,,Þetta snýst þá bara um að fara rútuferð á fimmtudaginn”
Þórsarar létu sig ekki vanta á stórleikinn í kvöld. Myndir Þórir Tryggvason
Það var sannkölluð háspenna sem boðið var upp á í leik Þórs og Fjölnis í Íþróttahöllinni í kvöld. Tækist Þór að sigra væri sæti í Olis deild karla næsta keppnistímabil í höfn, færi Fjölnir með sigur þyrfti oddaleik n.k fimmtudag í Reykjavík.
Nokkuð skýrar línur sem sagt og heimamenn byrjuðu mun betur náðu góðri forustu 9 -2 mest. Á þessum kafla var það Kristján Páll markvörður Þórsara sem gjörsamlega lokaði markinu, hann varði ótrúlega og sóknarleikur Þórsara gekk á sama tima eins og vel smurð vél.
Áhyggjuefni var þó að á þessum umrædda kafla að Fjölnismenn voru að komast í afbragðsgóð færi aftur og aftur, Kristján sá við þeim en það er ekki hægt að halda slikum dampi heilan leik. Drengurinn lauk þó leiknumm með 40% markvörslu sem er gjörsamlega frábært. Hann hefur að minu mati dregið vagninn fyrir Þór í þessum leikjum.
Fjölnismenn söxuðu á forskot heimamanna og í hálfleik var forustan aðeins eitt mark 11-10. Vörn og markvarsla Fjölnismanna varð betri og betri og eftir 7 min. leik í seinni hálfleik náðu þeir forustu sem þeir héldu út leikinn og hrósuðu sigri fyrir rest 26 – 22.
Lengst af var munurinn aðeins þetta 1- 2 mörk og sá sem þetta skrifar bjóst alltaf við að Þórsarar kæmu með áhlaupið sem þurfti en það kom ekki í kvöld.
Það er þvi hreinn úrslitaleikur um sætið meðal þeirra bestu n.k fimmtudagskvöld í Íþróttahúsinu í Grafavogi heimavelli Fjölnismanna.
Áður hef ég skrifa um framistöðu Kristjáns Páls í markinu, hann var að minu mati langbesti maður Þórs í kvöld. Brynjar Hólm, var góður eins og vant er, hann skoraði fimm mörk, eins gerði Arnór Þorsteinsson en Aron Hólm Kristjánsson skoraði sex mörk og var markahæstur heimamanna.
Tap niðurstaðan en ekki stoðar að dvelja lengið þar, það er einn leikur eftir, leikur sem allir íþróttamenn vilja fá að taka þátt í úrslitaleikur. allt eða ekkert!
Ef ég má dæma út frá leikjum fjórum sem liðin hafa leikið í þessari rimmu er Þórsliðið sterkara og ef ég stundaði veðmál setti ég mitt á þá.
Þáttur áhorfenda
Ekki verður um þennan leik fjallað án þess að geta um stórkostlega áhorfendur sem svo sannarlega létu sig ekki vanta í kvöld og studdu heimamenn frábærlega vel.
