Þriggja marka tap hjá Akureyri gegn FH í kvöld
Leikurinn var nokkuð jafn í byrjun og var munurinn aldrei meiri en tvö mörk í fyrri hálfleik. Gestirnir voru þó ávallt skrefinu á undan framan af fyrri hálfleik en Akureyri náði að snúa leiknum sér í hag þegar líða fór á leikinn. Varnaleikurinn, sem hafði verið slakur í byrjun, hrökk í gang og heimamenn tóku frumkvæðið og leiddu með tveimur mörkum í hálfleik, 18:16.
Heimamenn skoruðu fyrsta markið í seinni hálfleik og staðan 19:16, en þá kom hins vegar skelfilegur kafli hjá norðanmönnum. FH skoraði fimm mörk í röð og breyttu stöðunni í 21:19 sér í vil og var það vendipunktur í leiknum. Sóknarleikur heimamanna varð slakari því meira sem leið á hálfleikinn og að sama skapi var vörnin hjá FH sterk og Pálmar Pétursson í marki gestanna sem klettur fyrir aftan vörnina. Þetta reyndist norðanmönnum ofviða og þriggja marka tap niðurstaðan, 27:30. FH var einfaldlega betra liðið í kvöld og sigurinn fyllilega verðskuldaður.
Í liði Akureyrar var Oddur Grétarsson markahæstur með 10 mörk og þeir Árni Þór Sigtryggsson, Geir Guðmundsson og Guðmundur Hólmar Helgason skoruðu 3 mörk hver en aðrir minna. Þá varði Hafþór Einarsson 14 skot í marki Akureyrar en Hörður Flóki Ólafsson varði 4 skot.
Markahæstir í liði FH var Bjarni Fritzon með 6 mörk, Ólafur Gústafsson skoraði 5 mörk og Ólafur Guðmundsson 4. Þá varði Pálmar Pétursson 18 skot í marki gestanna og Daníel Andrésson varði 2 skot.
Akureyri þarf því enn um sinn að bíða eftir fyrstu sigurleiknum í deildinni. Eftir fyrstu þrjár umferðirnar eru norðanmenn aðeins með eitt stig í næstneðsta sæti deildarinnar. FH er hinsvegar á toppnum með 5 stig. Næsti leikur Akureyrar er útileikur gegn Gróttu, fimmtudaginn 5. nóvember.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.