Þankar gamals Eyrarpúka
Raggi í kerrunni Teiking ISv.
Sjálfsbjargarviðleitni var í hávegum höfð hjá okkur strákunum á Eyrinni um miðja síðustu öld. Við biðum ekki eftir því að bálkestir yrðu hlaðnir fyrir gamlárskvöld heldur hlóðum þá sjálfir, við biðum ekki eftir að fá vopn og verjur að gjöf heldur smíðuðum þau sjálfir og við biðum heldur ekki eftir að bærinn opnaði fótboltavelli handa okkur en gerðum þá sjálfir.
Nyrst á sléttri grasflötinni fyrir neðan Ægisgötuna tókum við blett traustataki fyrir fótboltavöll. Ekki þótti ástæða til að spyrja nokkurn í bæjarkerfinu um slíkt landnám og sluppum þess vegna við að bíða eftir svari og gátum þegar hafist handa. Fórum umsvifalaust í hjallana og fundum álitlega staura sem við drógum á fyrirheitna fótboltasvæðið. Þar voru þeir sagaðir niður í nokkra búta eftir vísindalegum útreikningum. Óðar var fyrra markið byggt upp með netum sem fengust með „hirðusemi” við nótagerðarhúsið. Síðara markið var nokkru ofar á svæðinu. Þá var ekki annað eftir en að merkja völlinn með salti úr saltfiskvinnslunni rétt fyrir neðan. Og sjá: Þarna var kominn fínasti fótboltavöllur með tveimur mörkum sem var í notkun alla daga frá morgni til kvölds því strákar komu, fóru síðan og aðrir komu í staðinn. Alltaf eitthvað um að vera á vellinum góða. Fótabúnaður okkar var langoftast venjulegir gúmmískór enda engin ástæða til að skipta um skó þó farið væri í fótbolta.
Boltarnir sjálfir þurftu að þola endalaus spörk og miklar þjáningar og létu stundum verulega á sjá. Þá þurfti að fara með þá alla leið suður í Strandgötu til Halldórs söðlasmiðs sem tók okkur alltaf vel. Hann bætti illa farna boltana okkar og lagaði, smurði og sagði: „Strákar mínir, þið verðið að fara vel með leðrið, það er lifandi og viðkvæmt.” Svo þegar spurt var hvað þetta kostaði þá ansaði hann ekki því tali. Eins gott því við áttum ekki krónu en við áttum sannarlega góðan vin þar sem Halldór söðla var.
Á þessum árum fól mamma mér það ábyrgðarstarf að passa Ragga yngri bróður sem þennan dag var vandlega pakkaður niður í kerru enda tiltölulega meðfærilegur á þeim árum. Eitt sinn geymdi ég hann á bak við austara markið meðan við strákarnir ærsluðumst í leiknum. Svo fór ég skyndilega heim í mjólk og kleinur en mamma spurði hvar barnið væri. Ég rauk upp og sagði: „Hann er á bak við markið.” Þaut svo í skelfingu austur á tún þar sem kerran var ein og yfirgefin á sínum stað. Sem betur fer var drengurinn þarna enn sultu slakur. Af ummerkjum að dæma höfðu kýrnar á túninu heimsótt bróður þar sem hann sat í einstæðingsskap sínum og slefuðu yfir hann en gerðu honum ekkert mein. Þær sáu í hendi sér að hann var sakleysið sjálft og sneru sér því aftur að grasinu græna. Engu að síður höfðu þær auga með drengnum og vonuðu að einhver hirti um hann fljótlega vitandi að þær gætu ekki staðið vaktina lengur en fram að mjöltum. Kýrnar vörpuðu því öndinni léttar þegar ykkar einlægur kom í loftköstum á svæðið og dreif sig síðan heim með kerruna og innihaldið.
Nýjast
-
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja.
Athugasemdir