Sviðslistahópurinn Hnoðri í norðri sýnir íslenska öróperu í grunnskólum
„Það er alveg ótrúlega gaman og gefandi að fara á milli skóla og sýna, kynnast nýjum stöðum og stemningunni og andanum í mismunandi skólum,“ segir Erla Dóra Vogler, ein úr sviðslistahópnum Hoðri í Norðri. Hópurinn hefur sýnt nýja íslenska öróperu - Skoffín og skringilmenni í grunnskólum á Norðurlandi eystra. Sýningar urðu 17 talsins í 21 skóla og sáu hátt í 1.200 börn í 5. til 7. bekk þessa sýningu.
Erla Dóra segir að áhorfendur séu allt frá því að vera 10 til 20 krakkar á sýningu og upp í um 150 þar sem flestir eru, en skólarnir séu misstórir og í sumum tilvikum sameinast skólar um sýningu.
Álfar, draugar ástir og svik
Skoffín og skringilmenni er ópera um álfa, drauga og tónlistarkennara, ástir, svik og fleira krassandi - og er sprengfull af góðri tónlist. Persónur í óperunni eru Ólafur tónlistarkennari, Skotta draugur, Hulda álfkona, Veggja-Sleggja útburður og Ólöf húsvörður.
Óperan er eftir Þórunni Guðmundsdóttur, leikstjóri og leikmyndahönnuður er Jenný Lára Arnórsdóttir og búningahönnuður Björg Marta Gunnarsdóttir. Flytjendur eru Jón Þorsteinn Reynisson harmonikkuleikari og nýr stjórnandi Karlakórsins Heimis og söngkonurnar Björk Níelsdóttir og Erla Dóra Vogler.
Krakkarnir taka okkur vel
„Krakkarnir hafa tekið okkur mjög vel. Þetta er í fyrsta skiptið sem langflest sjá óperusýningu á sviði og það er mjög gott að fyrstu almennilegu kynni þeirra af þessu listformi séu af verki á íslensku, með grípandi lögum og skemmtilegum texta, og þar tekst Þórunni tónlistar- og textahöfundi einstaklega vel upp að vanda,“ segir Erla Dóra.
Það var talsverð keyrsla á okkur flytjendum og við erum oft meira eða minna búin á því í dagslok, en þetta er rosalega skemmtilegt engu að síður og auðvitað var þetta tímabundið,“ segir hún er hópurinn þeyttist á milli grunnskóla í 6 daga og byrjaði snemma að morgni.
Eyrarrós fyrir Aðventuævintýri
Þetta er önnur sýning Hnoðra í norðri, en fyrir fyrstu sýningu sína, Ævintýri á aðventu, hlaut hópurinn Hvatningarverðlaun Eyrarrósarinnar fyrir framlag sitt til menningar á landsbyggðinni. Ævintýri á aðventu var sýnd í nær öllum skólum frá Vopnafirði til Hvammstanga fyrir jólin 2022 í samstarfi við List fyrir alla og með hjálp góðra styrkja og aftur fyrir síðustu jól hjá Handbendi á Hvammstanga, á lokuðum sýningum í Salnum Kópavogi og í Samkomuhúsinu í samstarfi við MAk, Auk þess var Hnoðra boðið að taka þátt í barnasviðslistahátíðinni Bitolino í Bitola í Norður Makedóníu sl. sumar.
