Tap hjá handknattleiksliði Akureyrar fyrsta leik
Akureyri tapaði sínum fyrsta leik í N1 deildinni í handbolta gegn FH í Höllinni á Akureyri nú í kvöld. Lokatölur urðu 31-26 fyrir FH en sú niðurstaða gefur ekki rétta mynd af leiknum.
Frábær stemmning var í Höllinni og stúkan sem rúmar rúmlega 600 manns í sæti var nær full. Greinilegt er að mikill meðbyr er með Akureyrarliðinu um þessar mundir og vonandi að framhald verði á þrátt fyrir vonbrigði í fyrsta leik.
Mikil taugaspenna virtist vera í liði Akureyrar í byrjun leiks því FH-ingar voru sterkari fyrstu mínúturnar og höfðu yfir 6-2 eftir 10 mín. leik. Smán saman vöknuðu Akureyringar til lífsins og unnu sig inn í leikinn. Jónatan Magnússon, langbesti leikmaður Akureyrar í leiknum skoraði svo síðasta mark hálfleiksins og kom Akureyri yfir 14-13.
Lengi framan af seinni hálfleik virtist einungis vera spurning um hvenær Akureyri næði þriggja marka forystu. Liðið hafði yfir 22-20 þegar 15 mín. voru eftir en þá fór að halla undan fæti. Jónatan Magnússon kom Akureyri yfir 26-25 þegar um 6 mínútur voru til leiksloka en eftir fylgdi hreint út sagt skelfilegur leikkafli. FH skoraði sex síðustu mörk leiksins og innbyrti sigur 31-25.
Ásamt Jónatan átti Árni Sigtryggsson góðan leik hjá Akureyri en því miður náðu flestir hinna leikmannanna sér ekki almennilega á strik. Árni var mjög vonsvikinn í leikslok: ,,Þetta voru gríðarleg vonbrigði í kvöld það er óhætt að segja það. Það sem klikkar hjá okkur er augljóslega það að við skorum ekki mark síðustu sex mínútur leiksins. Stemmningin var frábær og þess vegna var alveg hundfúlt að tapa þessu, við ætluðum að vinna til að fá þetta fólk aftur í Höllina. Ég vona að fólk gefi okkur annað rækifæri, við svíkjum það ekki þá. Þetta var mikil skemmtun og mikilvægt fyrir okkur að fá svona góðan stuðning og mér þykir mjög leitt hvernig þetta fór."Mörk Akureyrar: Jónatan Magnússon 13 (7 úr vítum), Árni Sigtryggsson 6, Andri Snær Stefánsson 2, Hörður Fannar Sigþórsson 2, Rúnar Sigtryggsson 2, Þorvaldur Þorvaldsson 1. Hafþór Einarsson varði 13 skot.
Nýjast
-
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."