Þurfa að bæta við vagni til að bjóða upp á strætóferðir
Ekki er hægt koma strætóferðum inn í leiðarkerfið með núverandi fjölda strætisvagna.
Til þess að Akureyrarbær geti boðið upp á strætisvagnaferðir til og frá Akureyrarflugvelli þarf að bæta við vagni. Ekki er unnt að bjóða upp á slíkar ferðir við núverandi fjölda strætó, sem eru alls fjórir. Áður en farið verður í að bæta þjónustuna þarf að greina þörfina fyrir strætisvagn út á flugvöll. Þetta segir Halla Björk Reynisdóttir forseti bæjarstjórnar.
Eins og fjallað var um í síðasta blaði er það mat Ara Fossdals, stöðvarstjóra Air Iceland Connect á Akureyrarflugvelli, að bæta þurfi almenningssamgöngur um flugvöllinn. Eins og staðan er í dag eiga farþegar einungis kost á því að taka leigubíl. Sagði Ari að fyrir öflugan flugvöll verði samgöngur að vera í lagi og er eitt af því sem geri flugvöll frambærilegan. Þá hafa fulltrúar í ferðaþjónustu hér á landi sem og erlendar ferðaskrifstofur lýst yfir áhyggjum af samgönguleysi um flugvöllinn.
Halla Björk segir að almenningssamgöngur um flugvöllinn hafi verið í skoðun síðustu ár en ekki hafi tekist að koma ferðum inn í leiðarkerfið með núverandi fjölda strætóa. „Við erum hins vegar að vinna hörðum höndum í að auka starfsemi flugvallarins og bættar samgöngur verða að haldast í hendur við þá vinnu,“ segir Halla Björk.
„Við þurfum að greina þörfina og hversu margir myndu nýta sér þjónustuna. Það er alveg ljóst að með frekari uppbyggingu flugvallarins verður meiri þörf á almenningssamgöngum,“ segir Halla Björk. Hún segir ennfremur að þegar kerfinu var breytt síðast voru hinir ýmsu möguleikar kostnaðargreindir og á þeim tíma þótti ekki forsvaranlegt að leggja út í þann kostnað. Það voru allt frá 40-90 milljónir, eftir því hvort verið var að tala um hluta úr ári eða ekki og eins mismunandi tíðni ferða.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.