Sumartónleikar hefjast í Akureyrarkirkju í 25. sinn á sunnudag
"Tónleikarnir skipa mikilvægan sess í menningarlífi Akureyrar og hafa Akureyringar og ferðamenn, innlendir og erlendir, notið góðrar tónlistar og vandaðs flutnings frábærra listamanna í kirkjunni. Aðsókn að tónleikunum hefur aukist jafnt og þétt undanfarin ár og að venju er fjölbreytni í fyrirrúmi og mismunandi tónlistarstefnur ríkja á hverjum tónleikum," segir Sigrún Magna Þórsteinsdóttir organisti í Akureyrarkirkju og framkvæmdastjóri Sumartónleikanna.
Á fyrstu tónleikunum leikur Kári Allansson á hið hljómfagra orgel Akureyrarkirkju, sem á 50 ára vígsluafmæli í ár. Kári, sem lauk burtfararprófi í orgelleik frá Tónskóla Þjóðkirkjunnar fyrir mánuði síðan, er í gríðarlega góðu spilaformi og munu áheyrendur heyra mörg glæsileg stykki leikin með höndum og fótum. Þann 10. júlí syngur Kammerkór Norðurlands skemmtilega blöndu af íslenskum þjóðlögum og nýjum kórverkum, undir stjórn Guðmundar Óla Gunnarssonar. Guðmundur Óli hefur einnig útsett þjóðlögin sem flutt verða.
Á þriðju tónleikunum, þann 17. júlí munu Hulda Björk Garðarsdóttir, sópran, og Eyþór Ingi Jónsson, organisti við Akureyrarkirkju og bæjarlistamaður Akureyrar 2011-2012 flytja norræn sönglög. Fjórðu tónleikarnir, 24. júlí, verða óvenjulegir en þá munu Margrét Brynjarsdóttir og Gísli Jóhann Grétarsson flytja óperuperlur sem Gísli hefur útsett fyrir sópran og gítar. Einnig munu þau flytja frumsamin lög Gísla en hann hefur nýlokið meistaranámi í tónsmíðum við Tónlistarháskólann í Piteå í Svíþjóð.
Lokatónleikar tónleikaraðarinnar verða um verslunarmannahelgina en þá munu frábærar listakonur heimsækja Akureyri. Það eru þær Guðrún Ingimarsdóttir, Sigrún Eðvaldsdóttir og Anna Guðný Guðmundsdóttir og munu þær flytja efnisskrá fyrir sópran, fiðlu og píanó. Ítarlegri upplýsingar má finna á slóðinni : http://www.akureyrarkirkja.is/page/sumartonleikar.
Nýjast
-
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing.
