Þjóðhagslegur ábati
Njáll Trausti Friðbertsson þingmaður Sjálfstæðisflokksins skrifar
Njáll Trausti Friðbertsson þingmaður Sjálfstæðisflokki veltir fyrir sér í grein sem hann skrifar á Facebookvegg sinn þjóðhagslegum ábata sem hann telur að felist í beinu flugi millilanda um Akureyrarflugvöll. Njáll veitti samþykki sitt fyrir þvi að skrif hans mætti birta á vef Vikublaðsins.
Flugvélamyndböndin verða tvö þessa helgina… ja í hið minnsta . Ég náði bæði lendingu og flugtaki í fyrstu ferð easyJet frá Manchester til Akureyrar í vetur. Það er alltaf gaman að fylgjast með millilandavél á Akureyrarflugvelli og sérstaklega ánægjulegt að sjá Manchesterflugið hefjast á ný.
Beina flugið frá Akureyri til London Gatwick og Manchester skiptir miklu máli fyrir íbúa á Norður- og Austurlandi. Fyrir marga þýðir það styttri ferð að flugvellinum þegar haldið er utan og einfaldari heimferð. Um leið opnast fleiri möguleikar á áframhaldandi flugi frá Bretlandi. Þetta skiptir máli þegar fólk skipuleggur frí, heimsækir fjölskyldu eða þarf að ferðast vegna vinnu.
Það er jákvætt skref að Manchesterflugið var fært yfir á föstudaga og sunnudaga í vetur. Gatwick-flugið er á laugardögum og þriðjudögum eins og undanfarna vetur. Þannig flýgur easyJet til og frá Akureyri fjóra daga vikunnar. Það er mikil bót. Nú er til dæmis hægt að skreppa til Manchester yfir helgi og ferðast á milli Akureyrar og Bretlands um annan flugvöllinn á leiðinni út og hinn á leiðinni heim.
Fyrir ferðaþjónustuna á landsbyggðinni er ekki síður mikilvægt að gestir geti hafið Íslandsferðina á Akureyri. Þaðan geta þeir haldið áfram um Norðurland og austur á firði. Gestir sem koma um vetur skapa viðskipti hjá gististöðum, veitingahúsum, bílaleigum og fyrirtækjum sem bjóða upp á afþreyingu. Fleiri viðskiptavinir yfir vetrarmánuðina auðvelda fyrirtækjum að halda úti þjónustu og störfum allt árið.
Við Íslendingar höfum fjárfest í flugvöllum, vegum og öðrum innviðum víða um land. Þjóðhagslegi ábatinn af því að nýta þessa fjárfestingu betur er mikill. Með beinu flugi til Akureyrar gefum við fleirum kost á að ferðast um Norður- og Austurland utan háannatímans. Þannig geta tekjur af ferðaþjónustu dreifst betur um landið og yfir árið. Fyrir byggðarlögin skiptir sú dreifing máli, enda byggja mörg fyrirtæki afkomu sína að stórum hluta á fáum sumarmánuðum.
Það er því fullt tilefni til að fagna því þegar fyrsta vélin frá Manchester snertir brautina á Akureyri í upphafi vetrar. Ég læt bæði myndböndin fylgja svo þið getið séð lendinguna og flugtakið.
Allt Ísland – allt árið.
Með þvi að smella á slóðina hér fyrir neðan má horfa á myndbandið sem Njáll nefnir i skrifum hBA,
Nýjast
-
Minningardagur fórnarlamba bílslysa er í dag
Dagurinn er til að minnast þeirra sem látist hafa í umferðinni, leiða hugann að ábyrgð hvers og eins í umferðinni en ekki hvað síst að þakka þeim viðbragðsaðilum sem veita hjálp og björgun. Að þessu sinni er sérstök áhersla lögð á unga vegfarendur. -
Tíu milljarða halli
„Rekstrarstaða heilbrigðisstofnana á landsbyggðinni hefur sjaldan verið veikari.“ Þannig hefst minnisblað sem forstjórar sex heilbrigðisstofnana sendu fjárlaganefnd Alþingis í vikunni. Í vinnu okkar í nefndinni í haust við fjárlagafrumvarp ársins 2027 hefur komið skýrt fram hversu alvarleg staðan er. Áætlaður halli heilbrigðisstofnana á landsbyggðinni og Landspítala, ásamt því sem rekstur Sjúkrahússins á Akureyri stefnir fram úr upphaflegum fjárheimildum, nemur samtals rúmlega tíu milljörðum króna á þessu ári. -
Freyvangsleikhúsið Aðventuverkið Marísól og leitin að gleðinni
Freyvangsleikhúsið frumsýnir um aðra helgi, 20. nóvember, glænýtt íslenskt verk, Marísól og leitin að gleðinni. Verkið er eftir Jóhönnu S. Ingólfsdóttur og tónlistina samdi Eiríkur Bóasson sérstaklega fyrir þetta veri. -
Þjóðhagslegur ábati
Njáll Trausti Friðbertsson þingmaður Sjálfstæðisflokki veltir fyrir sér í grein sem hann skrifar á Facebookvegg sinn þjóðhagslegum ábata sem hann telur að felist í beinu flugi millilanda um Akureyrarflugvöll. Njáll veitti samþykki sitt fyrir þvi að skrif hans mætti birta á vef Vikublaðsins. -
Vinsælt verkstjóranámskeið Iðunnar haldið á Akureyri
Iðan fræðslusetur býður nú upp á námskeiðið Verkstjóri í iðnaði – ábyrgð og verksvið á Akureyri dagana 19. og 20. nóvember. Námskeiðið hefur áður verið haldið í Reykjavík við góðar undirtektir og færist nú norður til að mæta þörf fyrir öfluga stjórnenda- og leiðtogaþjálfun í iðnaði víðar um landið. -
Nýjar sjósundströppur í Hrísey
Framkvæmdum við nýjar sjósundströppur við Sæborgarfjöru í Hrísey er nú lokið. Aðeins merkingar eru eftir áður en aðstaðan er að fullu tilbúin. -
Mikilvægt að tryggja Brekkukoti aðstöðu til framtíðar
„Það er mikilvægt er að huga að framtíð Brekkukots og tryggja að starfsemin hafi til framtíðar aðstöðu sem hentar bæði þeim sem nýta þjónustuna og starfsfólkinu,“ segir Guðbjörg Anna Björnsdóttir formaður velferðarráðs Akureyrarbæjar. -
Betur fór en á horfði þegar Vilhelm Þorsteinsson EA losnaði frá bryggju í óveðrinu
Það gekk eitt og annað á í veðrinu í gærkvöldi, viðbragðsaðilar voru kallaðir út og höfðu í mörg horn að líta, enda veðrið snarklikkað satt best að segja. -
Þrengist um svigrúmið fyrir fleiri „síðustu sýningar“
„Þær eru orðnar ansi margar sýningarnar sem ég hef á liðnum árum kynnt sem mínar síðustu. Það hefur fram til þessa reynst fleipur eitt,“ segir Kristinn G. Jóhannsson sem opnar sýningu á nýjum verkum í Mjólkurbúðinni á laugardag. Tilefnið er níræðisafmæli sem hann fagnar 21. desember næstkomandi, á stysta degi ársins.“ Heiti sýningarinnarer Hlaðspretturinn, lokaspretturinn heim í hlað. „Mér sýnist að það fari að þrengjast svigrúmið til að halda fleiri „síðustu sýningar“ hjá mér og að ég standi nú loksins við stóru orðin.
