„Það hlýtur að vera fyrir smurninguna“
Ingólfur Sverrisson skrifar
Allt frá sjö ára aldri gekk ykkar einlægur einn og óstuddur sérhvern hvunndag úr Ránargötunni yfir Eiðsvöllinn, sem þá var eitt drullusvað, áfram fram hjá Stjánakofa þar sem nú er Ráðhúsið og í gegnum miðbæinn með alla sína umferð. Síðan upp kirkjutröppurnar og að Barnaskólanum fyrir ofan kirkjuna. Þessi gönguferð tók tuttugu og eina mínútu og lengur ef eitthvað nýtt var að sjá í búðargluggum í miðbænum. Öll börn bæjarins sóttu þennan eina skóla og því var þröngt á þingi og mikið fjör þegar við söfnuðumst saman fyrir neðan tröppurnar við aðalinnganginn. Svo komu Eiríkur Stefánsson kennari eða nafni hans Sigurðsson út á tröppurnar með stóru skólabjölluna og hringdu henni hvor á sinn hátt. Sá fyrrnefndi hélt fast um skaftið með báðum höndum fyrir framan brjóstkassann og sveiflaði bjöllunni af miklum krafti upp og niður svo hún bókstaflega öskraði á okkur krakkana að fylkja umsvifalaust liði fyrir framan tröppurnar. Eiríkur yfirkennari hélt hins vegar á bjöllunni stóru í annarri hendi og dinglaði henni fram og aftur í miklum sveiflum. Sjálfur hafði ég áhyggjur af því að hann myndi missa skólabjölluna úr hendi sér og hún svífa út í loftið og skella á okkur sem stóðum þarna í röðum. Úr því gæti orðið alvarlegt slys með ófyrirsjáanlegum afleiðingum. En allt slapp þetta til og við komumst ávallt heil og ósködduð inn í okkar góðu skólastofur!
Þar voru okkar frábæru kennarar og fræddu liðið og þjálfaði í lestri, skrift og reikningi auk þess að kynna okkur ýmislegt um fjölmarga leyndardóma lífsins. Minnist þess gjörla þegar Lilja Sigurðardóttir kennari talaði af mikilli innlifun um allt það undur skaparans sem mannslíkaminn er. Benti á að þar væri því svo haganlega fyrir komið að allir liðir mannslíkamans væru sjálfsmurðir öfugt við vélar og tæki sem þyrftu göt og ventla hér og þar til að koma smurningu á sinn stað. Í framhaldinu ræddi hún um höfuðið og hálsinn og spurði hvort einhver vissi um tilgang stóra gatsins fyrir neðan hnakkann. Þá svaraði Haddó (Hallgrímur Arason) að bragði: “Það hlýtur að vera fyrir smurninguna.” Hló þá allur bekkurinn og Lilja svo dátt að undir tók.
Björgvin Jörgensson tónlistarkennari var merkur maður fyrir margra hluta sakir. Auk þess að vera afbragðs kennari á sínu sviði og söngstjóri í fremstu röð þá þræddi hann einn kennara stíg með okkur nemendum sem aðrir veigruðu sér við að feta. Þessi sérstaða hans fólst í því að fjalla öðru hvoru í söngtímum um kynlíf og hvað biði þegar sá hluti tilverunnar rynni upp í lífi okkar. Þetta gerði hann af mikilli þekkingu og virðingu fyrir þessum viðkvæma þætti mannlífsins; upplýsti okkur um fjölmargt sem fáir fullorðnir orðuðu við börn á þeim tímum. Svaraði aukin heldur spurningum okkar af yfirvegun sem við kunnum vel að meta enda mátti heyra saumnál detta þegar Björgvin ræddi þessi mál. Svo héldum við bara áfram að syngja af hjartans list.
Þannig var þessi góði skóli farsæl blanda fróðleiks, gleði og góðs samfélags. Því er ekki að undra að hann var oft kallaður Barnaskóli Íslands.
Ingólfur Sverrisson
Nýjast
-
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi. -
Hörður Óskarsson styrkir Krabbameinsfélagið
Hörður Óskarsson færði Krabbameinsfélagi Akureyrar og nágrennis ríflega hálfa milljón króna sem er andvirði af sölu á skarti úr gamalli mynt sem hann selur undir nafninu Mynthringir og alls konar. -
Háskólinn á Akureyri Endurskoðun jafnréttisáætlunar í fullum gangi
Um þessar mundir stendur yfir endurskoðun á áætlun háskólans um jafna stöðu kynjanna sem gildir frá 2021 til 2024 og jafnréttisráð Háskólans á Akureyri stendur að þeirri vinnu. Jafnréttisráð HA er öflugt og virkt ráð sem heldur reglulega fundi og tekur fyrir og fylgir eftir erindum starfsfólks og stúdenta. Þá er boðið upp á fræðslu innan skólans ásamt þátttöku í skipulagi Jafnréttisdaga sem haldnir eru árlega. Ráðið hefur starfskraft á sínum snærum, Sæunni Gísladóttur, sérfræðing hjá Rannsóknamiðstöð Háskóla Akureyrar. -
Andrésar andarleikarnir haldnir í 48 sinn
Andrésar andarleikarnir í skíðaíþróttum verða haldnir í Hlíðarfjalli í næstu viku, dagana 24.-27. apríl. Skíðafélag Akureyrar heldur leikana og er þetta í 48. sinn sem efnt er til þeirra. -
Stöðug aukning í blóð- og krabbameinsmeðferðum hjá SAk
Krabbameinsfélag Akureyrar og nágrennis afhenti formlega á dögunum almennu göngudeildinni á SAk þrjá meðferðarstóla og þrjú hliðarborð. Mikil aukning hefur orðið í blóð- og krabbameinsmeðferðum undanfarin ár og stefnir í að svo verði áfram. -
Formannaskipti í Sjálfsbjörg, félagi fatlaðara á Akureyri og nágrenni
Formannaskipti urðu í Sjálfsbjörg, félagið fatlaðra á Akureyri og nágrenni á aðalfundi nýverið. Herdís Ingvadóttir lét af formennsku eftir 24 ár. Hún getur að sögn gengið stolt frá borði eftir farsæla setu í stól formanns. Hún hafði um 6 ára skeið þar á undan setið í stjórn félagsins eða í allt í þrjá áratugi.
Athugasemdir