Þrisvar sinnum stærri framkvæmd til skoðunar við Hafnarstræti 98

16. febrúar, 2010 - 14:59 Fréttir
Þrisvar sinnum stærri framkvæmd til skoðunar við Hafnarstræti 98
Nokkur umræða hefur verið um stöðu mála í Hafnarstræti 98, m.a. í greinum sem skrifaðar hafa verið í Vikudag. Húsið er í eigu H98 ehf. en það félag eiga KEA og Saga Capital fjárfestingarbanki saman. Halldór Jóhannsson framkvæmdastjóri KEA skrifar grein sem birtist í Vikudegi nk. fimmtudag, þar sem hann bendir á nokkra þætti sem hafa orðið til þess að verkefnið hefur ekki farið af stað - mitt í kreppunni og hvaða forsendur þurfi að vera til staðar fyrir framkvæmdum.  

Einnig gerir hann grein fyrir stöðu málsins í dag og telur góðar líkur á að framkvæmdir hefjist innan skamms tíma. Þar kemur fram að H98 á byggingarrétt á lóðinni austan við húsið fyrir meira byggingarmagn en sem nemur stærð gamla hússins. Þar er unnið að verkefni sem kallar á verulegar framkvæmdir á allri lóð félagsins, þar sem byggingarréttur félagsins yrði nýttur til fulls. Ef mál þróist með jákvæðum hætti næstu vikur, verði sú framkvæmd rúmlega þrisvar sinnum stærri en upphafleg áform gerðu ráð fyrir, sem hafi mikil áhrif á alla hönnun og undirbúningsvinnu. 

"Hvað KEA varðar, er eðlilegt að láta reyna fyrst á verkefni sem nýta byggingaréttinn til fulls sem og það að slíkt verkefni veitir fleiri höndum vinnu, bæði á byggingartíma og við reksturinn í húsinu í framhaldinu. Nýkynnt miðbæjarskipulag gerir ráð fyrir því að framangreindur byggingaréttur félagsins á baklóð þess falli niður. Þessi mjög svo óvænta skipulagstillaga flýtir ekki fyrir því að hægt verði að ýta því máli hratt áfram en eigendur H98 vænta þess að auðvelt verði að fá tillögunni breytt svo ekki verið tafir á því verkefni sem unnið er að," segir Halldór í grein sinni.

Hann segir ennfremur að nú hilli undir að framkvæmdir við Hafnarstræti 98 hefjist, félagsmenn þurfi ekki að hafa áhyggjur af því að verkefnið sé að daga uppi. "En grundvallaratriði verður ætíð, þegar ráðist er í svona verkefni af hálfu KEA, að vitneskja sé um undir hvaða starfsemi eða not verður byggt og að verkefnið verði sjálfbært."

Til baka

Nýjast

  • Gamla verslunin í Vaglaskógi jöfnuð við jörðu

    • 17.05.2025
    „Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“

  • Hamrastígur og Kirkjugarðsstígur Finnur ehf bauð lægst í stígagerðina

    • 17.05.2025
    Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.

  • Alþjóðaflugvöllur á Akureyri verði byggður upp

    • 16.05.2025
    Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands

  • Grafalvarleg staða í rekstri PCC Bakka rædd í atvinnuveganefnd Alþingis.

    • 16.05.2025
    Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn.

  • Listasafnið á Akureyri Nýjar sýningar opnaðar

    • 16.05.2025
    Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45.

  • Orkey fyrst á Íslandi með sjálfbærni- vottaða framleiðslu á lífeldsneyti

    • 16.05.2025
    Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.

  • Heyrn er ekki munaður – hún er þátttaka

    • 16.05.2025
    Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.

  • Sundlaug Akureyrar lokuð 18.-22. maí – opið lengur í Glerárlaug 18. maí

    • 15.05.2025
    Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.

  • Byggingaréttur á lóðum á Torfunefsbryggju boðin út í maí

    • 15.05.2025
    Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.  
Sjá meira