Sveitarstjóri Norðurþings má stundum vera bæjarstjóri Húsavíkur
Bjarni Aðalgeirsson, fyrrverandi bæjarstjóri á Húsavík og sveitarstjóri á Þórshöfn. Og Kristján Þór Magnússon, áður bæjarstjóri og nú sveitarstjóri Norðurþings - og bæjarstjóri Húsavíkur við sérstök tækifæri. Mynd: JS
Eftir að innanríkisráðuneytið staðfesti nýjar samþykktir fyrir sveitarfélagið Norðurþing, þá verður bæjarstjórn Norðurþings aftur orðin sveitarstjórn og þar með bæjarstjóri Norðurþings sveitarstjóri á ný. Á síðasta kjörtímabili hafði sveitarstjórn verið breytt í bæjarstjórn og Bergur Elías, fyrrum titlaður sveitarstjóri varð bæjarstjóri. Þetta vakti nokkra óánægju, ekki síst í dreifbýli í Norðurþingi, t.d. komu athugasemdir bæði úr Kelduhverfi og Reykjahverfi þar sem mönnum þótti sérkennilegt að einhver bæjarstjóri væri þar orðinn þeirra æðsta stjórnvald. Þess vegna m.a. ákvað nýkjörin sveitarstjórn eftir síðustu kosningar að breyta titlum til fyrra horfs og það hefur tekið tímann sinn.
„Hinsvegar settum við inn í nýju samþykktirnar nú nokkuð athyglisverða klausu, þar sem segir að sveitarstjóri geti komið fram fyrir þéttbýliskjarna sem bæjarstjóri. Til dæmis í tengslum við vinabæjarsamskipti Húsavíkur, svo sem á Álaborgarleikunum, en Álaborg er vinabær Húsavíkur en ekki Norðurþings.“ Segir Friðrik Sigurðsson, forseti sveitarstjórnar, áður bæjarstjórnar.
Friðrik segir að menn hafi verið að velta því fyrir sér hvort ef t.d. væri búið að sameina öll sveitarfélög á Norðurlandi, hvort enginn gæti þar með komið fram sem bæjarstjóri Akureyrar, það hafi veri sú hugsun sem að baki þessu ákvæði bjó.
„Þeir í ráðuneytinu skildu í fyrstu ekki þessa klausu sem við vildum koma inn, en áttuðu sig á því eftir að Kristján Þór, stundum bæjarstjóri Húsavíkur, hafði útskýrt málið.“ JS
Nýjast
-
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.