Svar við dónaskap
Í síðustu viku las ég hér á síðum Vikudags afskaplega dónalega grein eftir Hjörleif nokkurn Hallgríms. Greinin er í sjálfri sér tæplega svaraverð en vegna þess að höfundur ákvað að draga mitt nafn inn í skrifin finn ég mig knúna til að svara. Svona skrif, að kalla fólk aumingja og öðrum uppnefnum, dæma sig sjálf og ég hugsa að karlrembuleg ummæli um hversu lengi konur geti eða geti ekki haldið kjafti séu lóð á vogarskálar okkar femínista um mikilvægi breytinga í samfélaginu frekar en að þjóna þeim tilgangi sem höfundur hefur líklega ímyndað sér að þau gerðu.
Það að grenja upp að um einelti sé að ræða þegar Hjörleifur er, í ljósi fjárhagslegra hagsmuna, ósammála skipulagsráði og meirihluta bæjarstjórnar er auðvitað fyrir neðan allar hellur og fullkomin vanvirðing við hvern einasta þolanda eineltis.
Ég vil þó gjarnan nýta tækifærið og ítreka gagnrýni mína á þá stefnu núverandi meirihluta að bærinn sé fyrst og fremst skipulagður með það að markmiði að aldrei sé þrengt að einkabílnum, alveg óháð því hverjar þarfir fólks um stærð íbúða eru.
Við þurfum fyrst og fremst að horfa til fjölbreyttra lífstílsþarfa íbúa. Sum kjósa að eiga einkabíl en önnur kjósa aðra ferðamáta. Sum kjósa að búa í stórum íbúðum en önnur kjósa minni íbúðir.
Það er ekki auðvelt að spá fyrir um framtíðina. Við vitum það eitt að hún verður öðruvísi en nútíminn og við gerum einfaldlega okkar besta til að sjá hana fyrir okkur. Ég er alveg sannfærð um að eftir því sem samskipti færast meira yfir á rafrænt form þurfum við enn frekar á því að halda að vera í návist hvers annars, og einmitt þess vegna, eigum við ekki að skipuleggja bæinn okkar út frá þörfum bílanna heldur þörfum manneskjunnar og mannlífsins.
Ég og Hjörleifur Hallgríms deilum ekki framtíðarsýn. En stundum er fólk sammála um aðgerðir þrátt fyrir að vera ósammála um markmiðið og það gerðist hjá okkur tveimur í síðustu viku.
Við þurfum öll að muna að standa ekki þegjandi hjá þegar verið er að koma illa fram við annað fólk og ég get ekki annað en fordæmt þau rætnu skrif sem birtust hér á þessum síðum gagnvart fólki sem ég veit að starfar af fullum heilindum við að bæta samfélagið sitt, jafnvel þó við séum oft ósammála um leiðirnar því markmiðið er það sama!
-Höfundur er bæjarfulltrúi VG
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir