ÞANKAR GAMALS EYRARPÚKA
Barátta íslensku þjóðarinnar fyrir réttlæti og sjálfstæði fólst lengst af í því að berjast gegn áhrifum Dana og annarra útlendinga sem gerðu sig oft á árum áður seka um kúgun og yfirgang af ýmsu tagi. Réttlætisbaráttan fór víða fram og lögðu stjórnmálamenn, listamenn og almenningur sitt fram til að ná því markmiði að allir landsmenn byggju við frelsi og jafnrétti. Þessi sjálfbjargarviðleitni teygði sig allar götur til Barnaskólans á Akureyri um miðja síðustu öld þegar sviðsett var á barnaskemmtun skólans hið dramatíska leikrit Eiríks Sigurðssonar yfirkennara Margrét á Möðruvöllum. Þetta var lýsing á voðaatburðum á 15. öld sem enduðu með því að Jóni Gerrekssyni, erlenda biskupnum í Skálholti, var drekkt í Brúará og sveinar hans strádrepnir hvar sem til þeirra náðist. Allt var þetta gert að áeggjan Margrétar og hennar manna en sjálf hafði hún hrökklast norður í land undan ofsóknum útlendinganna í Skálholti. Hún varð því goðsögn í lifanda lífi og litu landsmenn á hana sem sannkallaða frelsishetju. Svo mikið var lagt í þessa leiksýningu fyrir börnin að leikarinn og rakarinn Jón Kristinsson var fenginn til að stýra uppsetningunni og gera hana sem allra glæsilegasta fyrir nemendur skólans og gesti hans. Sjálfur lék ykkar einlægur mesta skúrkinn, Magnús biskupssvein, sem hlaut makleg málagjöld. Þarna kynntist ég Jóni rakara fyrst en síðar lágu leiðir okkar saman og var hann með athyglisverðari mönnum sem ég hef hitt á lífsleiðinni.
Svo merkilegt sem það kann að virðast, verður Jóns Kristinssonar minnst í Íslandssögunni á svipaðan hátt og Margrétar á Möðruvöllum – frelsishetjunni sjálfri.
Þannig háttaði til að mörgum árum eftir uppsetningu leikritsins góða var Jón kominn í sömu aðstöðu og Margrét á sínum tíma, en í þetta skipti gagnvart ósveigjanlegum innlendum yfirvöldum. Hann var ákærður fyrir að hafa ekki stöðvað bíl sinn á gatnamótum þar sem var stöðvunarskylda; sagðist Jón hins vegar hafa stoppað farartæki sitt reglum samkvæmt og hélt uppi drengilegri vörn í héraðsdómi. Auk þess benti hann á að sama embættið væri bæði að rannsaka málið og dæma í því. Slíkt gæti ekki staðist og vitnaði til alþjóða skuldbindinga sem Ísland væri aðili að og gerðu kröfu um skýran aðskilnað dóms- og framkvæmdavalds. Ekkert var hlustað á röksemdir Jóns og íslenskir dómstólar sameinuðust um að dæma hann sekan. Okkar maður gaf sig ekki frekar en Margrét á sínum tíma og áfrýjaði málinu til Mannréttindadómstóls Evrópu. Hann þurfti ekki að safna liði og fara með vopnum að andstæðingum sínum, drepa þá og drekkja eftir því sem hentaði hverju sinni. Nei, hann nýtti sér rétt sinn, rétt sem er afrakstur farsæls og gefandi Evrópusamstarfs. Ekki er að orðlengja það en Jón hafði að lokum fullnaðarsigur gagnvart innlenda yfirvaldinu. Þess vegna var ekki undan því vikist að færa þennan þátt rannsóknar- og dómsvaldsins undir sömu reglur og siðaðar þjóðir höfðu gert fyrir löngu. Hvorki íslenskir embættis- eða stjórnmálamenn höfðu haft döngun í sér hvað þá kjark til að standa með almenningi í þessu grundvallar mannréttindamáli.
Nei, það var einbeittur og heiðarlegur rakari að norðan sem kom þessu réttlætismáli í gegn með fulltingi að utan.
Nýjast
-
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja.
Athugasemdir