Stórsigur Þórs/KA í kvöld
Það tók heimastúlkur 12. mínútur að skora fyrsta markið í leiknum og það gerði Mateja Zver þegar hún afgreiddi boltann snyrtilega í netið eftir sendingu frá Ivönu Ivanovic. Fimm mínútum síðar bætti Karen Nóadóttir við öðru marki heimastúlkna með hnitmiðuðu skoti inn í teig í bláhornið fjær eftir góðan undirbúning frá Rakel Hönnudóttur. Það var svo Rakel sjálf sem skoraði þriðja mark heimastúlkna þegar hún tók á rás í átt að marki gestanna og lét vaða á markið fyrir utan teig og gott skot hennar söng í netinu. Staðan í hálfleik, 3-0 fyrir Þór/KA.
Eftir mikla yfirburði Þórs/KA í fyrri hálfleik var aðeins meira jafnræði með liðunum í upphafi seinni hálfleiks. Afturelding komst aftur inn í leikinn þegar þær náðu að minnka muninn með marki á 54. mínútu og staðan orðinn 3-1. En Þórs/KA stúlkur voru ekki á því að hleypa gestunum nær þeim og Mateja Zver skoraði sitt annað mark í leiknum og fjórða mark heimastúlkna á 67. mínútu þegar hún fékk boltann fyrir utan teig gestanna, sneri á punktinum og þrumaði boltanum í stöng og inn. Glæsilega gert og Þórs/KA stúlkur komnar í 4-1. Rakel Hönnudóttir skoraði fimmta mark heimastúlkna og annað mark sitt í leiknum á 77. mínútu þegar hún skallaði boltann glæsilega í netið eftir hornspyrnu frá Mateju Zver. Rakel fullkomnaði svo þrennuna með marki á uppbótartíma leiksins og öruggur 6-1 sigur Þórs/KA á Aftureldingu staðreynd.
Eftir leikinn hefur Þór/KA 25 stig og er í fjórða sæti deildarinnar.
Nýjast
-
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."