Nýjast
-
Kirkjugarðar Akureyrar í rekstrar vanda og næsta skref að loka líkhúsinu
„Hvað verður um líkin?“ er spurning sem Akureyringar og nærsveitarmenn velta fyrir sér þessa dagana, en Kirkjugarðar Akureyrar sem reka líkhús og kapellu á Naustahöfða eru í rekstravanda vegna fjárskorts. Kirkjugörðunum er óheimilt að innheimta þjónustugjald vegna starfsemi líkhúsanna. Einkaaðilar gætu innheimt slíka gjöld en fáir hafa áhuga á að reka líkhús hér á Akureyri. Engin leið önnur er út úr vandanum nema sú að hætta rekstri líkhússins. Stefnir í að skellt verði í lás grípi Alþingi ekki í taumana á vorþingi og geri Kirkjugörðum heimilt að innheimta þjónustugjaldið eða leggja til fjármagn til starfseminnar. -
Fann sig í sálfræði og flýgur nú út í frekara nám
Þegar Emma var ung ætlaði hún að verða læknir eins og langafi. Í menntaskóla áttaði hún sig á því að líffræði væri alls ekki fag sem hún hafði gaman af og þá læknisfræðin ekki það sem fyrir henni lægi. Emma hafði hins vegar mjög gaman af sálfræðinni og eftir einn tímann kom kennarinn upp að Emmu, tjáði henni hversu efnileg hún væri á því sviði og fékk hana til að íhuga frekara nám í fræðunum. -
Bergur Þór Ingólfsson er nýr leikhússtjóri hjá LA
Bergur Þór Ingólfsson er nýr leikhússtjóri Leikfélags Akureyrar. Bergur Þór tekur við af Mörtu Nordal sem hefur gengt starfinu síðustu í sex árin. -
Kylfingar geta tekið gleði sína, Jaðarsvöllur opnar n.k. þriðjudag
Kylfingar á Akureyri geta nú heldur betur tekið gleði sína því stefnt er að þvi að opna Jaðarsvöll n.k þriðjudag samkvæmt þvi sem segir á heimasíðu Golfklúbbs Akureyrar. -
Viðræður eru hafnar um hugsanlegan samruna Samkaupa, Heimkaupa og Orkunnar
Frá þessu segir í tilkynningu frá Samkaupum en þar sem kemur fram að s.l. mánuði hafi Samkaup hf. og Skel fjárfestingarfélag rætt um kosti og galla hugsanlegan samruna fyrirtækjanna. -
Félagslegt húsnæði í Grímsey Ekkert til fyrirstöðu að selja
Velferðarráð Akureyrarbæjar sér ekkert því til fyrirstöðu að húsnæði í eigu bæjarins verði selt. -
25 ár frá sameiningu Einingar og Iðju
Í dag, 15. maí, eru liðin 25 ár síðan formlega var gengið frá samruna Verkalýðsfélagsins Einingar og Iðju, félags verksmiðjufólks á Akureyri. Þótt þetta sameinaða félag eigi sér þannig séð ekki langa sögu stendur það á gömlum merg því félögin eiga sér hvort um sig langa og merka sögu í baráttu verkafólks fyrir réttindum sínum. Sögu Iðju má rekja allt aftur til ársins 1936 og er stofndagur félagsins talinn 29. mars það ár. Verkalýðsfélagið Eining varð til 10. febrúar 1963 með sameiningu Verkakvennafélagsins Einingar og Verkamannafélags Akureyrarkaupstaðar. Rætur Einingar ná þó mun lengra aftur og má segja að fyrsta fræinu hafi verið sáð árið 1894 þegar Verkamannafélag Akureyrarkaupstaðar, hið eldra, var stofnað. -
Buðu upp á bakkelsi frá Suður-Ameríku
Andressa Andrade E. Andrade, Celimar Yerlin Gamboa Maturet, Feiruz Nasser Morabito, Haysmar Ledosvkaya Rangel Blanco og Fiora Alessa Pacini Barragán eru í hópi nemenda af erlendum uppruna sem hafa stundað nám í VMA í vetur, m.a. lagt stund á nám í íslensku sem öðru máli. -
Knattsp.deild KA dæmd til að greiða fyrrverandi þjálfara sínum tæpar ellefu milljónir
Knattspyrnudeild KA var í dag dæmd í Héraðsdómi Norðurlands eystra til að greiða fyrrum þjálfara sínum 8,8 milljónir króna auk dráttarvaxta frá 5 nóvember 2023 vegna ágreinings aðila um túlkun á bónusgreiðslum til handa þjálfarans. KA er einning gert að greiða málskostnað þjálfarans fyrrverandi. Aðspurður sagði Hjörvar Maronsson formaður knd KA að verið væri að fara yfir dóminn og vildi að öðru leyti ekki tjá sig um næstu skref.
Athugasemdir