Stofnundur félagsins Arfur Akureyrar verður á mánudag
Stofnfundurinn verður í Minjasafninu á Akureyri á mánudagskvöld. Mynd á vefsíðu Northiceland.is
Stofnfundur félagasamtakanna Arfur Akureyrar verður haldinn í Minjasafninu á Akureyri að Aðalstræti 58 mánudaginn 29. ágúst 2022, kl. 20.00
Á vordögum kom áhugafólk saman til að ræða um leiðir til að standa vörð um menningarminjar Akureyrarbæjar og var ákveðið að koma á fót hópi til að undirbúa stofnun félags um verndun menningarminja og sögu Akureyrarbæjar. Afrakstur þeirrar vinnu liggur nú fyrir og hópurinn boðar nú til stofnfundar á afmælisdegi bæjarins, næstkomandi mánudag.
Markmið samtakanna eru: · Að standa vörð um menningarminjar í Akureyrarbæ. · Að vekja og viðhalda áhuga á gildi menningarminja. · Að auka skilning á þeim verðmætum sem menningarminjar búa yfir fyrir nútíð og framtíð. · Að standa vörð um varðveislu þess arfs svo hann megi um framtíð verða hluti af bæjarlandslagi okkar og menningu. · Að vekja athygli á þeim tækifærum sem felast í húsvernd og uppbyggingu á sögulegum forsendum fyrir lífsgæði og fjölbreytileika. · Að aðstoða bæjaryfirvöld við varðveislu menningarminja. Stofnuð hefur verið fésbókarsíða sem er opin öllum.
Á síðunni geta áhugasamir skráð sig sem stofnfélaga og allir eru boðnir velkomnir á stofnfundinn. „Það er einlæg von undirbúningshópsins að þessu verkefni verði vel tekið og það verði bænum okkar til mikils gagns og gæfu til langrar framtíðar,“ segir í tilkynningu frá undirbúningshópi.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir