Tækniháskóli á Akureyri
Það er oft vísað til þess að Akureyri sé iðnaðarbær og skólabær. Iðnfyrirtækin sem eitt sinn voru rekin á Akureyri eru nú flest horfin í þeirri mynd sem þau voru og ný tekin við á þeim grunni.
Í eina tíð voru flest störf í iðnaði fyrir verkafólk, en nú kallar iðnaður í vaxandi mæli á tæknimenntað fólk og framþróun ræðst að miklu leyti af aukinni tækniþekkingu. Verkmenntaskólinn á Akureyri hefur menntað stóran hluta af því starfsfólki sem nú sinnir störfum í iðnfyrirtækjum bæjarins og Háskólinn á Akureyri hefur aukið menntunarstig á svæðinu, atvinnulífinu til góða á sumum sviðum. Hlutverk VMA hefur verið afar mikilvægt fyrir atvinnulífið og skólinn hefur náð góðum árangri síðustu ár við að efla samstarfið við atvinnulífið. Rökrétt framhald af því er að hefja tækninám á háskólastigi á Akureyri.
Tækninám á háskólastigi getur byggt á grunni MA, VMA og Háskólans á Akureyri. Í þessum skólum er samankomin mikil þekking og reynsla og því er skrefið kannski ekki eins stórt og margir gætu haldið.
Nauðsynlegur grunnur undir öflugt atvinnulíf á Akureyri
Tækniháskóli myndi efla fyrirtækin hér í bænum og stuðla að frekari nýsköpun og frumkvöðlastarfi og þar með fleiri hálaunastörfum sem nauðsynleg eru inn í samfélagið okkar. Aukinn aðgangur að góðu vel menntuðu starfsfólki getur orðið lyftistöng fyrir atvinnulífið á Akureyri og samvinna atvinnulífsins og skólanna er nauðsynleg til verkefnið gangi upp. Í framhaldsskólum er afar gott iðn- og tækninám og nemendur úr þeim greinum bíða eftir námstækifærum sem taka við að loknu námi í framhaldsskóla. Við verðum að fara að átta okkur á því að flestar iðnnámsbrautir eru ekkert síðri undirbúningur fyrir háskólanám en bóknámsbrautirnar, sérstaklega fyrir þá einstaklinga sem stefna á tækninám. Á hátíðarstundum er talað um eflingu iðn- og tæknináms en það fylgir sjaldan því hvað það þýðir. Fyrir einstaklingana þýðir það oft á tíðum góð störf þar sem eftirspurn er eftir góðu og vel menntuðum fagfólki en háskólarnir eiga líka að líta á þessa fagmenntun sem eftirsóknarverða inn í háskólanám.
Það er verkefni bæjarstjórnar á Akureyri að vinna að vexti og viðgangi öflugs atvinnulífs en einnig að reyna að tengja þessa tvo sterku stofna saman; HA og atvinnulífið. Fyrirtækin eiga það fyllilega skilið að við sem verðum kjörin í bæjarstjórn búum þeim þannig umhverfi að þau geti áfram vaxið og dafnað okkur öllum til hagsbóta. Það er eitt af mikilvægustu verkefnum bæjarstjórnar á komandi kjörtímabili.
Öflugt tækninám á háskólastigi á Akureyri mun efla bæinn okkar alveg eins og tilkoma HA breytti fagmennsku innan heilbrigðisstofnanna og skólanna hér á Akureyri á sínum tíma.
Sigríður Huld Jónsdóttir er aðstoðarskólameistari VMA og skipar annað sæti á lista Samfylkingarinnar á Akureyri.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.