Fyrirsögnin hér að ofan er einmitt bein tilvitnum í orð eins af þessum mögnuðu stuðningsmönnum en hann heyrðist tauta ,,Þetta snýst þá bara um að fara rútuferð á fimmtudaginn”
Það var ekkert gefið eftir á fjölum Íþróttahallarinnar i leik Þórs og Fjölnis i kvöld
Nýjast
-
Bergur Þór Ingólfsson er nýr leikhússtjóri hjá LA
Bergur Þór Ingólfsson er nýr leikhússtjóri Leikfélags Akureyrar. Bergur Þór tekur við af Mörtu Nordal sem hefur gengt starfinu síðustu í sex árin. -
Kylfingar geta tekið gleði sína, Jaðarsvöllur opnar n.k. þriðjudag
Kylfingar á Akureyri geta nú heldur betur tekið gleði sína því stefnt er að þvi að opna Jaðarsvöll n.k þriðjudag samkvæmt þvi sem segir á heimasíðu Golfklúbbs Akureyrar. -
Viðræður eru hafnar um hugsanlegan samruna Samkaupa, Heimkaupa og Orkunnar
Frá þessu segir í tilkynningu frá Samkaupum en þar sem kemur fram að s.l. mánuði hafi Samkaup hf. og Skel fjárfestingarfélag rætt um kosti og galla hugsanlegan samruna fyrirtækjanna. -
Félagslegt húsnæði í Grímsey Ekkert til fyrirstöðu að selja
Velferðarráð Akureyrarbæjar sér ekkert því til fyrirstöðu að húsnæði í eigu bæjarins verði selt. -
25 ár frá sameiningu Einingar og Iðju
Í dag, 15. maí, eru liðin 25 ár síðan formlega var gengið frá samruna Verkalýðsfélagsins Einingar og Iðju, félags verksmiðjufólks á Akureyri. Þótt þetta sameinaða félag eigi sér þannig séð ekki langa sögu stendur það á gömlum merg því félögin eiga sér hvort um sig langa og merka sögu í baráttu verkafólks fyrir réttindum sínum. Sögu Iðju má rekja allt aftur til ársins 1936 og er stofndagur félagsins talinn 29. mars það ár. Verkalýðsfélagið Eining varð til 10. febrúar 1963 með sameiningu Verkakvennafélagsins Einingar og Verkamannafélags Akureyrarkaupstaðar. Rætur Einingar ná þó mun lengra aftur og má segja að fyrsta fræinu hafi verið sáð árið 1894 þegar Verkamannafélag Akureyrarkaupstaðar, hið eldra, var stofnað. -
Buðu upp á bakkelsi frá Suður-Ameríku
Andressa Andrade E. Andrade, Celimar Yerlin Gamboa Maturet, Feiruz Nasser Morabito, Haysmar Ledosvkaya Rangel Blanco og Fiora Alessa Pacini Barragán eru í hópi nemenda af erlendum uppruna sem hafa stundað nám í VMA í vetur, m.a. lagt stund á nám í íslensku sem öðru máli. -
Knattsp.deild KA dæmd til að greiða fyrrverandi þjálfara sínum tæpar ellefu milljónir
Knattspyrnudeild KA var í dag dæmd í Héraðsdómi Norðurlands eystra til að greiða fyrrum þjálfara sínum 8,8 milljónir króna auk dráttarvaxta frá 5 nóvember 2023 vegna ágreinings aðila um túlkun á bónusgreiðslum til handa þjálfarans. KA er einning gert að greiða málskostnað þjálfarans fyrrverandi. Aðspurður sagði Hjörvar Maronsson formaður knd KA að verið væri að fara yfir dóminn og vildi að öðru leyti ekki tjá sig um næstu skref. -
Almenn bjartsýni í ferðaþjónustu á Húsavík
Vikan fór af stað með brakandi blíðu á Húsavík og við það vaknaði ferðaþjónustan til lífsins en þrátt fyrir áskoranir sem blasa við vegna jarðhræringa á Reykjanesi, verðbólgu og hárra vaxta er jákvæðni og bjartsýn ríkjandi í greininni. -
Nýsköpun: Tækifæri og áskoranir þema Sjónaukans í ár
Það má búast við lífi og fjöri í Háskólanum á Akureyri í næstu viku þegar Sjónaukinn, árleg ráðstefna Heilbrigðis-, viðskipta- og raunvísindasviðs HA fer fram dagana 15. og 16. maí. Ráðstefnan hefst klukkan 9 báða dagana og fer fram bæði á íslensku og ensku. Öll eru velkomin til þess að taka þátt á staðnum eða í streymi. Venju samkvæmt er dagskráin metnaðarfull og fjölbreytt með fjölda málstofa auk pallborðsumræðna sem endurspegla þema ráðstefnunnar í ár sem er Nýsköpun: Tækifæri og áskoranir.
Athugasemdir