Stytting vinnuvikunnar er mikilvæg fyrir þjóðfélagið
Töluvert hefur verið rætt um mikilvægi þess að stytta vinnuvikuna, sem í dag er almennt 40 klukkustundir. Á fundi atvinnurekenda á Akureyri nú í nóvember voru kynntar nýjar rannsóknir sem gerðar voru á starfsfólki á vinnustöðum þar sem vinnuvikan hefur þegar verið stytt. Helstu niðurstöður rannsóknanna leiða í ljós að starfsfólkið telur almennt að stytting vinnuvikunnar hafi haft jákvæð áhrif.
Allar kannanir sem verkalýðshreyfingin hefur látið gera, sýna svart á hvítu að vaxandi fjöldi launafólks stendur ekki undir álagi, hraða og kröfum nútíma vinnumarkaðar. Á sama tíma glímir fólk við krefjandi verkefni heima fyrir við umönnun barna, maka og foreldra. Verkalýðshreyfingin leggur því mikla áherslu á að jafnvægi ríki milli atvinnuþátttöku og fjölskylduábyrgðar í einkalífi. Slík samþætting sé nauðsynleg forsenda ásættanlegra starfsskilyrða og þeirra lífsgæða sem launafólk á rétt á.
Verkalýðshreyfingin gerir kröfu um að stytting vinnuvikunnar verði rædd í kjaraviðræðunum sem nú standa yfir. Aukið álag, streita, kulnun í starfi og fleiri þættir leiða til alvarlegra veikinda og örorku. Hagmunir launafólks, atvinnulífsins og samfélagsins alls eru því augljósir.
Nokkur atriði sem nauðsynlegt er að ræða
Þegar rætt er um styttingu vinnuvikunnar þarf að taka tillit til margra þátta, styttingin ein og sér leysir ekki öll vandamál. Málið er flóknara en svo:
-Tækninni fleygir fram og tryggja þarf að breytingarnar raski ekki jafnvægi atvinnuþátttöku og einkalífs.
- Lengja þarf fæðingarorlof og hækka greiðslur til lág- og millitekjufólks úr fæðingarorlofssjóði.
- Tryggja þarf öllum börnum leikskóladvöl og brúa bilið milli fæðingarorlofs og leikskóla.
- Tryggja þarf rétt barna til skóla-, íþrótta- og tómstundarstarfs á leik- og grunnskólaaldri.
- Endurskoða þarf rétt launþega til frítöku vegna veikinda barna, einnig rétt til frítöku vegna umönnunar fjölskyldumeðlima, svo sem maka og foreldra.
- Launþegum þarf að gefa aukin tækifæri á að stunda frekara nám og endurmenntun á vinnutíma án launaskerðingar.
- Auka þarf raunverulega möguleika launafólks til sveigjanlegra starfsloka, þar sem tekið er tillit til ólíkra aðstæðna á vinnumarkaði.
Umræðan er hafin
Verkalýðshreyfingin hefur undirbúið komandi kjaraviðræður vel, kröfugerðin var mótuð og samþykkt af grasrótinni. Stytting vinnuvikunnar kann að hljóma vel í eyrum flestra. Við verðum samt að gæta að því að jafnvægi ríki á milli atvinnuþátttöku, fjölskylduábyrgðar og einkalífs. Umræðan í þjóðfélaginu hafin fyrir alvöru, sem vissulega er mikið fagnaðarefni.
Verkalýðshreyfingin leggur af stað í kjaraviðræður meðal annars með það að markmiði að bæta starfsumhverfið, auka sveigjanleika og samþætta fjölskyldu- og atvinnulíf.
-Höfundur er formaður Einingar-Iðju og Starfsgreinasambands Íslands
Nýjast
-
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi.
Athugasemdir