eyjafjarðarsvæðinu eða annarsstaðar á landinu. Atvinnutækifærin til framtíðar eru innan iðn- og tæknigreina ásamt því að námið er mjög góður grunnur fyrir allt tækninám á háskólastigi, segir Sigríður.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.