Þankastrik Jóa: Kynferðisleg aflandsfélög
Það væri ekki ónýtt að eiga aur þarna, nú eða bara einhversstaðar...
Æ, æ. Maður er alveg miður sín eftir að hafa horft á Kastljós áðan. Fyrst og fremst vegna þess að það var útilokað að botna baun í hvað allt þetta fólk var að gera með því að stofna öll þessi félög án þess að leggja í þau eina einustu krónu og án þess að græða nokkurn skapaðan hlut á því. Þetta hlýtur bara að vera eitthvað kynferðislegt, að menn fái einhverskonar fullnægingu með því að að stofna gjörsamlega tilgangslaus félög út um lönd og álfur. Ég meina, ef þetta snýst ekki um hagnað, sem allir jú afneita, hvað þá?
Svo er maður náttúrlega miður sín yfir öllu því góða fólki, sem maður þekkir og veit því að er raunverulega gott fólk, en hefur lent í þeim hörmungum að eignast peninga - og verður þar með sjálfkrafa leiksoppar eða ginningarfífl gráðugra bankamanna. Og ég er alveg klár á því að ef ég hefði verið svo óheppinn að eignast peninga, þá hefði hvaða bankabanditt sem er getað spilað með mig til að stofna reikninga á annesjum og eyjum út um veröld víða. Þeir heilögu eru nefnilega aldrei betri en þeir bersyndugu - þetta er bara spurning um aðstöðumum.
En, auðvitað huggun harmi gegn að maður verður bara sífellt sáttari við eigið hlutskipti og einföldu ökonómíu, í ljósi þessara frétta af endalausu vafningaveseni og áhyggjum auðugra af öllum þessum bankareikningum sem þeir vita ekki einu sinni hvort þeir hafa stofnað eða þá til hvers og hvort þeir hafa grætt á þeim eða tapað.
Nei, þá er nú betra að geta bara glaðst alla þá daga þegar maður á fyrir mat, húsaleigunni, bensíni, tóbaki, afmælisgjöfum til barnabarna – og góðar horfur eru á að maður geti líka borgað 10 þúsund kall inn á skuldina við bifreiðaverkstæðið – í næsta mánuði.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.